Даналықтан қанып іш 8 сыныпқа арналған ашық сабақ

Тақырып: Даналықтан қанып іш

Құндылық: парасаттылық

Қасиеттер: мейірімділік, сыйластық, құрмет.

Сабақтың мақсаты: оқушыларға «парасаттылық», «ақиқат» ұғымдарын түсіндіру арқылы ішкі тыныштық құндылығының мәнін ашу.

Сабақтың міндеттері:

оқушыларға даналық ұғымын түсіндіру;

оқушыларды өздігінен тіл алғыш, тиянақты, ұқыпты болуға баулу;

оқушыларды парасаттылыққа, ізденімпаздыққа, ақылды адал болуға тәрбиелеу.

Ресурстар (материалдар, дереккөздер) Оқулық, дәптер, суреттер

Сабақтың барысы

Ұйымдастыру кезеңі: 5Т ережесін сақтау

Татулық, тыныштық, тәртіп, тазалық, талап

Тыныштық сәті. Тыныс алуға зейін қою.

Сіздерден аяқ-қолыңызды айқастырмай, түзу отыруыңызды өтінемін. Бәз қазір тыныс алу жаттығуын жасаймыз. Тыныс алуға зейін қойған кезде, біздің ақылымыз дем алады. Ауаны ішке жұту кезінде тыныштық пен қуаныш қабылдаймыз. Демді сыртқа шығарған кезде өзіміздегі мазасыздықтарды сыртқа шығарамыз.

Қане, дайындалайық, балалар. Көзімізді жұмамыз... арқамызды тіктейміз... қолдарымызды тізеге қоюға болады...

Дем ал......шығар.... (жаймен 9-10 рет)

Үй тапсырмасын тексеру.

«Мен әлемнің бөлшегімін» тақырыбында жазып келген эссе тексеру.

«Мен әлемді сүйемін» тақырыбында қанатты сөздер жазып келу

3. Дәйексөз

Өмірдегі игіліктің ең кішісі- байлық, ең үлкені- даналық. Готхольд Лессинг

Дәйексөзді дәптерге жазып алады және мағынасын сұрау.

4. Әңгімелеу(Мұғалімнің сыйы). Төле бидің аталы сөзі мәтінді оқу

Сұрақ:

Әйтеке бидің баласы неліктен аталы өсиетті тыңдауға құмартты деп ойлайсыңдар?

«Аталы сөз» дегенді қалай түсінесіңдер?

Бидің айтқан даналығынан қандай ой түйдіңдер?

Бабалар даналығын күнделікті өмірде қалай қолданып жүрсіңдер?

Шығармашылық іс-әрекет,топтық тапсырма. Жалпы топқа тапсырма

Жүсіп Баласағұнидың өлеңін оқып, онда айтылған үш «жұтқа» кері үш «құтты» тауып жазыңдар.

І топ. «Жіп түйінсіз байланбайды, сөз шындықсыз байланбайды» деген дана сөзді басшылыққа алып, шындық, ақиқат ұғымдарына өз анықтамаларыңды жазыңдар.

ІІ топ. Құрманбай Толыбаевтың «Парасат» мәтінін оқып, адамның парасаттылығын неден байқауға болады деген сұраққа жауап беру

ІІІ топ. Төменде берілген сөздерді пайдалана отырып, «дана адамға» мінездеме беріп, оның портретін жасаңдар.

Қажетті сөздер: парасатты, қарапайым, шыншыл, ізгі, адал, қайырымды, ізденімпаз, батыл, сабырлы, шешен, қамқор, ұяң, ұстамды, өжет, жомарт, ақылды, ұқыпты, сыпайы, жанашыр, кешірімді

Топпен ән салу.«Қазақтай ел қайда?»

Әнін жазған Жарылқасын Дәулет Өлеңін жазған Несіпбеп Айтұлы