Бұрымды ару тәрбие сағатының сценарийі

Тақырыбы: Бұрымды ару

Мақсаты: қазақ қызының бойындағы ұлттық дәстүрімізге сай әдептілік, көріктілік, ептілік, инабаттылық, кішіпейілділік, сұлулық т.б . жан – жақты ұлттық қасиеттерін таныта білу, қазақ халқының ұлттық өнерін, салт – дәстүрін дәріптеуге үйрету, оқушылардың танымдық және шығармашылық қабілетін, эстетикалық талғамын, шеберлігін дамыту, көпшілік алдында өзін – өзі ұстай білуге , мейірімділікке тәрбиелеу.

1 – жүргізуші:

Армысыздар, құрметті ұстаздар,тәрбиеленушілер! Бүгін сіздер «Бұрымды ару» байқауын тамашалауға келіп отырсыздар. Қош келдіңіздер. Көңіл сарайларыңыз ашылсын, күлкілеріңіздер інжу – маржан шашылсын!

2 – жүргізуші:

Қазақ халқы «қыз» деген сөздің өзін әдептіліктің, әдеміліктің, инабаттылықтың, сұлулықтың белгісі деп таныған. Әсіресе қыз баланың көрікті болып өсуіне анасы ерекше көңіл бөліп, «Аттың көркі – жалы, қыздың көркі – шашы» деп қыздың шашын күтіп өсіруді өнер санаған. Ол үшін оның шашын айранмен, қанымен жудырған. Шаштарын «қос бұрым» немесе «бестемше» етіп өру бойжеткен қыздың көркі болған. Қазақ халқының жырларында қазақ қыздарының шаштарын керемет суреттеген: Шашының ұзындығы ізін басқан», «шаштарын он күн тарап, бес күн өрген», «Қыпша бел, қиылған қас, қолаң шашты».

1 – жүргізуші:

Армысыздар ағайын, құрбы – құрдас!

Бармысыздар жан күйер, әр қауымдас!

бүгінгі кеш әуенін біз бастайық,

Сайыста көңілменен қол соғайық!

2 – жүргізуші:

Біздерде ойын – сауық басталады,

Тамаша күй тартылып, ән салады.

Қошеметтеп, қол соғып отыралық,

Ұмытарсыз күні бойы шаршағанды.

1 – жүргізуші:

Мен қазақ қыздарына қайран қалам,

Жанары жаздай күліп жайрандаған.

«Қыз өссе елдің көркі» деген сөзді,

Қапысыз қалай айтқан қайран бабам – деп отырып Құрметті тәрбиешілер және тәрбиеленушілер! Бүгінгі «Бұрымды ару» атты байқауға қош келіпсіздер!

2 – жүргізуші:

Шық аруым жарысқа,

Бір – біріңнен қалыспа.

Өнерінді байқасын,

Мына отырған халық та – демекші бүгінгі байқауымыздың аруларын ортаға шақырамыз.

(Арулар ортаға кезекпен шығады)

Уа, арулар, арулар ,

Ешкімің жоқ алалар,

Ару болу үлкен сын.

Оның қазың бағалар, - деп қазылар алқасымен таныстырамыз.

Интернат меңгерушісі

ҰҚТ тәрбиешісі

Тәрбиеші

Қыздар кеңесінің төрайымы

ӘН «Қазақ аруы»

1 – Эстетикалық талғам.

2 – «Мен қазақтың қызымын дара туған» таныстыру.

3 – Шаш күтімі.

4 – Ас адамның арқауы (картошканың қабығын үзбей аршу)

5 – Шаш үлгісін жасау.

6 – Салт – дәстүрге байланысты сұрақтар.

Уа, халайық, халайық,

Мұнда назар салайық.

Бұрымды қыз сайысын.

Рұқсат болса бастайық.

1 – жүргізуші:

Мың бұралған арулар аңдап басып,

Келеді міне ортаға толқып. тасып,

Аруларын сыйлаған халқым менің,

Көңілді қошеметпен қарсы алайық. (Арулар ортаға шыққанда «Қыз сыны» әнінің әуені қосылады)

2 – жүргізуші:

Білектей арқасында өрген бұрым,

Шолпысы сылдыр қағып жүрсе ақырын,

Кәмшат бөрік, ақ тамақ, қара қасты,

Сұлу қыздың көріп пе ең мұндай түрін, деп – Абай атамыз жырлағандай , байқауымыздың 1 бөліміне кезек берейік. Бұл бөлімінде Эстетикалық талғам – деп аталады. Бұл сайыста қыздардың киімі, шаштың өрімі, жүріс – тұрысы бағаланады.

1 – жүргізуші:

Бойжеткен арулар келіп жетті танысуға,

Бойындағы бар дарынды дарытуға

Жаймен басып сахнаға келіп жетті.

Әдеппен, ізетпен танысуға , - демекші 2 бөлім «Мен қазақтың қызымын дара туған» таныстыру. Рет бойынша арулар өздерін таныстырып шықсын.

ӘН «Қазақ қызы» Дамир

3 – шаш күтімі.

2 – жүргізуші:

Бұрымды қыз сайысы,

Тәрбиелі, мәні де.

шашты күтіп өсіру, Қыз баланың сәні де, - дегендей бұл сайыста аруларымыз ұзын шаштың формуласымен таныстырып, ұзын шашты өсірудің құпиясын ашады және сусабындарына жарнама жасайды.

4 – Ас адамның арқауы (картошканың қабығын үзбей аршу)

2 – жүргізуші:

Кедеймін деп қысылма.

Өнерің болса қолында.

Өнерлінің ыпысы.

Жарқырап жатыр жолында келесі сайысымыз «Ас адамның арқауы» (Картошканың қабығын үзбей аршу)

5 – Шаш үлгісін жасау.

1 – жүргізуші:

Сұлу қыздар, ару қыздар, бұрымдылар,

Шашты кеспей оны күтіп қараңдар.

Қыздың көркі шаш екенін түсініп,