Елбасы туралы өлең, ертегі, әңгімелер 3 сыныпқа

Н.Назарбаев – Ұлт мақтанышы

Мақсаты: Бүгінгі жас ұрпаққа Елбасының ерекше қасиет-қадірін түсіндіру. Қазақстан Республикасының Президенті Нұрсұлтан Әбішұлы Назарбаевтың өмір жолдары туралы түсінік беру, ерен еңбегін мақтаныш сезіммен оқушылар бойына сіңіру.

Көрнекілігі: Елбасының суреттері, ел рәміздері, Астана суреті, т.б.

Барысы:

Бүгінгі сынып сағатымызды Елбасымыз Н.Ә.Назарбаевтың мына сөздерімен бастауды жөн көрдім: : «Мемлекеттік рәміздер – еліміздің егемендігі мен тәуелсіздігін паш ететін нышандар. Бұл рәміздер біздің мемлекетіміздің өткені, бүгіні мен болашағы арасындағы сабақтастықтың жарқын бейнесі. Мемлекеттік рәміздер- халқымыздың рухын, ұлттық салт-санасын, қаһармандығы мен даналығын, болашаққа үмітін, арман-тілегін жеткізетін ерекше құнды белгілер. Желбіреген аспан түстес байрағымыз халқымыздың арманын асқақтатып, қыран бүркіттей елімізді аспан әлемінде қалықтатып тұр» деп атап көрсетті.

Әнұран орындалады.

Сәлеметсіздер ме, балалар! Бүгін бізде ерекше сабақ, өйткені біз бүгін өзіміздің Елбасымыз Нұлсұлтан Әбішұлы Назарбаев туралы кең мағлұмат аламыз. Қазақстанның егеменді ел атануына Елбасымыздың қосқан үлесі зор.

Елбасымыз Нұрсұлтан Назарбаев әрдайым халықпен бірге, ол өз халқына үлкен қамқорлық көрсетеді. Қазақстан Республикасының мемлекеттік басшысы. Мұндай көшбасшымыз бар біздің болашағымыз айқын.

Елбасымыз Нұрсұлтан Назарбаев 1940 жылы 6-шілдеде Алматы облысы Қаскелең ауданының Шамалған аулында дүниеге келді.

1-Аружан: Өмірдің судай ағып өзегімен,

Келеді Президенттер кезегімен.

«Елбасы - Назарбаев» - егіз ұғым,

Жасайды мәңгі бірге өз елімен!

1991 жыл, 1-желтоқсан. Республикада бүкілхалықтық президент сайлауы болып өтті. Қазақстан Республикасының Президенті болып Нұлсұлтан Әбішұлы Назарбаев сайланды.

Нұлсұлтан Назарбаев президент болғалы аз уақыт ішінде қаншама жетістіктерге қолымыз жетті. Республикамыз әлемдегі бәсекеге қабілетті 50 елдің қатарына енді, ана тілімізге мемлкеттік мәртебе берілді, мемлекеттік Рәміздеріміз белгіленіп, Ата заңымыз қабылданды.

1998 жылы 6-мамырда Елбасының жарлығымен мемлекет астанасы Ақмола қаласына ауыстырылды. Ақмола Астана болып өзгертілді.

2-Зарина Каримова: Жаңарып ай, жылдарым,

Жаңарып күн,

Жаңғырып есімдері сан алыптың-

Күншуақты Астана бой көтерді,

Белгісіндей

Бейне бір даналықтың!

Әр халықтың тарихта қалуы ана тіліне байланысты. Адамды мұратқа жеткізетін – ана тілі мен ата дәстүрі. Егеменді Қазақстан елінде ана тілімізге мемлекеттік мәртебе берілді. «Тіл туралы» Заң қабылданды.

3-Арсен: Қуан халқым, күшіне енді «Тіл» заңы,

«Сүйінші» деп ақын ұлың жырлады.

Ел елдігі бағаланар тілменен,

Сол арқылы құлпырады гүл бағы.

Ән: «Бала тілегі»

Әр мемлекеттің өз заңы, өз президенті, өз рәміздері болады.

Қазақстанның Мемлекеттік Рәміздері

Қазақстан Республикасының Мемлекеттік Туы

Қазақстан Республикасының мемлекеттік туы ортасында шұғылалы күн, оның астында қалықтап ұшқан қыран бейнеленген тік бұрышты көгілдір түсті мата. Бұл түс – ашық аспанның, тыныштықтың белгісін көрсетеді. Тудың ортасындағы алтын күн – баршаға ортақ, бәріне нұрын шашып сәулесін төгеді.Оның жылуы жер бетіндегі бүкіл тіршілік атаулыға ортақ. Алтын күнді қанатымен жебеп, өрге көтеріп ұшып бара жатқан ақиық қыран құс – ерлік белгісі. Матаның сол жағында сары түсті ою – өрнегі бар тік жолақ орналасқан, бұл қазақ елінің ұлттық әшекейі. Алтын күн. Қыран және ою – өрнек біздің халқымыздың ашық келешегі мен бай – берекесі, тыныштықпен байлықтың…