Екінші дүниежүзілік соғыстың басталуы ашық сабағы

I. Сабақтың тақырыбы «ІІ. Дүниежүзілік соғыстың басталуы, 1939-1945 жж. соғыс барысы»

Сабақтың типі Жаңа тақырыпты меңгеру сабағы

1.Мақсаты ІІ. Дүниежүзілік соғыстың негізгі оқиғалары мен оның себептері мен барысы жайлы толық мағлұмат беру

2. Міндеттері

а) Білімділік Оқушыны ізденіске жетелеу, оқығанын талдап, мәнін аша білуге үйрету, оқушының өзіндік пікірінің қалыптасуына ықпал жасау, ой қорыта білуге, аз сөзбен түйіндеуге дағдыландыру.

ә) тәрбиелігі Соғыс кезіндегі адам құндылықтарын түсіндіре отырып, оқушыларды патриоттық пен отансүйгіштікке тәрбиелеу

б)дамытушылық Оқушының жеке тұлға болып қалыптасуына ықпал жасау,

танымдық ойлау қабілеттерін дамыту. Тақырып жайлы өз көзқарастарын қалыптастыруға баулу.

II. Күтілетін нәтиже

оқушылар білуі тиіс:

Соғыс кезіндегі болған негізгі оқиғалар мен нақты деректерді

ә) оқушылар игеруі тиіс:

Деректерге сүйене отырып, нақты фактілерді және пікірлерді қолдану

б) оқушылар меңгеруі тиіс:

ІІ. дүниежүзілік соғыс жайлы толық мағлұматтарды

III. Сабақ барысының әдістері мен тәсілдері сұрақ – жауап, баяндау басқа пәнннен алған білімін пайдалана отырып, әңгімелеу.

Оқу сабағының үлгілік жоспары

Сабақтың барысы

Оқытушының басқарушылық іс-әрекеті

Оқушылардың әрбір кезеңде атқаратын іс-әрекеті

Бағалау

Сабақтың әр кезеңінің құралдары

I.Кіріспе бөлім

1.Ұйымдастыру сәті

2.Тірек білімін қайталау

3. Оқушылардың жаңа тақырыпты меңгеру әрекетінің бағдарлық негізін ұйымдастыру

II.Жаңа тақырыптарды өз беттерінше меңгеру

1. Оқушылардың өздік жұмысы

2.Сабақ материалын бірлесе меңгеру

3.Жаңа білімді қоданудағы дағдылары мен біліктілерін жетілдіру (кері байланыс)

III. Түйсіну

Рефлексия

Оқушылардың алған білімдерін қолдана білуін анықтау

IV.Үйге тапсырма Шығармашылық өздік жұмыс

Амандасу

Түгендеу, дұрыс отыруын қадағалау, дайындығын тексеру

Өткен тақырып бойынша сұрақтарға жауап сұрау

дәрісті ашу жолын көрсету, түсіндіру, мысалдармен таныстыру

Күтілетін нәтижені талдау

Сұрақтарға жауап сұрау

Орындарынан тұрып амандасу

Сабаққа қажетті құрал жабдықтарын дайындау.

Бір-біріне сұрақтар қою.

Жауап беру

дәрісті конспектілеу, мысалдармен танысу

Жеткен деңгейді бағалау

Әрі қарай даму траекториясын анықтау

Сұрақтарға жауап беру

Білім, білік және дағдыларды,

түйінді құзыреттіліктерге ие болудағы оқу жетістіктерінің деңгейі.

Әлеуметтендіру нәтижелері

дәптер, қалам

Жаңа сабақ жоспары:

1 Соғыс алдындағы келіссөздер мен пактілер

2 Соғыстың 1-кезеңі ( 1939 жыл 1 қыркүйек – 1941 жыл маусым)

3 Соғыстың екінші кезеңі ( 1941 жыл 22 маусым – 1942 жыл 18 қараша)

4 Соғыстың үшінші кезеңі ( 1942 жыл 19 қараша – 1943 жыл желтоқсан)

5 Соғыстың төртінші кезеңі ( 1944 жыл 1 қаңтар – 1945 жыл мамыр )

6 Соғыстың бесінші кезеңі ( 1945 жыл 9 мамыр – 2 қыркүйек )

