Дарабоз тақырыбына арналған мектепке дейінгі балалар материалы

Тақырыбы: «Дарабоз»

Мақсаты:Салауатты өмір сүруге қызығушылығын арттыру. Спортпен айналысудағы әртүрлі дене шынықтыру жаттығуларының әдістерін үйрену, оларды қолдану.

Балалардың спортқа деген қызығушылықтарын арттыру.Ептілікке, шапшаңдыққа, салауатты өмір салтына, тазалыққа тәрбиелеу.

Ойынға қатысушылар: «Көгершін» және «Аққу» тобы.

Көрнекіліктер: Сайыс тақырыбы,жарнама қағаздары,эмблема,арқан,доп,шар,қап.

Өтілетін орны:Спорт залы.

Жүргізуші: Құрметті қонақтар,балабақша қызметкерлері, бүлдіршіндері!

Бүгінгі «Көгершін» мен «Аққу» тобының «Дарабоз» спорттық жарысына қош келдіңіздер!

Әр таңды бақытпенен атырамыз,

Өнерді ой көгінде бақылаңыз.

Сайысқа қатысуға енді ортаға,

«Тұлпар» мен «Қыран» топтарын шақырамыз.

Сайысымызды бастамас бұрын, сайысымыздың әділқазылар алқасымен таныс болайық.

Балабақша меңгерушісі: Е.А.Ержума.

Балабақша әдіскері: А.Н.Жунусова.

Медбике: А.Д.Нұрғалиева.

Сайыс шарттарымен таныс болыңыздар:

1.Топтармен танысу.

2.Кім жылдам?

3.Боулинг.

4.Кедергілерден өту.

5.Қаппен секіру.

6.Шеңберден шеңберге.

7.Кім жылдам?

Құрметті сайыскерлер, сайысымызды бастаймыз!

1-кезең топтармен танысу.

«Қыран» тобы

Ұраны: Қырандай күшті қанатты,

Біз өрендер талапты.

«Тұлпар» тобы

Ұраны: Желмен бірге жарысқан,

Тұлпар қалмас жарыстан.

2-кезең «Кім жылдам?»

Шарты:Балалар берілген жерге дейін жүгіріп қайтады.

3- кезең «Боулинг»

Шарты:Балалар қатар қойылған кеглилерді допты лақтыру арқылы құлатуы қажет.

Көгершін орта тобының бүлдіршіні Әшірбек Айнұр «Үш бақытым» өлеңін оқиды.

4- кезең «Кедергілерден өту»

Шарты: Балалар орнатылған кедергілер арасымен өту.

5- кезең «Қаппен секіру»

Шарты:Балалар қаппен секіріп белгіленген жерге дейін барып қайтады.

6- кезең. «Шеңберден шеңберге»

Шарты:Балаларға екі шеңбер беріледі. Бір шеңберді алдына қойып аттау арқылы берілген орынға барып қайтады.

7- кезең «Кім шапшаң?»

Шарты: Балалар бір-біріне доп беру арқылы жарысады.

Көгершін тобының бүлдіршіні Тоқтархан Каусар «Жаңбыр» әнін орындайды.

Жүргізуші: Біреу озса жарыстан,

Біреу артта қалады.

Жеңілгендер ренжімей

Тараса бізге жарады,

- демекші сайысымыздың шарттары бойынша қорытынды шығарып, жеңімпаздарды анықтап, марапаттау үшін сөз кезегі әділқазыларға беріледі.

Балабақша меңгерушісі Е.А.Ержумаға сөз беріледі.

Сайыскерлер марапатталады.

Жүргізуші: Құрметті қонақтар, бүлдіршіндер келгендеріңізге көп-көп рахмет!

Келесі кездескенше сау-саламат болыңыздар!