БЖБ 5 сынып Қазақ тілі мен әдебиеті

А Бөлімі

«Денсаулық – зор байлық», «Менің Тәуелсіз Қазақстаным», «Аспан әлемінің құпиялары» бөлімі бойынша жиынтық бағалау тапсырмалары

Оқу мақсаты

5.1.6.1 Тыңдалым материалдарының мазмұны негізінде сұрақтарға жауап беру

5.2.4.1 Шағын көлемді мәтіндердің мазмұнына жоспар құру, соған сүйеніп баяндау

Бағалау критерийі

Мазмұнға бағытталған сұрақтарға жауап береді

Жоспар бойынша баяндайды

Ойлау дағдысының деңгейлері

Білу, түсіну, қолдану

Орындау уақыты

15-20 минут

Тапсырма Мәтінді 2 рет тыңдап, төмендегі тапсырмаларды орындаңыз.

Қазақстан Республикасының мемлекеттік рәміздері: Ту, Елтаңба, Әнұран. Олар тәуелсіздігіміздің нышандары болып табылады.

Мемлекеттік Тудың — ортасында күн, оның астында қалықтап ұшқан қыран бейнеленген . Тудың сабының тұсында ұлттық өрнек нақышталған. Күн оның шұғыласы, қыран және ұлттық өрнек бейнесі алтын түстес.

Тудың көгілдір түсі, бұлтсыз аспанды білдіреді. Мемлекеттік жалаудың көгілдір аясы, Қазақстан халқының жаңа мемлекет құруға ұмтылу ниетінің тазалығы мен көтеріңкілігін көрсетуге шақырады. Күн тыныштық пен байлықты білдіреді. Қазақстан Республикасының Мемлекеттік Туындағы дала бүркіті қазақстандықтардың жомарттығы мен қырағылығын, пейілінің биіктігін танытады. Қазақстан Республикасы Мемлекеттік Туының авторы – Қазақстанның еңбек сіңірген өнер қайраткері Шәкен Ниязбеков.

Қазақстан Республикасының Мемлекеттік Елтаңбасы — дөңгелек нысанды және көгілдір түс аясындағы шаңырақ түрінде бейнеленген, шаңырақты айнала күн сәулесіндей тарап уықтар шаншылған.

Тұлпар — дала дүлдiлi, ер-азаматтың сәйгүлiгi, желдей ескен жүйрiк аты, жеңiске деген жасымас жiгердiң бейнесi.

Қазақстан Республикасының Әнұраны – мемлекеттің салтанатты әні. Әнұранның әуені 1950 жылдардан бері Қазақстанның бейресми әнұраны атанған Ш.Қалдаяқовтың "Менің Қазақстаным" әні болғанымен мәтіні аз кем өзгертілген. Әні – композитор Шәмші Қалдаяқовтікі, сөзі – Жұмекен Нәжімеденов пен Нұрсұлтан Назарбаевтікі.

Оның сөздерінде халықтың мыңдаған жылғы тарихы, бүгінгі өмірі мен келешек арманы айтылған.

Ақпарат дереккөзі: https://massaget.kz/

layfstayl/alemtanu/Qazaqstanym/15445/

(мәтін шағындалып, өзгертілген)

1-тапсырма. Мәтінге байланысты сұрақтарға жауап жазыңыз.

Р/с

Сұрақ

Жауап

Мемлекеттік рәміздер деген ұғымды қалай түсінесің?

Қазақстан Республикасының Мемлекеттік Туындағы қыран құс бейнесі қандай мағына бейнеленген?

Қазақстан Республикасының гимнінде не айтылады?

2-тапсырма. Мәтінді мұқият оқыңыз. Мәтіндегі азат жолдар бойынша шағын жоспар құрыңыз.

Спорт – денсаулық кепілі