Достық туралы тренинг семинарға арналған материал

Тақырыбы: Достық тренинг

Мақсаты: Оқушылардың арасында жағымды қарым қатынас орнату ,

бір – бірін сыйлауға , адал дос болуға және қоршаған ортамен дос

болуға үйрету. Коммуникативті өрісті дамыту.

Міндеті: балаларға қарым – қатынастағы достық ұғымы туралы түсінік беру;

оқушылардың арасында достық сезімдерін дамытуға ықпал ету;

оқушыларды сыйластыққа , әдептілікке , шынайылыққа ,

адалдыққа тәрбиелеу.

Барысы:

1. Сәлемдесу

Танысу тренингі

Өз есіміңізге сын есім қосып танысайық.

Әдепті - Әлия

Жағымды – Жұлдызай

Мейрімді – Мәди

Ажарлы – Асыл

Айдай – Аружан

Жайдарлы – Жалғас

Кел , ойланайық , пікірлесейік

Достық дегенді қалай түсінесіңдер ?

Шын досты қалай білуге болады ?

"Досы көпті жау алмайды " деген сөзді қалай түсінесіңдер ?

Достары көп болу үшін адам қандай болуы қажет ?

« Достық . Бірлік » үйін салу.

Балалар , біздің адал достарымыз көп болу үшін , үлкен үй

салуымыз керек.

Сол үшін үйді бәріміз бірге салып көрейік.Дос туралы мақал айту арқылы кірпіштерін қалаймыз.

Шын дос үшін қалайда

Тік қатерге басыңды ,

Айыра біл алайда

Досың менен қасыңды ,

Досы жоқпен сырлас ,

Досы көппен сыйлас.

Досың мың болса да аз ,

Дұшпаның біреу болса да - көп.

Досыңменен дос болғанға шаттан ,

Дұшпаныңмен дос болғаннан сақтан.

Дос басқа қайрайды ,

Дұшпан аяққа қайрайды.

Өрге жүзген өнегелі ісіңмен ,

Адал дос тап тең құрбыңның ішінен.

Тыныштық сәті.

Балалар , орындарыңызға емін – еркін жайғаса отырыңыздар. Енді көзімізді жұмып , әркім өзінің досы , оның жақсы қасиеттерін айтамыз. ( 2 -3 секунд)

Балалар , достарымызды ойлап болсақ , көзімізді ашайық. Параққа

аты - жөнімізді жазып , ойлаған досымыздың есімін жазайық.

Жүректен жүрекке

Балалар шаттық шеңберіне келе қойыңыздар. Енді қасымыздағы адамға жүрегіміздегі жақсы жылы лебізді білдірейік. Мұғалімдеріне қолдарындағы қағаз жүреке жылы сөздер жазып беру.