Дарабоз сыныптан тыс жұмыс 7 сыныпқа арналған

Дарабоз

Максаты: Оқушыларды өз бетінше ізденуге, ойларын еркін жеткізе білуге үйрету, ой-өрісін, тілін, ойлауқабілетін дамыту, шығармашыл белсенді тұлға тәрбиелеу.

Түрі: Зияткерлік сайыс.

Құрметті ұстаздар, оқушылар! Еліміздің болашағы тек қана білімді жастар екені даусыз. Осы мақсатпен 7-сынып оқушыларының арасында “Дарабоз” атты интелектуалды ойынын өткізгелі отырмыз. Көңілді тапқырлар, алғырлар,

Бар өнерін алдарыңа салады.

Кім білімді, көп оқыған болса егер,

Бүгінгі күн жеңімпазы болады.

-Ең алдымен сайысқа қатысушылармен танысып өтейік.

1. 7 “A” сыныбының “Ұлағат” тобы

2. 7 “Ә” сыныбының “Білімділер” тобы

3. 7 “Б” сыныбының “Алғырлар” тобы

4. 7 “В” сыныбының “Алау” тобы

5. 7 “Ғ” сыныбының “Толағай” тобы

-Әділқазы алқасына бір сәлем!

Әділдікке бас иеді күллі әлем!

Жүйрік озар сайыстарда неше бір.

Сарапқа сап әділдікпен шеше біл!

Сайыстың әділ бағасын беретін, әділқазы алқасымен таныс болыңыздар.

Жаксылық адамдардың тілегі екен,

Тілейтін жақсылықты жүрегі екен.

Дәстүрі қазағымның сарқылмаған,

Шарттарын сайыскерлер біле ме екен?

-Бүгінгі интеллектуалды ойын 6 бөлімнен тұрады:

1.Топтың аты, ұраны, төс белгісі.

2. “Қос-қағым сәтте” (білімділер сайысы, бұл сайыста әр топқа 3 сұрақтан қойылады. Әр сұрақ 3 ұпаймен есептеледі)

3. “Шебердің қолы ортақ” (бас киім жасау, түрлі-түсті қағаздан: сәукеле, тақия.)

4. “Тұлғаны тани біл” (Бұл сайыста көрсетілген тұлғалар туралы өз білгендеріңді айтасындар.Әр топқа 2 тұлғадан беріледі. Әр дұрыс жауапқа 3 ұпайдан беріледі. )

5. “Ойлы болсаң, озып көр! ” (Бұл сайыс топ басшыларына арналған. Әр дұрыс жауап 3 ұпай)

6. “Өнер сайысы” (Әр топ өз өнерін көрсетеді ән, би, өлең, оқу, күй. 3 ұпай)

Сайысымызды бастайық:

I. Таныстыру кезеңін бастамас бұрын, ортаға топ басшыларын шақырып, қоржыннан асық алдырып, қай топтың сайысты бірінші бастайтындығын анықтап алайық. (Қоржыннан асық алу)

1-топ

2-топ

3-топ

4-топ

5-топ

II. Білген сайын келеді біле бергім,

Білге беру емес пе тілегі елдің.

Бүгін осы сайыста жеңіске жет,

Білімді, әрі білекті жас жеткіншек. –дей келе сайысымыздың II кезеңін бастаймыз.