Денсаулық зор байлық, 4-сынып тәрбие сағатының жоспары

Рысмухамедова Живек

Бейнеу орта мектебінің бастауыш сынып мұғалімі

Бейнеу ауданы, Маңғыстау облысы

Сабақтың тақырыбы: Денсаулық – зор байлық

Сабақтың мақсаты:

Жас ұрпаққа адам денсаулығының қымбаттылығын, өмір сүру қажеттілігін, бағалы байлық екенін ұғындыру.

Қимыл – әрекетке жаттықтыру, еңбек етуге, елін, жерін қорғауға күш – қуатын молайту, адамгершілікке тәрбиелеу.

Дұрыс тамақтанудың денсаулық үшін маңыздылығын ұғындыру, тазалық, жеке бас гигиенасы, мәдени дағдыларын қалыптастыру.

Оқушылардың спортқа деген қызығушылығын арттыру.Спорттық жаттығуларды жасаудағы білім-білік дағдыларын шыңдау,ұжымда жұмыс істеу қабілеттерін қалыптастыру

Сабақтың түрі: тәрбие сағаты.

Сабақтың әдісі: ой қозғау, сұрақ – жауап, венн диограммасы, эссе,

Көрнекілігі: суреттер, жол белгілері.

Пән аралық байланыс: ана тілі, дүниетану, қазақ тілі.

Сабақтың өту барысы:

1.Ұйымдастыру бөлімі.

-Мен бейбітшілік тілеймін.

-Мен денсаулық тілеймін.

-Мен отанымды сүйемін.

-Қазақстаным гүлдене берсін.

-Дені сау ұрпақ болсын.

-Қазақстан көркейе берсін! т.с.с.

Оқушыларды 2 топқа бөлу

Шаттық шеңбері.Таныстыру

I Қызығушылықты ояту.

-Денсаулық дегенді қалай түсінеміз?

-Денсаулық ел дамуының басты арқауы. Жеке адамның басты байлығы - денсаулық. Адам денсаулығы өмір тіршілігінің ең бірінші шарты болып табылады.

II Мағынаны тану.

(Блиц турнир сұрағы, ой ашу)

1.Ол судан қорқады, одан кір қорқады.

(сабын)

2.Тіс тазартатын құралдар.

(тіс щеткасы мен пастасы)

3.Адам өміріне ең қажетті заттар.

(ауа, су, жылу, жарық, тамақ)

4.Жалқаудың досы.

(еріншектік немесе ұйқы)

-Балалар осы айтылғандар туралы қандай өлеңдер білеміз?

1.Тазалық сақшысы,

Иіс сабын, орамал.

Шөтке мен пастасы.

Соларға пара – пар.

Айнаға қараймын,

Шашымды тараймын.

Жасасын тазалық.

Деп мен жар саламын.

2.Еріншектен – салақтық,

Салақтықтан - надандық.

Бірін-бірі туады,

Жоғалар сөйтіп адамдық.

Еріншек таза жүре алмас.

Кір - қолын да жуа алмас

Қаракет жоқ, ғылым жоқ,

Өз бойынан ұялмас.

-Балалар, жеке бас гигиенасын сақтау дегенді қалай түсінесіңдер?

(оқушылар пікірлері тыңдалады)

-Жеке бас гигиенасын сақтау - таза жүру, таңертең тұрып әр түрлі жаттығулар жасау, жүгіру, жуыну. Тырнақты өсірмей уақтылы алып жүру. Күн тәртібін сақтау.

-Мектепте де, үйде де тазалықты сақтауымыз қажет. Тісімізді жуу, қолымызды сабындап жуу, бөгде заттарды ұстамау.

-Жеміс-жидектерді жуып жеу. Тамақты асықпай шайнап жеу, тамақ үстінде сөйлемеу. Спортпен айналысу, таза жүру.

-Әрбір адам өз денесін шынықтырса, жуынып таза жүрсе ауру жоламайды. Адам еңбекке қабылетті болып өсіп, дене құрылысы сымбатты болады. Мысалы, тісті таңертең және кешке жуып, таза ұстаса, тісі бұзылмай жақсы сақталады.

Үнемі таза жүрсең денеңе жаман жаралар шықпайды.

-Ал, балалар, «Денсаулық – зор байлық» деген нақыл сөзді қалай түсінесіңдер?

( байлық- машина, мал, ақша, денсаулық, табиғат, білім, саябақ.)

-Балалар, ең үлкен байлығымыз денсаулық.

-Денің сау болса, білім аласын, еңбек етесің. Деніміз сау, құрыш білекті, алып жүректі қайсар да қайратты, ұқыпты да әдемі азамат болу үшін адам денсаулығына не қажет деп ойлайсыңдар?

табиғи күш

тазалық

дене шынықтыру

тамақ