БЖБ 7 сынып Қазақ тілі

А бөлімі

Қазақ тілі, 7-класс

Бөлім/аралық тақырып бойынша жиынтық бағалау тапсырмалары

Бөлім «Сүйіспеншілік пен достық. Морфология»

Оқу мақсаты

7.1.1.1 мәтін үзінділерін тыңдай отырып, оқиғаның дамуы мен аяқталуын болжау

7.4.4.1етістіктің есімше, көсемше, түрлерін, тұйық етістік, шақ, рай түрлерін тілдесім барысында қолдану

Бағалау критерийі Білім алушы

мәтінді мұқият тыңдап, оқиғаның дамуы мен аяқталуына болжам жасайды.

етістіктің есімше, көсемше түрлерін, тұйық етістікті, шақ, рай түрлерін қолданады.

Ойлау дағдыларының деңгейі білу және түсіну, қолдану

Орындау уақыты 15-20 мин

Тапсырма

Мәтін үзіндісін мұқият тыңдап, мәтіннің дамуын болжаңыз, болжау барысында етістіктің есімше, көсемше, тұйық етістік, шақ, рай түрлерін қолданыңыз.

Шынайы дос

Әкесі баласына достарының шынайы дос еместіктерін қанша айтып жүрсе де, баласы онымен келіспей: «Сіз оларды білмейсіз. Олар менің шын достарым», - деп үнемі қарсылық көрсетеді. Бір күні әкесі: «Олай болса достарыңды сынап көрелік. Бір қойды сойып, оны бөлшекте-дағы, қан-қан күйінше етті бір қапқа салып кел», -дейді. Бозбала айтқанды жасайды. «Енді»,-дейді әкесі- «осы қапты алып достарыңа бар да «біреуді өлтірдім, сүйегі мына қапта... маған көмектес», -деп сұра. Достарыңның саған адал болғанын, болмағанын сонда көрерсің», -дейді (дамуын болжаңыз).

Мәтіннің жалғасын мұқият тыңдап,аяқталуын болжаңыз.

Бозбала бір досының үйіне барады да, біреуді өлтіріп қойдым деп, одан өлікті тығуға көмектесуін сұрайды. Бірақ досы келіспейді. «Менен алыс жүр!» бәледен аулақ деп есігі алдынан қуып жібереді. Тағы бір досына барса, ол да көмектеспей қайтарып жібереді. Басқалары да солай. Көңілі түсіп әкесінің алдына келеді. «Айтқаныңыз рас екен. Шын дос емес екен олар маған. Ешбірі көмектескісі келмеді»,-дейді ол мұңая. Әкесі «Айттым ғой, саған, -деп,енді пәлен жерде тұратын, пәленше деген кісіге сәлемімді айтып бар да, достарыңнан сұрағанды одан да сұра», -дейді. Бозбала айтылған жерге барып, әкесінің досына жолығады.

(Аяқталуын болжаңыз)

Әкесінің сәлемін айтып, «Біреуді өлтіріп қойдым, әкем сізді маған көмектеседі деп айтқан», -дейді. Әкесінің досы дереу оны үйге кіргізіп, өзі үйдің артқы бақшасынан бір ор қазады. Қапты сол орға көміп,үстінен қызғалдақтарды егіп тастайды. Бозбала үйге…