Деструктивті діни ағымдар туралы дөңгелек үстел материалы

Тақырыбы: Деструктивті діни ағымдардың зардаптары: проблемалар мен шешу жолдары Мақсаты: Қазіргі кезде қоғамымызды, адам санасын улап жатқан діни ағымдардың саны уақыт өткен сайын көбейіп барады. Олардың қаншама біз білмейтін түрлері бар. Сонымен қатар оның адам санасына, өміріне деген қаншалықты зиян келтіріп жатқанын көптеп естіп жүрміз. Міне осы діни ағымдар туралы оқушылар арасында, біздің мұсылман дінімізде оларды қолданудың, қабылдаудың зияны мен зардабын ашық айтуға үйрету.. Осы адастырушы діни ағымдар туралы оқушыларға мәлімет беру, біле отырып, олардан аулақ болуды түсіндірумақсатында пікірлесу

Барысы:І. Ұйымдастыру кезеңі.ІІ. Интерактивті тақта арқылы діни ағымдардың тыныс тіршілігінен үзінді көрсету.ІІІ. Оқушылардың арасында туралы пікірталас.Пікірталасқа талқылауға ұсынылатын сұрақтар:1. «Секта» дегеніміз не?2. Жастар арасындағы ислам дініне деген көзқарастар3. Басқа діндерге деген ой пікірлеріңіз.IV. Басқа діндерге бас ұрған қазақ азаматтарының тұрмыс тіршілігі туралы бейне көрністерТалқылау:• Деструктивті діни ағымдар дегеніміз не?• Деструктивті діни ағымдардың қауіпі

Мұғалімнің кірспе сөзі; Адам баласы жаратылысындағы оң және теріс қабілеттері, күшті һәм әлсіз жақтары бойынша Жаратушының саф дініне қол сұға отырып, көпшілік жағдайларда дінді бұрмалап, дінге өзгерістер енгізіп, діннің бақилық сипатын фәнилендіріп, ізгілік пен бақытқа жеткізуші арнасын ауыстыруға талпынумен болды. Тарихта болған күрделі уақиғаларды терең зерттегенімізде есі сау адамға қорқынышты яки жиіркенішті көрінуге тиісті көптеген іс-амалдардың «дін үшін» немесе «діншіл» атанған топтың бастамасымен болғандығын көреміз. Еуропадағы инквизация жылдарында (1184-1834) шіркеудің бұйрығымен өлтірілген он мыңдаған ғалымдар, кінәсіз өртелген жүз мыңдаған әйелдер, Америкада еш жазықсыз қырылған миллиондаған үндістер, Африкада құлдыққа әкетілген миллиондаған бейкүнә адамдар т.т. осы пікіріміздің айғағы. Әлемдегі барлық діндер өзінің негізгі формасынан ауытқып, басты мақсатынан ажыратылған тұста діндердің ішінен діндер бөлініп шығып, олардың өзі қырқысып, ондаған, тіпті, жүздеген бағыттарға бөлініп, бүгінгі аса күрделі һәм бақылануы неғайбыл діни ахуал пайда болды. Еліміздегі діни ахуал төңірегінде пікірлерімізді ортаға салып дөңгелек үстелге қош келдіңіздер демекпін. Олай болса бейне р

9- сынып оқушысы Садуақас Жанерке: Тарихтың тереңіне бойласақ, адам баласының дінсіз өмір сүргенін әсте көре алмайсыз. Оның айқын мысалы есте жоқ ескі заманнан тап бүгінге дейін тіршілік кешкен адамзат ұлы бір күштің,құдірет иесінің бар екенін біліп,оған құлшылығын жасап бағуда. Сондай-ақ сол сенген дінінің тура болсын,мейлі ол өзгертілген болсын,тіпті де ойдан шығарылған сенімдер болсын одан қол үзбеуге, жан дүниесін байытпаққа бекінген. Қазіргі кезде жер жер жүзінде әр түрлі діндер және сол діндерге сенушілер бар.Біздің қазақ қоғамы ерте бастан-ақ дінді ұстанып келе жатыр. Ата-бабаларымыз дәстүрлі дін Исламды,оның ішінде Ханафи бағытын ұстанып келді.Еліміз өз тәуелсіздігін алған алғашқы кезеңдерде көзге көрінген діндарлардың барлығына періштедей сеніп,солардан қалмай дін үйреніп, жаппай дінге ұмтылу үрдісі жүрді. Кейіннен «жылтырағанның бәрі алтын емес» екендігіне көз жете бастады.

