Дінмұхамед Қонаевтың үш тілегі 11 сыныпқа мақала

ДІНМҰХАМЕД ҚОНАЕВТЫҢ ҮШ ТІЛЕГІ

Биліктің бір ұшы халықта, енді бір ұшы басшының еншісінде болады.Бірі көкте, бірі жерде қалмауы керек. Таразының екі басы тең болса ғана мемлекет өркендемек. «Көреген басшы елді өсіреді» деген екен халқымыз. Осылайша елдің мұң-мұқтажына құлақ түріп, ой-пікірімен санасқан қазақтың біртуар азаматы, бүгінде туғанына 110 жыл толған көрнекті кеңес қайраткері – Дінмұхамед Ахметұлы Қонаев.

Көрнекті қайраткер ел басқаруда игі қасиеттерді ту етті. Есімі ел есінен шықпайтын ұлы тұлғаның көшбасшылық ұстанымдары көпке үлгі. Біріншіден, ол адамдармен ашық, тікелей диалог жүргізуді бірінші орынға қойды. Осы арқылы қоғамды біріктірудің ең маңызды құралы ашық қарым-қатынас екенін дәлелдеп, шынайы демократияға қол жеткізді. Өзінің «От Сталина до Горбачева» атты еңбегінде: «Кәсібі, лауазымы, жасы әртүрлі адамдармен кездесудің практикалық қызметіме берері мол, – деп жазады Димаш Ахмедұлы, – әңгімелесу барысында олқылықтарымыз, кемшіліктеріміз, қателеріміз ортаға шығады. Сұхбаттар барысында көптеген ұсынысты еншіледім. Осы кездесулерден мен жақсы энергия алып, іс-әрекетімнің дұрыстығына денген сенімімді арттырдым» деп жазады. Ақын О.Сүлейменовтен: «Жазушылар мен әртістер кіділеу халық қой. Не айтады, қандай арыз-құрызы бар?» деп сұрағанының өзі – халық десе елеңдеп тұратын тұлға екенінің белгісі. Д.Қонаев өз ісін қалтқысыз орындаған, әр ұсақ-түйекке халық игілігі үшін мән берген көреген адам болған. «Мына жер Алматының қара түтінінен қашып келіп демалатын халық үшін теңіз жағасы болады» деп қолдан теңіз жасап, Қапшағай шаһарының іргесін қалаған. Осындай әрекеттерінен биліктің қай

Екіншіден, о дүниеге сом түгіл соқыр тиын өтпейтіні сияқты жалт-жұлт еткен жылтырдан білім, өнер деген құндылықты жоғары қойған қайраткердің жомарттығында да шек жоқ. «Панам да ел, данам да ел. Соған арқа сүйедім, содан үйрендім» демекші, оның өзі де халыққа пана бола білді. Жығылған үстіне жұдырық болмай, қолын созып демей жүріп дем берген тұлғаның даралығы осында еді. Ол қамқорлықпен көпті өз қанатының астына алды. Екеуі бірге бір мектептің партасын тоздырған қайраткердің замандасы, биші Ш.Жиенқұлова өз естелігінде: «Әсіресе, қыз балаларға қамқор болатын. Сірә, адам бойындағы мәдениеттілік пен көрегенділік қасиеттің көзі –…