Денсаулық – зор байлық тақырыбына ашық сабақ, 2-сынып

Ұзақ мерзімді жоспардың тарауы: Денсаулық – зор байлық

Мектеп:

Күні:

Мұғалімнің аты-жөні:

Сынып:5 Т2

Қатысқандар:

Қатыспағандар:

Сабақтың тақырыбы

«Ең үлкен байлық» ертегісі.

Осы сабақта қол жеткізілетін оқу мақсаттары

(оқу бағдарламасына сілтеме)

5.1.4.1- фольклорлық және шағын көлемді көркем әдеби мәтіндердің мазмұнын түсіну

Сабақтың мақсаты

Барлық оқушылар орындай алады: «Ең үлкен байлық» ертегісінің мазмұнын түсінеді.

Оқушылардың көпшілігі орындай алады: «Ең үлкен байлық» ертегісінің мазмұнын түсінеді,мәтін бойынша ашық сұрақтарға жауап бере алады.

Кейбір оқушылар орындай алады: «Ең үлкен байлық» ертегісінің мазмұнын түсінеді және оны шынайы өмір мен байланыстыра алады.

Бағалау критерйиі

Білім алушы: фольклорлық шағын көлемді мәтіннің мазмұнын түсінеді.

Тілдік мақсаттар

Оқушылар орындай алады: жаңа сөздерді орынды қолданады.

Пəнге қатысты сөздік қор мен терминдер:лашық,тас қашаушы, айырбастау, зарлап отырған.

Диалог құруға / шығарма жазуға арналған пайдалы тіркестер:

Менің ойымша...

Себебі, мен оны былай түсіндіремін…

Талқылауға арналған сұрақтар: Ең үлкен байлық не деп ойлайсыз?

Не себепті денсаулық- ең үлкен байлық деп ойлайсыз?

Материалдық байлық дегеніміз не?

Рухани байлық дегеніміз не?

Құндылықтарға баулу

Денсаулық, достық және айналадағыларға қамқорлық көрсету

Пәнаралық байланыс

Дене шынықтыру, жаратылыстану.

Тақырып бойынша алдыңғы білім

Оқушылардың денсаулық туралы жалпы білімдері бар

Сабақ барысы

Сабақтың жоспарланған

кезеңдері

Сабақтағы жоспарланған жаттығу түрлері

Ресурстар

Сабақтың басы

5 мин

Сыныпта жағымды психологиялық ахуал туғызу:

Ойсергек «Өзіңізге тілегенді басқаларға тілеңіз». Әр оқушы өзіне ішінен тілек тілейді. Содан кейін бір-бірінің қолын алып, сол тілектерді бір-біріне тілейді (баяу әуен ойнап тұрады).

Топқа бөлу:Әр түрлі түстегі артына адам бойында болатын қасиеттер жазылған стикерлер арқылы топқа болу.

1-топ. Адалдық.

2-топ. Еңбексүйгіштік.

3-топ. Қайырымдылық.

Сабақтың тақырыбы мен оқу мақсаты таныстырылады:

«Ең үлкен байлық» ертегісі.

5.1.4.1-фольклорлық және шағын көлемді көркем әдеби мәтіндердің мазмұнын түсіну

Үнтаспа,

стикерлер,

А4 форматты қағаздар.

Сабақтың ортасы

30 мин

1-тапсырма.(Ө.Т) Оқушылар мәтінді 2 рет мұқият тыңдайды, мәтін мазмұнына сай «Уақыт тізбегін» құрады. (10 мин)

Ең үлкен байлық

Ертеде бір жас жігіт өзінің кедейлігін айтып, әрдайым мұңын шағудан жалықпайды. екен.

- Шіркін-ай, егер менің байлығым көп болса, жақсы өмір сүрер едім, - деп зарлауын қоймапты.

Бір күні жігіттің лашығының алдынан қарт тас қашаушы өтіп бара жатып, зарлап отырған жігіттің қасына келеді.

- Саған не болды сонша жылап? Сен нағыз бай адам емессің бе? – дейді.

- Мен баймын ба? – деп жігіт таң қалады. – Ол қандай байлық?

- Сенің көздерің ше? Бір көзіңді біреуге қаншаға сатар едің? – деп сұрайды қарт.

- Оның не?! – деп шошып кетеді жігіт, - көзімді ешқандай байлыққа айырбастамаймын.

- Ал енді екі қолың мен аяғыңның біреуін алтынға айырбастар ма едің? - Жоқ, ешқайсысын да алтынға айырбастамаймын, - дейді жігіт.

- Міне, көрдің бе, сен өте бай адамсың. Адамның ең үлкен байлығы — күш-қуаты мен денсаулығы, — дейді қарт. – Оны ақшаға сатып ала алмайсың. Қарт осыны айтады да, жөніне кетеді. (137 сөз)

.Бұл тізбекте оқушылар мәтін мазмұнын түсініп, оқиға желісін тізбектеп жазады.

Дескриптор:

«Уақыт тізбегі» графикалық органайзердің талаптарын біледі;

Шығарма мазмұнын біледі;

оқиға желісін өзіндік көзқарасымен тізбектеп жазады;

(Қ) Топтар дескриптор арқылы «Екі жұлдыз бір тілек» әдісімен бірін-бірі бағалайды.

(Ж.Т). 3-тапсырма. Мәтін мазмұнына сүйене отырып "Оқиға тауы" әдісі арқылы жоспар құрады. (7 мин)

Шарықтау шегі.Қарияның жігіттен дене мүшелерін сатуын сұрауы

Оқиғаның дамуы. Жігітке қарияның кездесуі.

Оқиғаның басталуы. (Кіріспе) Жігіттің мұңын шағуы.

Шешімі: Жігіттің ең үлкен байлық - денсаулық екенін түсінуі

(Қ) Топтар бірін-бірі «Сэндвич» әдісімен, жұмыстың екі жақсы жағын, бір ұсыныс айтып бағалайды.