Денсаулық – зор байлық тәрбие сағаты мектепалды даярлыққа

«Атамекен орта мектебі» ММ

Ашық тәрбие сағаты

Тақырыбы: "Денсаулық – зор Байлық"

Дайындық «Д» сынып жетекшісі

Карасаева Орынгул

2015-2016 оқу жылы

Қараша

Сабақтың тақырыбы: "Денсаулық – зор байлық"

Сабақтың мақсаты: Балаларды өз денсаулығын күтуге, салауатты өмір сүруге баулу, жас ұрпаққа адам денсаулығының қажеттілігін, басты байлық екенін түсіндіру.

Дамытушылығы: Сын тұрғысынан ойлау шығармашылық қабілеттерін дамыту, ссөйлеу шеберліктерін жетілдіру.

Тәрбиелілігі: Денесін шыңдауға шымыр да шапшаң, ұқыпты да жинақы таза да әдемі болуға тәрбиелеу.

Пәнаралық байланысы: Сауат ашу, қоршаған дүниемен таныстыру, валелогия, дене шынықтыру.

Сабақтың барысы:

Ұйымдастыру кезең

Амандасу үлкенге,

Тәрбиенің басы ғой.

Ал қанекей балалар,

Сәлемдесейік үлкенге.

Денсаулық шеңбері. Тақтаға «Бақыт», «Денсаулық» деген сөздер жазылған екі алақанды ілдіру. Балалар саусақтарын жоғары қаратып, алақандарын біріктіреді. Денсаулық пен бақыт екі алақан сияқты бір-біріне көмектесетінін түсіндіру. Шын жүректен сіздердің барлықтарыңа денсаулық тілейміз!

Күндей жадырап,

Айдай арайлап

Жұлдыздай жарқырап,

Судай таза көңілмен

Бүгінгі күнді бастаймыз.

Жаңа сабақ:

«Денсаулық – зор Байлық» тірек сызба.

Байлық сөзінің сызбасын шығарып, ең үлкен байлық - денсаулық екенін түсіндіру.

Байлық

АқшаТабиғат

Білім Саябақ

Мал Машина

Денсаулық

Табиғи күш Тазалық

Дене шынықтыруТамақ

Деніміз сау, құрыш білекті, алып жүректі, қайсар да, қайратты, ұқыпты да әдемі қазақ азаматы болу үшін адам денсаулығына не қажет?

Тілектес: Денсаулықтың қадірін,

Ауырғанда білерсің.

Отыз тістің қадірін,

Қақсағанда білерсің.

Екі қолдың қадірін,

Күш кеткенде білерсің.

Екі аяқтың қадірін,

Ақсағанда білерсің.

Екі көздің қадірін,

Нұр кетсе білерсің.

Жандарбек: Менің таңым

Ерте тұрып күнде мен

Терезені ашамын.

Сәлем! – деймін күнге мен,

Шаттық әнге басамын.

Күн – мол шаттық, түсінем,

Күнмен өстіп көрісем.

Содан соң үй ішімен

Шаттығымды бөлісем.

- Қайырлы таң, аташым! -

Деймін келіп атама.

- Қайырлы таң, апашым!-

Деймін келіп апама.

Қолды шайып мен енді,

Жарты шыны су ішем.

Шынықтырып денемді,

Жаттығуға кірісем.

Тұрады алшақ аяғым,

Керіледі көкірек.

Еркін тыныс аламын,

Санаймын:

Бір! Екі! – деп.

Тасытқан соң күшімді,

Шынығуды бітіріп,

Тазалаймын тісімді,

Жуынамын күтініп.

Жалықпаймын сабақтан,

Оқимын да, жазамын.

Білім нәрін таратқан

Ұстазда ылғи назарым.

Мұның бәрі -

Мен білсем,

Жаттығудың арқасы.

«Бақыттымын» деп жүрсем -

Алтын күннің арқасы.

Рүстем : «Тазалық»

Анау бала, бетін қара,

Кір қожалақ қап-қара.

Жуынбапты-ау масқара!

Шашы көптен, тырнақ өскен,

Алынбапты-ау масқара!

Мұндай қылық, настық былық,

Боп жүрмесін өздеріңде.

Денсаулықтың достары мен қастары

Ерболат: Денсаулықтың достарының бірі – қоршаған ортаны, жер, су, ауаны таза ұстау.