Соғыс алдындағы келіссөздер мен пактілер

1933 ж. фашистік диктатура орнағаннан кейін Нацистік Германия дүние жүзіне үстемдік жүргізу жоспарын жүзеге асыруға кірісті. Оны Италия және Жапония үкіметтері қолдады. 1936 ж. Германия мен Жапония «антикоминтерндік пактіге» қол қойды, 1937 ж. оған Италия қосылды. Жапония 1931 ж. Қытайда, Италия 1935-36 ж. Эфиопияда, Германия мен Италия 1936 — 39 ж. Испанияда басқыншылық соғыстар жүргізді. 1938 ж. Германия Австрияны, Мюнхен келісіміне (1938 ж. 29 қыркүйекте Мюнхен қаласында Германия, Ұлыбритания, Франция, Италия үкімет басшылары кездесіп, Чехословакияның Судет облысын немістерге беру, Германия көршілерінен баска жер талап етпеуге келісім жасасты) сәйкес Чехословакияның Судет облысын, 1939 ж. наурызда Чехословакияны, Литваның Мемель облысын, сәуір айында Италия Албанияны басып алды. Еуропада өз мүдделерін қорғау үшін Ұлыбритания мен Франция үкіметтері Польша, Румыния, Грекия, Түркия елдерін қорғауға міндеттеме алды, сондай-ақ, КСРО-мен үжымдық қауіпсіздік жөнінде келіссөз жүргізді. Кеңес үкіметі олардың кейбір талаптарымен келіспей, келіссөзді тоқтатты да, керісінше, Германиямен өзара шабуыл жасаспау пактісіне (1939 ж. 23 тамыз) қол қойды.

Молотов-Риббентроп келісімі

Осы Молотов-Риббентроп келісімі (В.Молотов КСРО-ның, М.Ребентроп Германияның атынан келісімге қол қойған) бойынша екі мемлекет жасырын түрде Шығ. Еуропадағы өздерінің ықпал ету аймақтарын бөлісіп алды. Финляндия, Латвия, Литва, Эстония, Бессарабия және Польшаның шығыс бөлігі (Нарва, Висла, Сен өзендерінің шығыс жағы) Кеңес Одағына, ал қалған бөліктер түгелімен Германияға тиесілі болды.

Соғыстың 1-кезеңі (1939 ж. 1 қыркүйек — 1941 ж. 21 маусым). КСРО-мен келісімге келгеннен кейін 1 қыркүйекте Германия Польшаға шабуыл жасады, ал 3 қыркүйекте Ұлы-британия мен Франция Германияға соғыс жариялады. Поляк армиясы 8-28 қыркүйекте Варшаваны ерлікпен қорғағанымен еріксіз берілді. 17 қыркүйекте Қызыл Армия Молотов — Риббентроп келісімі бойынша, Польшаның шекарасынан өтіп, Бат. Украина мен Бат. Белоруссияны өзіне қосып алды, ал қыркүйек — казан айларында Эстония, Латвия, Литва үкіметтерімен өзара көмек шарттарын жасасып, әскер кіргізді. Осыдан кейін Кеңес үкіметі Финляндиядан Ленинград (казіргі Санкт-Петербор) қаласының қауіпсіздігі үшін шекараны ел ішіне қарай жылжытуды талап етті. Осы талапты күшпен орындатқызу мақсатымен 1939 жылдың аяғы мен 1940 жылдың бас кезінде кеңес-финн соғысы болып, шекара солтүстік-батысқа қарай жылжытылды. Финляндиямен үш айға созылған соғыс кеңес армиясының әлсіз екенін көрсетті және КСРО-ның беделіне үлкен нүксан келтірді. 1940 ж. 28 маусымда Румыния Бессарабия мен Солт. Буковинаны Кеңес Одағына беруге мәжбүр болды.

Ұлыбритания мен Франция үкіметтері Германияға соғыс жариялағандарымен, 9 ай бойы ешқандай ұрыс кимылдарын жүргізген жоқ. Осыны пайдаланған Германия Ұлыбритания теңіз флотына соқкы берді де, Бат. Еуропаны жаулап алуға кірісті. 1940 ж. сәуір — мамыр айларында Норвегия мен Дания жаулап алынып, 10 мамырда Бельгия, Нидерланд, Люксембургке, әрі қарай Францияға басып кірді. Петен бастаған француз үкіметі қарсыласудан бас тартып, 22 маусым күні берілді. Оңт. Францияда Петеннің «қуыршақ үкіметі» құрылып, елдің қалған бөлігінде герман билігі орнады. Шарль де Голль бастаған француз патриоттары Ұлыбританияға кетіп, күресті жалғастырды. Маусым айында (1940) Италия үкіметі де Франция мен Ұлыбританияға соғыс жариялады. Енді гитлершілер ағылшын қалаларын аяусыз бомбалауға кірісті. Бірақ Гитлер Ұлыбританияға басып кіруден бас тартып, Кеңес Одағымен соғыска мұқият дайындала бастады. Жапониямен, Италиямен достык нығайтылды. Балкан компаниясы (1941) нәтижесінде Грекия жаулап алынып, Югославияда фашистік Сербия, Хорватия…