Дос адамның көркі екен мақаласы дене шынықтыруға

Дос адамның көркі екен..

Дос. Бұл сөздің мәні мен мағынасы өте тереңде жатыр. Бұны ұғына алатындарда бар , ұғына алмайтындарда бар. «Дос деген кім?» деген сұраққа жауап беретін адам айналасында жақсы достары бар адам деп ойлаймын.

Біздің бала күннен тай құлындай тебісіп , бірге ойнап өскен достарымыз бар. Олардың орны бөлек қой.Кішкентай кезде бір нанды бөлісіп жеген , түс ауа берсе үйден тығылып қашып күн ыссыда асық ойнайтын , түнге дейін доп қуып аяқтарымыз шаң-шаң болып ойнаған бала кездегі достарымыздың орны бөлек. Себебі олар сенің балалық шағыңның бір бөлігі ретінде сенің жеке тарихыңда қалды және сен олардікінде.

Ал уақыт өте келе үлкен оқуға түсіп жаңа таныстар , достар таба бастаймыз. Олармен де қызықты шақ , түрлі жағдайларға тап болып та жаңа достар ортасын қалыптастырамыз. Байқайсыздарма кез-келген адамның достасып жүрген адамдары уақыт өте келе араласпай кетіп жатады. Сен онымен ұрысқанда жоқсың немесе көңіліне келетін сөз айтпадың бірақ «неге?» деген мазалайды. Себебі қазақта сөз бар ғой «Бір дос бар қораңнан мал кеткенше,бір дос бар мұрныңнан қан кеткенше , бір дос бар кеудеңнен жан кеткенше». Менің ойымша жоғарыда айтып өткен еш себепсіз қоштасатын достарыңның себебі осы ойда айтылған алдыңғы екі достың уақыты бітеті немесе өмір қажытады, әйтеуір бұрынғыдай араласпайсың немесе мүлдем.

Мұның барлығы әрбір адам басынан өтеді деп ойлаймын. Өмір өзі саған уақыт өте келе адал достарды сүзгіден өткізе беретін секілді. Ең бастысы сол достардың сені іздегені сен оны ізгенің , қиын қыстау кезеңде қол үшін беріп, тек қуанышта ғана емес қайғыдада бірге болатын достың болғаны керемет емеспе. Сол себептіде дос адамның көркі , достың да алатын орны ерекше екен.