Дала думан Наурыз мерекесіне арналған тәрбие сағаты

«Дала-думан» ұлттық наурыз мерекесіне арналған

ашық тәрбие сағаты

Жүргізуші: Құрметті қонақтар, әріптестер! Дәстүрге айналған Ұлыстың Ұлы күні – Наурыз мерекелеріңіз құтты болсын! Күлімдеген шуақты көктеммен бірге қазақ даласына жаңа жыл келді, оны ақ тілекпен, ақ ниетпен қарсы алады.Ұлы мерекеңізбен құттықтап: дендеріңізге саулық, жанұяларыңызға бақыт, еңбектеріңізге табыс тілейміз.

Ұлы мереке сіздерге тек бақыт сыйласын.

Наурыз келді мейрамы шаттанып

Жүректерде қуаныштар жатталып,

Бүгінгі ұлы тойдың бастауында

Үйде тыныш қол қусырып жатпалық.

Армысыздар құрметті халайық,,

«Дала-думан» наурыз мейрамына арналған кешке қош келдіңіздер.

Алдарыңда әсем әнмен шығамыз.

Көкіректе күмбірлейді жыр аңыз.

Шашу шашып берекеге толтырып,

Ақ ниетпен «дала-думанды» құрамыз

Музыка жіберіледі.

Ұлттық киім киген оқуылар сахнаға шыға бастайды. Қазақ киіммен бір әже шығып шашу шашады, көпшілікке қарайды.

Жүргізуші: Ән салып жүректерді тербеген,

Өнердің биігіне өрлеген.

Байқауларға бағын салып қатысса,

Еш жүлдесіз оралмаған, келмеген- деп ортаға мектептің әнші қыздары Сымбат пен Инараны

«Наурыз» әнімен қошеметтеп қарсы аламыз.

Жүргізуші: Күй күмбірлеп ағады тиектерден,

Бар ырысын бойына жиып терген.

Киелі Маңғыстауым маңғаз мекен

Күйшілер көрінген әркез биіктерден.

Деп ортаға балалар өнер мектебі жанынан құралған «Балбырауын» балалар ансамблі орындауындағы «Келіншек» күйін тамашалаңыздар.

Жүргізуші: Енді сахнаға тазша баланы шақырайық.

Қош келді тазша бала

Біз сені көп күттік

Келгеніңе өте қуаныштымыз.

Кел,қонағымыз бол,төрлет

Тазша балаға сөз беріледі.

Туа салып атандым,Тазша бала

Мендей аңқау болмас-ау, басқа бала

Наурыз тойы өтеді дегенді естіп,

Көк есекпен желдіртіп жеттім жаңа.

Гаухардың орындауыда «Жаңа-жыл» әнін қабыл алыңыздар.

Жүргізуші: Қазатың ұлттық ойыдарының бірі «Сақина салу» (ойын ойнатылады)

Жүргізуші: Көктемнің алғашқы мерекесі «Аналар» мерекесімен басталады. Анаға қай заманда да, ең сұлу ескерткіштер, ең әдемі өлеңдер мен әндер арналған. Ақын Т.Айбергенов жырлағандай:

Ана керек! О,адамдар

Ана керек адамға,

Анасыздар аң сияқты,

Күн кешіп жүр ғаламда,

Пікірімді ұнатпаған таптық та дер дананы

Даналықтың қажеті жоқ

Сыйлау үшін ананы!

Демекші келесі орындалатын ән барша аналардың құрметіне арналады. Думан триосы «Аналар» әні.