Электрондық үкімет арқылы ақпарат алу жұмысы

Қазақстан Республикасы Білім және ғылым министрлігі

Сынып:11 «А»

Информатика пәні мұғалімі:Алтынбекова А

2018-2019 оқу ж

III кезең. Транзакциялық

IV кезең. Трансформациялық

Бірінші кезең – ақпараттық кезең. Дәл осы кезеңде электронды үкіметтің порталы іске қосылды және ақпаратпен толықтырылды. Мемлекеттік органдар, олардың жұмысы және олардың халыққа көрсететін қызметі туралы ақпарат пайда болды. Бұл кезеңде әрбір қазақстандық қажетті бүкіл ақпаратты – қажет құжаттар тізімін, мемлекеттік баждың көлемін, мемлекеттік органның байланыс мәліметтерін порталдан ала алатын болды.

Екінші кезең – интерактивті, порталда электронды қызметтерді көрсетудің басталуымен белгіленді. Порталды пайдаланушыларға мекемелерге жүгірусіз және кезектерде тұрусыз түрлі мекемелерден анықтамаларды алуға, үйден шықпай-ақ кез келген мемлекеттік органға сұраныс жасауға және олардың жағдайын бақылауға мүмкіндік туды. Электронды үкімет порталында интерактивті қызметтерді енгізу құжаттар пакетін жинауға кететін уақытты бірнеше есе қысқартуға мүмкіндік жасады.

Электронды үкіметтің дамуының үшінші кезеңі – транзакциялық кезең. Бұл кезеңде азаматтар мемлекеттік салымдар мен төлемдерді, айыппұлдарды, коммуналдық қызметтерді төлеуге мүмкіндік алды.Кәсіпкерлер үшін транзакциялық кезең құнды сыйлық жасады – электронды мем-лекеттік сатып алулар. Пайдасы айқын – өткізілетін байқаулардің, тендерлердің ашықтылығы мен айқындылығы жоғарылады.

Электронды үкіметтің төртінші кезеңі – трансформациялық кезең, электронды үкімет бүгін дамудың осы кезеңінде тұр. Бұдан былай басты мақсат азаматтарға қызмет көрсетуде максималды жеделділік болып табылады. Осы мақсатқа қол жеткізу үшін интерактивті және транзакциялық сервистер, қазақстандық азаматтар жиі қажет ететін кешенді қызметтерге біріктірілуде. Қолданушыларда 15 минут ішінде заңды тұлғаны тіркеу немесе ілеспе мәселелерді – жәрдемақыларға өтініш және баланы бала-бақшаға кезекке тұрғызу секілді сұрақтарды шеше отырып, баланың тууын тіркеу мүмкіндігі туындады. Электронды үкімет порталында ерекше көңіл әлеуметтік-маңызды қызметтерге бөлінеді, сондықтан да олардың барлығы электронды форматқа ауыстырылған.

Электронды үкіметті жұмыс компьютерлері, тасымалдағыш компьютерлер(ноутбук), ұялы телефон қосымшалары, телеграм(Telegram) жүйесіндегі EgovKzBot мәзірлерінен пайдалануға болады.

Ал бұл жұмыстардың бәріне алдымен электронды қолтаңба алу қажет.

«Электрондық сандық (цифрлық) қолтаңба» (ЭСҚ)(алдағы уақытта қолтаңба) дегеніміз — электрондық сандық қолтаңба құралдарымен жасалған және электрондық құжаттың дұрыстығын, оның тиесілі әрі мазмұнының өзгермейтіндігін растайтын электрондық сандық нышандар…