Домбыра халық даналығы ата-аналар қатысатын тәрбие сағаты

Батыс Қазақстан облысы, Ақжайық ауданы Первомай ауылы.

Бітік ОЖББМБ КММ

Тәрбиеші: Рахметуллина Нұрайла Әмірғалиқызы

Тақырыбы «Домбыра – халық даналығы» Ата-аналар қатысуымен өткізілген ұйымдастырылған оқу қызметі.

Ата-аналар қатысуымен өткізілген ұйымдастырылған оқу қызметі.

Тақырыбы: Домбыра – халық даналығы.

Білім беру саласы: «Коммуникация», «Денсаулық», «Шығармашылық»

Бөлімі: Сөйлеуді дамыту

Мақсаты:

Балаларға қазақ халқының салт-дәстүрлері туралы айтып беру, халық ауыз әдебиеті үлгілерімен таныстыру және жатқа айта білуге үйрету.

Қазақтың ұлттық аспабы, домбыраның құрылымымен толық таныстыру.

Қазақ халық өнері болып саналатын саз өнері – айтыс туралы айту; балаларды әсемдікті қадірлей білуін қалыптастыру, халық өнеріне деген қызығушылық пен сүйіспеншіліктерін тәрбиелеу.

І. Ұйымдастыру кезеңі.

Сәлемдесу. Балалар шеңбер құрып тұрады:

Мейірімдіжүрекпен,

Ақпейілді тілекпен,

Амандасып алайық,

Бір жадырап қалайық!

ІІ. Мұғалім: Балалар, бізге бір жолаушы келіпті, көңіл аударайық.(Алдар Көсе кіріп келеді)

Алдар Көсе: Сәлеметсіздер ме, балалар! Мені таныдыңдар ма?

Балалар: Иә, сәлеметсіз бе, Алдар Көсе!

Алдар Көсе: Балаларды сағынып,

Алыс жолдан келдім мен

Өнер сүйер бөбектерге

Сыйлық алып келдім мен.(мұғалімге қоржынын береді)

Бұл қоржын ішінде тапсырмалар бар, оларды орындап болған соң сіздерді сыйлық күтіп тұр. Ал мен басқа балаларға барып үлгеруім керек, сондықтан сау болыңыздар!

Балалар: Рахмет сізге, сау болыңыз, Алдар Көсе. (Алдар кетеді)

Мұғалім: Мына хаттың ішінде не бар екен?(балаларға тапсырманы көрсетеді)

1 тапсырма (слайд) «Салт-дәстүрлерді ата».

Мұғалім:

Отбасында бала дүниеге келді. Сәбидің бауы берік болсын айтып, қонақтар келді – ол қандай дәстүр? (шілдехана) (балалар суреттерін көтеріп көрсетеді де жеке немесе хормен қайталап айтады)

Ата үш рет баланың атын дауыстап атайды, бұл қандай дәстүр? (балаға ат қою) (балалар суреттерін көтеріп көрсетеді де жеке немесе хормен қайталап айтады)

Баланың шашын, тырнағын алады, қырық қасық суға түсіреді, бұл қандай дәстүр? (қырқынан шығару) (балалар суреттерін көтеріп көрсетеді де жеке немесе хормен қайталап айтады)

Қонақтар келеді, тыштырма жейді, әже жастықтың астына айна, тарақ, пышақ салады, бұл қандай дәстүр? (бесікке салу) (балалар суреттерін көтеріп көрсетеді де жеке немесе хормен қайталап айтады)

Бала өсіп, бір құлап, бір сүрініп жүре бастайды, сол кезде қандай дәстүр қолданылады? (тұсау кесу) (балалар суреттерін көтеріп көрсетеді де жеке немесе хормен қайталап айтады)

Мұғалім балаларды мадақтайды, Алдар Көсенің бірінші тапсырмасын жақсы орындағандарын айтады.

ІІІ. Мұғалім: балалар, Алдардың екінші тапсырмасын орындау керек, әйтпесе, сыйлықтан құр қаласыңдар (қоржыннан домбыра алып көрсетеді), бұл не?

Балалар: Бұл домбыра.