Дене шынықтырумен достасқаның ашық сабағы балабақшаға

Білім беру саласы: Вариативті компонент

Тақырыбы: Дене шынықтырумен достасқаның, күшіңе күш қосқаның

Бөлімдері: «Шымырбектің денсаулық сатылары» - профильді бағдарлама

Мақсаты: Денсаулық адам баласының азбас қазынасы, асқан байлығы, өмірдің тірегі екеніне көз жеткізу. Денсаулыққа тек дене шынықтырумен айналысу арқылы жетуге болатынына бағдар беру. Емдік денешынықтырудың пайдасын түсіндіру. Карта арқылы жүрер сапарын бағдарлай білуге үйрету. Ойын саяхат арқылы шапшаңдыққа, ептілікке және денсаулыққа ұқыптылықпен қарауға тәрбиелеу.

Өткізілу түрі: Блиц-турнир

Алдын ала жүргізілетін жұмыс: Денсаулық, салауатты өмір салты жайлы мақал-мәтел, тақпақ жаттау. «Әкем, апам мен спортты үйелмен» тақырыбына сурет салу, «Саяхатқа жиналамыз» ойынын әзірлейміз.

Блингвалды компонент: денсаулық-здоровье, саяхат-путеществие, экскурсия, тіс щеткасы-зубная щетка, сабын-мыло, су-вода, рюзак-жолдорба.

Өткізілу кезеңі

Тәрбиешінің іс-әрекеті

Балалардың іс-әрекеті

Мотивациялық оятушылық кезең

Шаттық шеңбері

Әуен ырғағымен балалар қолдарын бүйіріне қойып, түзу тұрады. Тәрбиеші балаларды көргеніне қуанышты екенін білдіреді.

Ол оң қолын жайып, жүрегінен қуаныш сыйлайды. Осы қимылды сол қолымен, екі қолымен бірге жасайды.

Қимылдарды балалар бірге жасап, орталарын қуанышқа, жақсылыққа толтырады.

Ұйымдастырушылық ізденушілік кезең

Тосын сәт: Қонаққа балаларға Шымырбек бала келеді. Ол сәлемдесіп, өзі жайлы, неге солай атағаны жайлы айтып береді де балаларды «Денсаулық» жолымен, саяхатқа баруға шақырады.

Жарқын-жарқын күнде біз

Денсаулыққа қонаққа барамыз.

Шымырбек: Балалар саяхатқа шықпас бұрын, жолға алатын керек заттарды атаңдаршы.

Ойын: «Саяхатқа жиналамыз»

Балалар үстел үстіндегі заттардан тек жолға керек заттарды, жолдорбаға сала отырып, атаймыз және орысша да қайталаймыз.

Ал, компос не үшін қажет деп ойлайсыңдар?

Шымырбек: Балалар сендер дайын болсаңдар, саяхатымызға аттанайық. Алдымен картаға бір қарап алайық, сапарымыз қайдан басталатынын көріп алайық.

Балалар, саяхатқа немен барсақ деп ойлайсыңдар?

Шымырбек:

Жарайсыңдар, салауаттылық жаяу жүрістен басталады. Өйткені сендер жол бойы таза ауамен дем алып, денелеріңді шымырландырасыңдар.

Балалар сендерге жол бойы гүлзар кездеседі, ол жерде түрлі гүлдер өседі.

Балалар біз гүлзарға да жеттік. Қараңдаршы, ішінде ерекше әдемі гүл гүлдеп тұр.

Қанеки, гүлдерге жақындайық.

«Емдік гүлдерді иіскейік» тыныс алу жаттығуы.

Сергіту сәті:

Бойды сергек тік ұста,

Емін-еркін тыныста.

Деміңді ішке тез ал да,

Оң қолыңды соз алға.

Қол ұшына қара да,

Үшбұрышты сыз ауада.

Сол қол босқа тұрмасын,

Шеңбер жасап тынбасын.

Бойды сергек тік ұста,

Емін-еркін тыныста.

Деміңді ішке тез ал да,

Сол қолыңды соз алға.

Оң қол босқа тұрмасын,

Шеңбер жасап зырласын.

Енді саяхатымызды ары қарай жалғастырайық.

Алдарыңнан әдемі ағаш кездеседі. Шымырбек ағаштың астынан хат тауып алады да, балаларға оқып береді.