Дос және достық туралы тәрбие сағаты 6 сынып

Сабақтың тақырыбы: Дос және достық туралы әңгіме

Тәрбие сағатының мақсаты: Дос, достық туралы әңгімелесе отырып, олардың достық қарым-қатынасын нығайту.Оқушыларды адалдыққа, шыншылдыққа тәрбиелеу, өзімшілдіктен, жаман әдеттерден аулақ жүруге,сыйластыққа үйрету.Оқушылардың адамгершілік қасиетін, бір-біріне деген достық сезімдерін нығайту.

Пайдаланылатын көрнекіліктер:Мақал-мәтелдер жинағы,суреттер,буклеттер,А4 қағаздары,түрлі түсті стикерлер.

Сабақтың барысы:

І. Ұйымдастыру кезеңі

«Жүректен жүрекке»тренингі

Бірге ән айту: «Жан досым»

Тақырыпты ашу сұрақтары

Дос деген кім?

Дос-сыр бөлісетін адам

Мені өте жақсы түсінетін адам

Көмекке әрдайым дайын адам

Қандай жағдай болмасын бірге болатын адам

Сенімді адам

2.Достық дегенді қалай түсінеміз не?(Жауапты сурет арқылы бер. Әр бір оқушы өзі салған сурет бойынша түсіндіреді)

1- жауап:Адамдар арасындағы байланыс 2-жауап: Достықты шеңберге теңедім

3-жауап:Жүрек 4-жауап : Гүл

3.Досың бар ма? Ол кім?

4. Достық шынайы сезім бе, әлде жай ұғым ба?

5. Достық жасқа байланысты ма?

6. Қыз бала мен ер баланың арасында достық бола ма?

7. Жақсы дос, жаман дос қандай болады?

8. Досыңыздың басына қиындық түсті не істейсіз?

9. Дос қандай болу керек?

Достық

Әйтімбет деген сөзге шешен кісі болыпты. Бірде оның замандастары:

— Достық нешеу? – деп сұрақ қояды. Сонда Әйтімбет тұрып:

— Достықтықтың екі түрі болады. Бірі — адал достық, екіншісі – амал достық.

«Енді оны қалай ажырата аламыз?» дегендерге:

— Адал достық өмірлік нұсқа болады, амал достықтың өмірі қысқа болады, — деп жауап берген екен.

Оқушылардың пікірлері тыңдалады.

IV. «Сөйлемді аяқта» тренингі

Екі топқа сөйлемдер беремін. Топтағы әрбір оқушы сөйлемнің жалғасын табу керек.

А) Әрбір адамға дос керек. Өйткені …

Ә) Сыйластық бар жерде …

V. Жағдаяттан шығу.

«Достық» және «Сыйластық»топтары

1. Сенің ең жақын досың өзінен кіші баланың ұялы телефонын тартып алды. Сынып жиналысында оны талқылап жатыр. Ол сенен көмек күтіп отыр. Сен не айтар едің?

2. Сенің досыңды үлкен балалар күш көрсетіп соғып жатыр. Сенің оларға шамаң жетпейді. Сен не істейсің?

Y. «Мінездеме беру» тренингі