Елбасы дәуір тұлғасы тақырыбындағы 7 сынып ашық сабағы

«Шағын жинақталған Саржыра негізгі орталау мектебі»

коммуналдық мемлекеттік мекемесі

Тақырыбы:

Сынып жетекшісі: Райбаева Толқын Кадылкановна

2017 жыл

Сайыстың жоспары:

Тақырыбы: « Елбасы – дәуір тұлғасы»

1 – кезең: Топпен таныстыру (топтың аты, топтың ұраны, топтың төсбелгісі)

2 – кезең: «Бәйге» ойыны

3 – кезең: «Көңіл ашар» ойыны

4 – «Ғажайып бестік» газет шығару (әр топ өздерінің шығармашылық жұмыстарын көрсетеді)

5 – кезең: «Жорға» ойыны

6 – кезең: Үй тапсырмасы «Көрініс» дайындау

Тақырыбы: «Елбасы – дәүір тұлғасы»

Мақсаты: Оқушыларға Қазақстанның бүгінгі жастары, олардың қоғамда алатын орны, еліміздің қол жеткен жетістіктері туралы жан – жақты мағлұмат бере отырып, отансүйгіштікке, саяси белсенділікке тәрбиелеу.

1 – жүргізуші:

Қайырлы күн, қымбатты қонақтар, ұстаздар қауымы, оқушылар және жарысқа қатысушы талапкерлер!

2 – жүргізуші:

Уақыттың күні асқақ, сазы басқа,

Жарасады жастарға жалын атса.

Тоқсан жылдық тарихы арқалаған,

Қош келдіңіздер киелі шаңыраққа!

1 – жүргізуші:

Жетістігі туған елдің табысы,

Қуандырды құт қадамы, жаңа ісі.

«Қазақстан – 2030» жол бастап,

Жолға шыққан жастарысыңдар осы елдің.

2 – жүргізуші:

Н.Ә. Назарбаевтың өмірбаяны бойынша «Президент және Тәуелсіздік», «Елбасы – дәуір тұлғасы» атты тақырыбымен тұңғыш Президент күнін мерекелеуге арналған кәсіптік білім беру мекемелері арасында болатын сайысымызды бастауға рұқсат етіңіздер!

1 – жүргізуші:

Әнұраным – жанұраным,

Айтар әнім, сөйлер сөзім.

Туған жерім сағынарым,

Мақтанышпен қайталадым – дей отыра бәріміз әнұранды орындасақ.

2 – жүргізуші:

Көрсеңіздер өрімдей қыз – жігітті,

Көкіректе оятады үмітті.

Білім алып мектебімізден біздегі,

Маман болып шығады ертең білікті, - деп сайысқа қатысушы жас талапкерлерді қол соғып, қошеметпен ортаға шақырайық!

1 – жүргізуші:

Бірдей көріп жүйріктердің баршасын,

Қыз – жігіттің өнерлерін байқасын.

Көпшілікті таныстырып өтейік,

Қазылармен төрелігін айтатын. (Әділқазылар алқасын сайлап алсақ)

2 – жүргізуші:

Сайыс шартымен таныс болыңыздар:

1 – кезең: Топты таныстыру (топтың аты, топтың ұраны, топтың төсбелгісі)

2 –кезең: «Бәйге» - 20, 30, 40 ұпайымен бағаланады

3 – кезең: «Көңіл ашар» ойыны.

4 – кезең: «Ғажайып бестік» (оқушылардың шығармашылық жұмыстары, газет шығару) 1 – топ: «Президент жетістіктері»

2 – топ: «Н.Ә. Назарбаевтың өмір баяны»

5 –кезең: Үй тапсырмасы: «Көрініс»

6 – кезең: Қорытынды. әділқазыларға сөз.

Енді әр топтан бір-бір талапкер келіп реттік нөмірлерін алуын сұраймыз. (Қағазға жазылған нөмірлерді алу)

1 – жүргізуші:

Енді сайысымыздың бірінші бөліміне кезек берсек.

Топпен таныстыру. (Ұпай саны берілсе)

2 – жүргізуші:

Білім деген биік шың,

Бақытқа сені жеткізер.

Білім деген ақылшың,

Қиындықтан өткізер – дей келе сайысымыздң 2 – кезеңіне кезек берсек: «Бәйге» ойыны: 20, 30, 40 ұпаймен бағаланады әр сұрақтың жауабы бойынша.

1. Қазақстан Республикасының заңдары қай кезден бастап күшіне енді?

2. Үкімет мүшелері кімге ант береді?

(Президентке)