11 – сынып оқушысы Медербеке Рустем: Деструктивті (бұл сөз «бүлдіргіш» деген мағынаны білдіреді) діни ағымдар – азаматтарымыздың құқықтарын бұзатын, оларға психологиялық әдіс-тәсілдерді қолдана отырып, зиянын тигізетін діни ағымдар. Олардың ортақ сипаты – діни ілімінің ақиқаттылық деңгейінен емес, оған мүше адамдардың қоршаған әлеуметтік ортадан оқшаулануы мен жетекшілік еткен азаматтарға көзсіз бағынуынан көрінеді.

Кейбір деструктивті діни ағым мүшелері отансүйгіштік, ұлтжандылық сезімдерін бағаламай, мемлекеттік рәміздерді мойындамай, әскери борышқа салғырт қарайды. Тіпті білікті дәрігерлердің көмегіне жүгінуден бас тартып, балаларының зайырлы білім алуына қарсылық көрсететіндері де бар. Деструктивтілікті анықтайтын бұл тізімді жалғастыра беруге болады.

Бүгінгі таңда елімізде ақпарат құралдарынан беріліп отырған деструктивті діни ағымдардың қызметі жайлы мәліметтерге көңіл аудару азаматтық міндетіміз болып есептеледі. Деструктивті діни ағымдардың қызметі тек жеке азаматтардың өміріне ғана зардабын тигізіп қоймай, еліміздің ішкі тұрақтылығы мен ұлтаралық және конфессияаралық келісім саясатына да зардабын тигізуде.

11 – сынып оқушысы Раджаппаева Балзия: Елімізде адамның әлеуметтік өмірі мен негізгі әлеуметтік институттарға кесірін тигізіп отырған осындай ағымдардың қызметіне тыйым салынған. Сенушілердің санасын улап, оларды өз қатарларында ұстауда психологиялық тәсілдерге жүгінетін жат ағымдардың қызметіне тосқауыл қою – әлеуметтің саулығы үшін маңызды мәселе. Осы себепті халықты деструктивті діни ағымдардан сақтандыру қамында бұл ағымдардың жұмыс істеу амалдарын, әлеуметтік және отбасылық өмірге келтірер зардаптарын деструктивті діни ағымға баулаудан бастап қысқаша көрсете кетуді жөн санадық.

Қазіргі таңда жұртшылықты өз қатарына тарту үшін деструктивті діни ағымдар тарапынан жаппай гипноз, физикалық күш қолдану секілді әлеуметтің қарсылығын тудыртатын әдіс-тәсілдер қолданылмайды. Өйткені, жастарды құрылған торға түсіруге деструктивтік діни ағымдарға психологиялық баурау мен әлеуметтік топтасу әдістері де жеткілікті.

Деструктивті діни ағымдар өздерінің болашақ ерушілерін аса білгірлекпен таңдап алады. Олар Сізді өзінің ағымына шақырмас бұрын жинақталған тәжірибеге сүйенеді. Сіздің әлеуметтік жағдайыңыз, отбасылық әлеуетіңіз, басыңыздағы мал-мүлік, барлығы да есепке алынады. Осы жинақталған ақпараттардың негізінде деструктивті ағымның мүшесі болуға сәйкестігіңіз қаралады.

11- сынып оқушысы Әуел Арай: Деструктивті діни ағымдарға азаматтарымыздың мүшелікке енуінің себептері мыналар:

– ақпараттық кеңістікте сараланбаған ақпараттың көптігінен туындаған салғырттық;

– ақпараттың көптігінен жүйелі шешім шығаруға қабілетсіздік;

– қордаланған әлеуметтік мәселелердің жиынтығы;

– әлеуметтік өмірдің психо-физиологиялық ауыртпалығы;

– саналы ойлауға жүгінуге қабілетсіздік;

– азаматтардың өз өміріне мағына беруге талпынысынан саналы түрде бас тартуларға баруы.

Осы себептер анықталған соң деструктивті діни ағымға тарту әрекеттері басталады. Бұл әрекеттер белгілі бір әдіс-тәсілдердің қолдануынан көрінеді. Бұл әдістер қарапайым, қолданыста тиімді және…