Дәрумендер еліне саяхат ашық оқу қызметі 4 бет

Білім беру саласы: Комуникация ,Денсаулық, Таным,Шығармашылық

Бөлімі : Сөйлеуді дамыту ,Қоршаған орта, ҚМҰҚ, Дене шынықтыру

Тақырыбы: «Дәрумендер еліне саяхат»

Мақсаты: Ұлттық тағамдарды пайдалана отырып, балаларға олардың қандай еңбекпен жасалатынын түсіндірумен, қатар қандай жолмен алынатынын, түрлерін үйрету арқылы құндылықтарды және тағамдарға деген сүйіспеншілігін арттыру. Монотипия әдісін пайдалану арқылы балауызбен сурет салуды үйрету

Балаларды ұлтжандылыққа, көргенділікке, терең ойлай білуге, жан-жақтылыққа тәрбиелеу.Ұлттық тағамдардың аттарын меңгерту, сөздік қорын молайта отырып, сөздерді тәжірибеде қолдана білуге баулу, дұрыс тамақтана білуге тәрбиелеу.

Әдіс-тәсілі: Сұрақ – жауап, түсіндіру, көрсету,әңгімелеу.

Көрнекіліктер:Сурет, құрт, айран.

Инклюзивті компонент: қой- баран-sheep

сиыр- корова -cows

жылқы-лошад-horses

түйе –верблюд-camel

Мотивациялық қозғаушылық

Шаттық шеңбері

Шуағын шашады,

Күн шықса жиектен.

Жылу алып нұрынан

Денсаулықты түлеткем,

Денсаулық ол күлуің,

Көңіл - күйің жадырай,

Денсаулық- ол жүруің

Ешбір жерің ауырмай.

-Балалар, осы жақсы көңіл - күймен бүгінгі ұйымдастырылған оқу қызметімізді бастаймыз. Бүгінгі жаңа ұйымдастырылған оқу қызметіміздің тақырыбы «Витаминдер мектебі» деп аталады.Дәрумендердің денсаулығымызға қандай пайдасы бар екенін білетін боламыз.

-Дәрумендер дегеніміз не?

-Орысша қалай аталады?

Дәрумен- Витамин. Дұрыс айтасыңдар, адамның дені сау болып, ширақ та, сергек болып жүру үшін дұрыс тамақтанудың маңызы зор. Адам ағзасына әртүрлі қоректік заттар мен дәрумендер қажет.

Біздің күнделікті ішіп жүрген тамағымыз жайлы Аяулым тақпақ айтып береді.

Тамақ ішсең күнде сен,

Белгілі бір мезгілде,

Таңертең, түс, түстен соң,

Жатар алды кезінде

-Біз тамақты күніне неше мезгіл ішуіміз керек екен?

-Төрт мезгіл .

-Таңертең, түс, түстен кейін және жатар кезінде.

Арсен

Салтын сүйген баламыз.

Жұлдыздардай жанамыз,

Ұлттың асын ардақтап.

Үйрену жолын табамыз.

Жұмбақтар жасыру

1.Кезікті бір жануар,

Үстінде екі тауы бар.

( Түйе)

Кішкентай ғана бойы бар,

Айналдырып киген тоны бар.

(Қой)

Бетегелі белге бітем,

Найза ұстаған ерге бітем.

(Жылқы)

Екі айнасы бар,

Екі найзасы бар.

(Сиыр)

Төрт түлік малдың суреттері көрсетіледі.

Түйе, Қой, Жылқы, Сиыр.

Инклюзивті компонент: қой- баран-sheep

сиыр- корова -cows

жылқы-лошад-horses

түйе –верблюд-camel