Бүгін бізде туған күн ойындары мен сценарийлері

«Бүгін бізде туған күн»

Мақсаты: Балаларда мерекелер туралы ұғымдарын кеңейту. Туған күнді мереке ретінде жағымды қабылдай білуге үйрету. Жақсы тілек айтуға булу.Балаларды адамгершілікке, достыққа, сыйластыққа тәрбиелеу.

Жүргізуші: Құрметті шақырулы қонақтар, тобымыздың «Бүгін бізде туған күн» атты мерекемізге қош келдіңіздер. Бүгін біздің «Құлыншақ» тобының бүлдіршіндері Адина, Ерасыл, Әли, Ерасыл 4 жасқа толып, туған күндері аталып өткелі отыр. Олай болса туған күн иелерін төрімізге шақырайық.

Жүргізуші: Құттықтау мен сыйдың, Иесі мынау төрдің. Айтыңдаршы балалар, Туған күні кімнің?

Ия, өте дұрыс айттыңдар Адина, Ерасыл,Әли, Ерасыл, Айару, Мәди, Даниилдің туған күндері екенБалалар бүгінгі туған күн иелеріне тағыда бір қол соғып, қошемет көрсетейік! Балалар көңі л күйлерің қалай? Жүргізуші: Ендеше балалар бәріміз бірге туған күн иелерін құттықтайық, кәне бәріміз бірге «Туған күндеріңмен!» деп 3 рет 3тілде айтайық.

Жүргізуші: Туған күнін достардың, Зор қуаныш көреміз. Ортаға алып би билеп, Ән де салып береміз. Ән: «Күзгі жаңбыр» Дания: Балдай тәтті баламыз ,

Ақылдымыз данамыз . Туған күнін достардың , Бірге қарсы аламыз.

Сайқымазақ: Музыка әуенімен залға Сайқымазақ көңілді кіреді, қолында шарлары бар:– Ой мұнда не болып жатыр, сендер қандай әдемі көңілдісіңдер, бәрің қуаныштысыңдар ғой.

Мен де сендермен мерекеде болайыншы.

Ой айтпақшы, мен сендерге ойын алып келген едім.

Ойнайсыңдар ма?

Ойын: Қорқақ шарлар

Ойын: «Сиқырлы жіп»

Жүргізуші: Кел, келіңдер бүгін,

Туған күні достың.

Бірге біздер тойлайық.

Би билейік ойнайық.

Би: «Дождик»

Ойын: «Көңілді суретші»

Жүргізуші: Ән құрадым үніңмен,

Сән құрадым гүліңмен.

Құттықтаймыз сендерді

Қысқы туған күніңмен.

Би: «Күшіктер»

Ойын: «Алыптың аяқ киімі»

Ақнұр: Туған күнді тойлаймыз, Қызықты ойын ойнаймыз. Қолдан жасап ойыншық, Досымызға сыйлаймыз.

Жүргізуші: Ұзақ болсын әрдайым өмірлерің,

Тасысын шаттықтан көңілдерің,

Жарқырап күн санап өсе бергін,

Жарқылдаған семсердей сенімдерің.

Осымен күз мезгілінде туылған балаларға арналған

«Бүгін бізде туған күн» атты кешіміз аяқталды. Балалар сендерге зор денсаулық, ашық аспан, бақытты балалық шақ, ата-аналарыңыздың сүйікті ұл-қыздары болып өсулеріңе тілектеспіз!