Елбасы сенімі ел сенімі тәрбие сағаты 2-сыныпқа

Тұңғыш Президент күніне арналған ашық тәрбие сағаты.

Күні: 29.11.2018 ж.

Тақырыбы: «Елбасы сенімі-ел сенімі»

Мақсаты: 1.Қазақстан Республикасының тұңғыш президенті Нұрсұлтан Әбішұлы Назарбаевтың өмір жолы, жүргізген саясаты туралы мағлұмат беріледі.

2.Ойларын еркін айту, өзгенің пікірін тыңдай білу дағдыларының қалыптасуына мүмкіндік жасау.

3. Шәкірт жүрегінде елбасына деген сүйіспеншілік сезімін ояту, Отанын, халқын сүюге, ержүректілікке, азаматтыққа, патриоттық сезімге тәрбиелеу.. Көрнекілігі: шарлар, банер, слайд шоу,

Өту барысы:

Әнұран орындалады.

Мұғалім сөзі: Қайырлы күн құрметті ұстаздар, қонақтар және оқушылар. Қазақстан Республикасының тұңғыш президенті Нұрсұлтан Әбішұлы Назарбаев 1 желтоқсанды «Қазақстанның Тұңғыш Президентінің Күні» ретінде атап өтетін заңға, қол қойды. Оған сай 1 желтоқсан мемлекеттік ресми мерекелер қатарына енді. Бұл біздің үлкен қуанышымыз, үлкен жетістіктеріміздің бірі. Ендеше сөзді оқушыларға берейік.

Әлия: - Армысыздар, құрметті ұстаздар, қадірменді қонақтар!

Саян: Бүгінгі мерекелік тәрбие сағатымыз 1-ші желтоқсан Тұңғыш Президент күніне арналып отыр

Әлия : - Сен қалай ойлайсың Саян, Қазақстан Республикасының осындай дәрежеге жеткені кімнің арқасында?

Саян: - Әрине Қазақстанның атын сонау шет мемлекеттер танып, астанамыз көркейіп жатқаны Елбасымыз Н.Ә.Назарбаевтың арқасы.

Әлия: -Мемлекетіміз тәуелсіз ел болып жарияланғалы даму үстінде. Барлығы, елбасымыздың сындарлы саясатының негізінде емес пе?

Саян : - Иә дұрыс айтасың, Алия

Алия: Олай болса біздің осы күнге дейін атқарған істерімізді, жеткен жетістіктерімізді еске алайық.

1991 жылы 16-желтоқсанда Қазақстан Республикасы Тәуелсіз республика деп жарияланды. 1992 жылы Қазақстан Республикасының Мемлекеттік Байрағы, Гербі мен Гимні қабылданды. Біріккен ұлттар ұйымына мүше болды. 1993 жылы Ұлттық валютамыз алғашқы Қазақстан Республикасының теңгесі айналымға түсті. 1994 жылы қазақ ғарышкері Талғат Мұсабаев ғарыш кемесімен көкке көтерілді.1995 жылы 30-тамызда Қазақстан Республикасының «Ата заңы» қабылданды. 1998 жылы 6-мамыр Астана қаласы еліміздің басты қаласы деп жарияланды. 1999 жылы Призденттік сайлауда Нұрсұлтан Әбішұлы Назарбаев қайта сайланды. 2003 жылы оралмандардың тарихи отанына оралуы бағдарламасы қабылданды.2006 жылы Қазақстан Республикасының Тәуелсіздігіне 15 жыл және желтоқсан көтерілісіне 20 жыл толды. 2007 жылы Қазақстан Республикасының «Білім туралы» заңы қабылданды.2010 жылы Астанада Еуропалық қауымдастық ынтымақтастық ұйымының самиті өтті. 2011 жылыдың қаңтар ақпан айларында Қысқы Азияда ойындары Қазақстанда өткізілді. 2015 жылы кезектен тыс Президенттік сайлау өтті.

2017 Жылы Астана қаласында «Экспо» көрмесі өтті

Ән: «Елбасы»

Саян: ооо Алия біздін еліміздін жеткен жетістіктері көп екен ғой. Біз бұны мақтанышпен айтамыз.