Дизайн өнері және оның өмірдегі маңызы бойынша ашық сабақ

Дизайн өнері және оның өмірдегі маңызы

«Өнер-адамның рухани азығы.Ол-халықтың бүгіні мен келешегі,арманы мен қиялы, жалпы болмысы».

Б.Момышұлы.

Қазіргі заманда өскелең ұрпағымызды алдағы өмірлеріндегі еңбек жолына дайындау басты мақсатымыз болып тұр.

Еңбекке тәрбиелеу- барлық тәрбиенің қайнар көзі.Балаға дұрыс жол көрсете білсең, күнделікті тіршілікке қажетті бұйымдарды өз қолдарымен жасатып,еңбегінің нәтижесін көрсе, оның бойында еңбек тәрбиесі дұрыс қалыптасып,еңбекті құрметтей алады деп білемін.

Сапалы білім берумен қатар еңбекке баулу, үйрету аса қажет.Жастарымыздың өнерлі болуы қоғамдық өмірімізге үлкен әсерін тигізері зор.Олай болса, біздің басты міндетіміз жаңа заман ғылымының мол жетістіктерімен қаруланған, мәдени дүние танымы,көзқарасы қалыптасқан бәсекеге қабілетті жастарды тәрбиелеу.

Сабақ құрылымы мен оқу іс-әрекетін ұйымдастыру формалары айтарлықтай деңгейде оқытудың тиімді әрі нәтижелі болуын анықтайды.

Дизайн- әр нәрсені көркемдеп жобалау деген сөз. Бұл сөз әр салада қолданылады.Мысалы, үй жабдықтарының, киімнің, шаштың, т.б дизайны дейді.

Қазіргі кезде дизайн өнері – бейнелеу өнеріндегі негізгі бір сала. Күнделікті тұрмыста бізді қоршаған заттар өре көп. Олар: ыдыс-аяқ, жиһаз, теледидар, трамвай, дүкендерде сатылатын әр түрлі заттар.

Осы заттар завод, фабрикада жасамас бұрын суретші олардың жобасын жасайды. Заттың қажеттілігіне , әсемдігіне , әшекейлігіне көңіл бөледі.

Заттардың жобасын көркемдеп жасап, өндіріске дайындайтын суретшіні дизайншы деп атайды

Дизайн- әр нәрсені көркемдеп жобалау екендігін білдіңдер. Ал сол дизайн өнерінің қандай түрлері бар ? Дизайн өнердің кез келген саласында кездеседі. Мысалы,үй жабдығы, киімнің дизайны, шаш үлгілерінің дизайны, үй жиһаздарының дизайны, фитодизайн және т.б.

Фитодизайн – өсімдіктерді көркем деп әшекейлеу.Грек сөзінен аударғанда «фито» өсімдік деп аталады.

Флористика- табиғи материалдардан, кепкен өсімдіктерден көркем шығарма жұмыстарын орындау.

Халқымыздың жалпы мәдениет деңгейін жоғары сатыға көтерудің және балалардың эстетикалық көзқарасы мен талғамын дамытудың бірден-бір жолы шығармашылық еңбекке баулу болып табылады. Шығармашылық еңбек, жобалай және жоспарлай білу, жаңа технологияны игеру, жауапты шешімдерді қабылдау және тәуекелге бару заман ағысы, уақыт талабы.

Жасанды гүлдердің түрлерін өз қолымен жасай отырып, оқушы өзі жасап жатқан бұйымдардың өмірде сұранысқа ие екендігін сезініп, сол бұйымды қалдықсыз және құнды…