Ел білмейтін Арықпанұлы Асайбай ғылыми жұмысы

Арықбанов Асабай Арықпанұлы 1958 жылы 6 шілдеде Маңғыстау облысы, Түпқараған ауданы, Сығынды ауылында дүниеге келген. Арғы тегі –Тоқабай, Тоқабайдан –Байболат. Әкесі Тұрақбаев Арықпан –Совет басшысы қызметін атқарған. Анасы Оразмағанбетова Науқан –тыл ардагарі болған. Асабай Арықпайұлының отбасында үш апасы, бір ағасы бар.

Тұрақбаев Арықпан Оразмағанбетова Науқан

1966 жылы мектеп табалдырығын аттайды. Асабай Арықпанұлы Ақтау қаласы 1 шағын ауданындағы №3 мектепте білім нәрімен сусындаған. Жасынан техникаға, математика, физика сынды ғылымдарға жақын болды. Бала кездегі армандарының бірі «дәнекерлеуші» болу еді. 1976 жылы мектепті ойдағыдай тәмамдап шығады.

Мектепті аяқтаған соң, Семей полигонына әскери борышын өтеуге шақыртылады. Әскер құрамында жүргенде, «дәнекерлеуші» мамандығын алып шығады. Асабай Арықпанұлы 1980 жылы 27 қарашада жүрек қалауымен қосылған Салимамен шаңырақ көтереді. Жұбайы Арықбанова Салима үй шаруасындағы кісі.

Жолдасы Салима

Жұбайы Салима

1980 жылы Асабай Арықпанұлының көптен күткен арманы орындалады. Ол арманы –дәнекерлеуші қызметін бастау болатын. Қазіргі таңда орнына қарасты Ақтаудан 50 км «Құйылыс» деген жерде қызмет атқарып келеді. Кәсіпорынға дәнекерлеуші болып кірген ол көп ұзамай еңбекқорлығымен, ұйымдастырушылық қабілетімен көзге түсе бастайды.

Киелі Маңғыстау жүрегі тоқтаусыз соғып, өңірдің қайнаған өмірінің жалғасуы, тұрмыс-тіршілігінің өркендеп дамуы үшін кәсіпорын қызметкерлері күндіз-түні таңдай терін төгіп, еңбек етуде. Асабай Арықпанұлы сынды қызметкерлеріміздің ерен еңбектерін өңір халқы білуге міндетті.

«МАЭК-Қазатомөнеркәсіп» ұжымы

Кез-келген мамандықтың өзіндік қиындығы бар. Сол қиындықтарға 38 жылдан бері төтеп беріп, мойынсынбай, барлық ауыртпалықтарды артта қалдырып келе жатқан Асабай Арықпанұлының еңбегі зор. Өндірістің түп-тамырын тез түсініп, өзінің жаңашылдық ұсыныстарын білдіріп отыратын ол ұжымда құрметке ие, білімді де, білікті маман. Саясаттан да хабардар, әрдайым қол ұшын беруге асығатын оның ұжымдағы орны ерекше.

Бүгінде Асабай Арықпанұлы үш ұл, екі қыз өсірген, ардақты әке, адал жар. «Ұлым ер жетті, қызым бой түзеді, балаларыма дұрыс тәрбие бердім деп сенемін, Алла қаласа ендігі жерде мақсатым олардың үлкен өмір жолында қадамдарын нық басып, еліміздің алдыңғы қатарлы азамат болуына куә болу. Ұрпағымның өсіп, жапырағымның жайылғанын көру. Жарыммен бірге немере-шөберелерімді қызықтап, ұзақ ғұмыр…