Діни сауатсыздықтың алдын алуға арналған тәрбие сағаты

Діни сауатсыздық –орны толмас өкініш / кездесу/

Діни сауатсыздық –орны толмас өкініш

Уақыты: 13 наурыз 2018 жыл

Мақсаты:

Қазіргі кезде көп тараған жат діни ағымдардан оқушыларды сақ болуға шақыру. Оқушыларды адалдыққа, қайырымдылыққа, мейірімділікке, ізгілікке тәрбиелеу.

Көрнекілігі: банер, тақырыпқа байланысты нақыл сөздер, слайд.

Түрі: кездесу I. Кіріспе. II. «Діни сауатсыздық –орны толмас өкініш».ІІІ. Сұрақ – жауапЖүргізуші: Армысыздар, қадірлі ұстаздар, оқушылар, қонақтар!

Дін – зайырлы мемлекеттің рухани тірегі.Дін мемлекеттен бейтарап санал-ғанымен, дін мемлекеттің тіректерінің бірі – рухани тірегі болып қала бермек. Бүгінгі таңда еліміздің ішінде оңды-солды тіркеліп, діни үгіт-насихат жұмыстарын екпіндете жүргізіп жатқан әртүрлі діни бағыттағы бірлестіктер мен көптеген жат миссионерлердің істері – халқымыздың, ұлтымыздың келешек болмысына, ата дініміздің бекіп өркендеуіне деген алаңдатушы-лығын туғызып отыр. Еліміздегі бүгінгі діни ахуал жағдайында бұрынғы өлшеммен жұмыс істеуге болмайтыны белгілі ақиқат.

Соған орай бүгінгі кездесуімізге «Шапағат диструктивті діни ағымдардан жапа шеккендерге көмек орталығы» қоғамдық қорының теолог мамандары Омаров Мұхиддин Асқарұлы,Әбішов Мейірбек Ілиясұлы келіп отыр.

Ислам – адам өмірін сақтаушы, денсаулықтың қорғаны, адамның өзін - өзі құртып, бітіруіне тосқауыл болатын ғажайып нәтижелер жиынтығы.Ислам мемлекеттерінде тұрмыс жағдайы төмен болса да, қылмыс деңгейі мен ажырасу саны ең аз, рухани бақыт көрсеткіші мен денсаулық деңгейі әжептәуір жоғары.Дамыған елдерден қанша төмен тұрса да жоғары деңгейдегі мораль мен тәртіп сақталған.Ислам – өмірдегі ең ұсақ құбылыс бөлшегін түсіндіретін жетілген қоғамдық құрылым жүйесі.Ислам – қайрымдылық пен зұлымдықтың не екенін нақты түсіндіре алады, қалай дұрыс өмір сүру, қалай дұрыс тамақтану, қалай бала тәрбиелеу, әйелді қалай қастерлеу, қалай киіну, қоғамдық өмірдегі қатынас сияқты т. б. маңызды сұрақтарға жауап бере алады.Исламда, мемлекетті басқару ұйымы үшін, қалай салық жыйнау, салық мөлшерін белгілеу, қаржыны реттеу, қоғамдық тәртіпті белгілеу және қадағалау, халық қажеттілігін қамтамасыз ету, ресурстарды адамдар арасында әділ бөлу сияқты т. б. нұсқаулар бар.

ІІ. Сөз кезегін кездесуімізге «Шапағат диструктивті діни ағымдардан жапа шеккендерге көмек орталығы» қоғамдық қорының теолог мамандары Омаров Мұхиддин Асқарұлы,Әбішов Мейірбек Ілиясұлына береміз.