Елімізді ертеңіне жетелеген елбасы ашық сабағы

Білім беру саласы: «Коммуникация», «Таным»

Ұйымдастырылған оқу қызметі: Сөйлеуді дамыту, Қоршаған ортамен таныстыру, Құрастыру.

Тақырыбы: «Елімізді ертеңіне жетелеген – Елбасы!»

Мақсаты: Қазақстан Республикасының тұңғыш президенті Н. Ә. Назарбаевтың өмір жолы, туып – өскен, оқып, білім алған, қызметі туралы мағлұмат беру. Елбасының өмір жолынан үлгі ала отырып, Отанын, халқын сүюге, ержүректілікке, патриоттық сезімге тәрбиелеу. Балалардың Елбасына деген сүйіспеншілік сезімін ояту.

Көрнекіліктер: Слайдтар көрсету, видео, суреттер, көрме, кітаптар, т.б.

Әдіс – тәсілдер: Көрсету, түсіндіру, әңгімелесу, сұрақ – жауап, мадақтау.

Ұйымдастырылған оқу қызметінің барысы:

Балаларды бүгін бәріңіз өте әдемі болып тұрсыз. Мен бәріңізді ортаға шаттық шеңберіне шақырамын. Келген қонақтармен, ата – анамызбен, өз достарымызбен амандасып, күніміздің сәтті өтуі үшін бір – бірімізге жағдай жасайық.

-Қане, қонақтармен амандасып алайық?

Күн шуағын жинаймын

Достарыма сыйлаймын.

Күн жылуын аямасын,

Шуағымен аяласын.

Достық деген бәйтеректі

Барлық бала саяласын.

Таңғажайып сәт: (Әуен естіліп, балалардың назарын бөлмедегі сиқырлы қорапқа аудару)

Балалар, мына керемет әуен қораптан естіліп жатқан сияқты. Қораптың сырты жалт – жұлт еткен жай қорап емес, сиқырлы қорап екен. Қорапты ашып көрейік, ішінде не бар екен? Қораптың ішінен бірнеше қағаз шығады. Балалар бізге арналған сұрақтар бар екен. Сұраққа жауап беріп, өз білімімізді тексереміз бе?

Сен қай республикада тұрасың?

Біздің тұңғыш елбасымыз кім?

Еліміздің елордасы қай қала?

Өз еліннің рәміздерін атаңыздар?

Өте жақсы, сұраққа дұрыс жауап бердіңіздер. Қораптан шыққан басқа да қағаздардың ішінде құттықтау хат бар екен.

«Балалар, сіздерді 1 желтоқсан Тұңғыш Президент күнімен құттықтаймын. Қойылған сұрақтарға тамаша жауап бергеніңіз үшін сіздерді Бас қала – Астанаға саяхаттауға шақырамын. Қораптың ішінде сіздерге сыйлық ретінде Астана қаласына ұшаққа билет бар. Барлығыңызды Астана қаласында күтемін! Сау болыңыздар!»

Балалар, Астанаға саяхаттауға барғыларыңыз келе ме?

Олай болса, қане интербелсенді тақтаға назар аударып, Астана қаласы туралы ақпараттар біліп алайық.

Астана – Қ. Р. елордасы. Есіл өзенінің бойында орналасқан әдемі қала. Көптеген әсем ғимараттар мен серуендеуге арналаған саябақтар бар. (слайд көрсету)

Балалар, енді бәріміз ұшаққа отырып, Астанаға жол тарттық. Қане, қолымызды ұшақтың қанаты сияқты жайып, көзімізді жұмып, ұшайық.

Біз Астана қаласына келдік. Көзімізді аша берсек болады. Міне, бұл Астана қаласы. Біздің елбасымыз Н. Ә. Назарбанв осы қалада тұрады. Біз астана қаласына келген басты себебіміз осы атамыздың еңбек жолымен, өмірімен, шығармашылығымен таныс болуға келдік. Ең әуелі саяхатымызды кітапханадан бастайық. Бұл Астана қаласында орналасқан Қ.Р. Ұлттық кітапханасы. Кітапханада көптеген кітіптар бар екен. Қане экскурсиямызды бастайық. Бұл Елбасымыздың шығарған кітаптары екен. Алдымен Елбасымыздың суреттеріне назар аудара отырып, өмірбаянымен танысайық. Н. Ә. Назарбаев Алматы облысы. Шамалған…