Дарабоз интеллектуалды ойыны 2-сыныпқа арналған

Мақтаарал ауданы Игілік ауылы

«Т.Әубәкіров атындағы №43 жалпы орта мектебі» коммуналдық мемлекеттік мекемесінің бастауыш сынып мұғалімі

Ембергенова Балжан Амангельдиевна

«Дарабоз» интелектуалды ойын

Мақсаты: оқушыларды өз бетінше ізденуге, ойларын еркін жеткізе білуге үйрету. Ой-өрісін, тілін, ойлау қабілетін дамыту. Шығармашыл белсенді тұлға тәрбиелеу.

Көрнекілігі: АКТ, мақал-мәтелдер, сызба, сандар.

Түрі: зияткерлік ойын

Сабақтың барысы: І. Ұйымдастыру кезеңі

Тыңдаңыздар! Тыңдаңыздар!

Сайыстан тыс қалмаңыздар!

Мұнда қызық табылар,

Білім нұры шашылар.

Ақыл, тілі дамыған,

Үлгі алайық балалардан!

Құрметті ұстаздар, ата-аналар, оқушылар! Еліміздің болашағы тек қана білімді жастар екені даусыз.

Көңілді тапқыштар, алғырлар,

Бар өнерін алдарыңа салады.

Кім білімді, көп оқыған болса егер,

Бүгінгі күн жеңімпазы болады.

Ең алдымен сайысқа қатысушылармен танысып өтейік.

«Бүркіт» тобы

«Қыран» тобы

«Сұңқар» тобы

Мемлекетіміздің ертеңі сендерсіңдер. Біздің міндетіміз сапалы, білімді жастарды тәрбиелеу.

Әділқазы алқасына бір сәлем!

Әділдікке бас иеді күллі әлем!

Жүйрік озар сайыстарда неше бір.

Сарапқа сап әділдікпен шеше біл!

Сайыстың әділ бағасын беретін,

Әділқазы алқасымен таныс болыңыздар.

Кіріспе сөз: Тіл – өте маңызды құрал. Тіл болмаса адам өз ойын жеткізе алмас еді. Өткен тарихымыз, халқымыздың әдет ғұрыптары, салт-дәстүрлері, бізге ана тіліміз арқылы жетеді. Қазақ тілі – өте бай әрі көркем тілкдерінің бірі. Мемлекеттік тілді меңгеру – ҚР азаматының парызы.

Бүгінгі интелектуалды ойын 5 кезеңнен тұрады:

«Кім жылдам?»

«Тұлғаны тани біл»

«Сандар сыры»

«Мақал – сөздің мәйегі»

«Ойлы болсаң озып көр»

Білген сайын келеді біле бергім,

Біле беру емес пе тілегі елдің.

Бүгін осы сайыста жеңіске жет,

Білімді, әрі білікті жас жеткіншек- деп сайысымыздың 1кезеңін бастаймыз.

1 кезең:

- «Кім жылдам?» бұл сайыста әр топқа 5 сұрақтан қойылады. Сонымен, топтарға сәттілік тілей отыра, ойынымызды бастаймыз.

1 топ: 1. Қыс айларын ата. (желтоқсан, қаңтар, ақпан)

2. Хабарлы сөйлем дегеніміз не? (бірдеңеңін жайын хабарлау мақсатында айтылған сөйлем).

3. Көк жиктін неше тұсы бар? (4)

4. Шаршы дегеніміз не? (барлық қабырғасы тең фигура)

5. Ы.Алтынсарин кім? (ағартушы, қазақ мектебін ашқан)

2 – тобы:

Тірі табиғатқа не жатады? (адам, жануар, өсімдік)

Көктем айларын ата? (наурыз, сәуір, мамыр)

Түбір дегенімізне? (бөлшектеуге келмейтін сөз)

А. Құнанбаев кім? (ақын)

Қосудың компонентерін ата. (қосылғыш, қосылғыш, қосындының мәні)

3 – тобы:

Өлі табиғатқа не жатады? (тау, тас, бұлт)

Көбейтудің қасиеттерін ата (көбейткіш, көбейткіш, көбейтіндінің мәні)

Жылқының сүті (қымыз)

Қосымша дегеніміз не? (түбірге жалғанған бөлігі)