Дос болайық бәріміз тренинг сабағы психологтарға

«Науырзым ауданы білім беру бөлімі

Науырзым орта мектебі» ММ

«Дос болайық, бәріміз»

психологиялық тренинг-сабақ

Өзін-өзі тану пәнінің мұғалімі: Суинбекова Г.Т.

Педагог-психолог: Стамкулова С.Т.

Бастауыш сынып оқушыларына арналған психологиялық тренинг-сабақ

Тақырыбы: «Дос болайық, бәріміз»

Мақсаты: Оқушылардың арасында жағымды қарым-қатынас орнату, бір-бірін сыйлауға, адал дос болуға және қоршаған ортамен дос болуға үйрету. Достық қарым - қатынастарын дамыту.

Сынып: 3-4 сынып оқушылары

Сабақтың түрі: психологиялық тренинг-сабақ.

Сабақтың көрнекілігі: слайдтар, стикер, орындық, мақал - мәтелдер.

Сабақтың әдіс - тәсілі: баяндау, әңгімелеу, пікірлесу, топтастыру

Сабақтың барысы:

Ұйымдастыру кезеңі.

Сәлеметсіздер ме құрметті оқушылар бүгінгі тренинг жаттығуларымызда сіздермен кездескеніме өте қуаныштымын. Бүгінгі біз сіздермен «Дос болайық, бәріміз» тақырыбында сөйлесетін боламыз. Ендеше іске сәт!1-жаттығу «Досыммен амандасу»

Мақсаты: оқушылар арасында жағымды қарым-қатынас орнату

Шеңбер бойымен оқушылар тұрады. Оң және сол жақтағы көршісімен әр түрлі қимылдармен амандасады.

Оқушылар екі топқа бөлінеді.

2-жаттығу. Мақал-мәтел: «Досы жоқ адам – тұзы жоқ тағам»

Дос деген кім?

Дос болу үшін қандай болу керек?

Достыққа қандай жағдайлар кедергі жасайды?

Екі топқа «дос» деген жазуы бар плакат беру.

- Балалар, алдымызда күннің көзі, күннің көзіне не жетіспейді?(сәулелер)

- Ал, енді бұл күннің көзін достық шуақтарымен толтырайық ( екі топқа берілген күн «ДОС» сөзіне « шуақтарын » жазу ).

3-жаттығу. «Жағдаяттарды талдау»

Екі топқа жағдаяты бар карточка беріледі. Соны топпен отырып талдайды.

Достық – деген таусылмайтын қазына

Көктемде де солып қалар гүл емес

Қарамайды ол сыйдың көп пен азына

Нағыз достар тіпті сый да тілемес

Шын досың сырттан әр ісіңе тілектес болып жүреді. Қиын қыстау күндерде сенімді ақтар дос бар да, дос қадіріне жетіп, достықты кіршіксіз сақтай алу бар. Адал дос мінін айтқанға арланбай ақылмен тыңдап, өз мінезінің қисығын жөндейді. Сондықтан достарың айтқан сын сөзді дұрыс қабылдай білу керек.Бірінші, жан дос. Қуанышта да, қиыншылықта да қасыңнан табылар сенімді серігің. Жан дос қайғыңды да тең бөлісе алады.