Ё дыбысы мен әрпін таныстыруға арналған сабақ жоспары

Ұйымдастырылған оқу қызметінің сабақ жоспары.

Тәрбиеші:Какимова алма Кашербаевна

Білім беру саласы: Коммуникация

Тақырыбы: [Ё] дыбысы мен әрпі

Мақсаттары:

Тәрбиелік:Баланың зейінін дамыту.

Білімдік:[Ё] дыбысы мен әрпімен таныстыру. [ё] дыбысы кездесетін сөздерді атап көрсету. Орыс ұлтында адамдардың есімдерінде [ё] дыбысын естуге болатынын және кісі аттары бас әріппен жазылатынын естеріне салу.

[ё] дыбысы екі дыбыстан құралып жасалатынын [й+о] түсіндіре кету.

Дамытушылық: Өтілген дыбыстарды қосып оқуға үйрету. Буынға бөлуге үйретуді жалғастыру .Өрнектерді жазу арқылы қолдың ұсақ моторикасын дамыту.

Сабақтың түрі: аралас

Қолданылатын көрнекі кұралдар: «Әліппе»оқулығы, жұмыс дәптері, игровизор, фломастерлер, доптар, матрешка ойыншығы, текшелер, «Лэпбук», таяқшалар, қызыл жалаушалар,суреттер, жұптық жұмысқа арналған тапсырмалар.

Белингвальды компонент: шахтер-шахтер,монтер-монтер,матрешка-матрешка,елка-шырша

І кезең:

Шаттық шеңбер:

Кел балалар, күлейік,

Күлкіменен түлейік!

Қабақ түйген не керек,

Көңілді боп жүрейік,

Кел балалар,күлейік!

Күлкіменен түлейік!

Күлкі көңіл ашады,

Күліп өмір сүрейік!

- Қазір жылдың қай мезгілі? (Көктем)

-Көктем айларын білесіңдер ме?

-Көктем мезгілінде қандай өзгерістер болады?

-көктемнің алғашқы гүлдерін білесіңдер ме?

-Дыбыс дегеніміз не?

-Дыбысты айтамыз,естиміз.

-Дыбыстар қалай таңбаланады?

-Дыбыстар әріппен таңбаланып жазылады.

-Әріпті не істейміз?

-Әріптерді көреміз,жазамыз.

-Буын не арқылы жасалады?

-Буын дауысты дыбыс арқылы жасалады.

-Сөзде қанша дауысты дыбыс болса ,сонша буын болады.

-Қазақ тілінде екпін соңғы буынына түседі.

-Сөз неден құралады?

-Сөз дыбыстардан құралады.

-Сөйлем неден құралады?

-Сөйлем сөздерден құралады

-Өткен сабақта [Ф]дыбысымен танысқан болатынбыз,[ф]дыбысы кездесетін сөздерді есімізге түсірейік

-футболшы, ферма, факс, телефон, телеграф.

ІІ кезең:

Балалар, мына тосын сыйға назар салыңдаршы, бұл не? –матрёшка ойыншығы.

Бұл орыс ұлтының ойыншығы –матрёшка деп аталады. Осы ойыншық атында біз өтпеген, таныс емес дыбысты естиміз . Ол қандай дыбыс екен?- [Ё] дыбысы.

Айнаны алып еріндерді созып дыбыс шығару:-ё ё ё ё .

[ё] дыбысын айтқанда өкпемізден шыққан ауа аузымыздан еркін өтіп тұр ма?

Балалар дыбыстың созылып ,кедергісіз айтылатынын ,дауысты дыбыс екенін анықтайды.

[Ё] дыбысы қосарланған екі дыбыстан жасалған (й + о)

МЁ, МЁ, МЁ

ЛЁ, ЛЁ, ЛЁ

НЁ, НЁ, НЁ

РЁ, РЁ, РЁ