Еліміздің еркіндігі тәуелсіздік тәрбие сағаты

Тақырыбы: Еліміздің еркіндігі - ТәуелсіздікМақсаты:- Еліміздің тәуелсіздік алу жолындағы ата - бабаларымыздың ерлігін паш ету, оқушыларға желтоқсан құрбандарымен, желтоқсан оқиғасына қатысқан аға - апалардың ерлігін үлгі етіп көрсету.- Оқушылардың туған өлкемізге деген сүйіспеншілігін, сезімдерін ояту.- Елін, жерін сүюге, Отанын қастерлеуге, шыншылдыққа тәрбиелеу.Көрнекілік: Интербелсенді тақта, шарлар, түрлі жайма қағаздар.Кіріспе- Қазақстан Республикасының гимні. Хор.Мұғалім сөзі:Тәуелсіздік бізге оңай келмеді.Жұртым менің не қиындық көрмеді?Жылап тұрып аналарым бұл жолда,Сан перзентін қара жерге жерледі.- Еліміздің еркіндігі - Тәуелсіздік атты, тәуелсіздік күніне арналған ашық тәрбие сағатымызға қош келдіңіздер!1- оқушы: (Жансая)

Тәуелсіздік бізге оңай келмеді.Асау аттай өз тізгінін бермеді.Қазағымның алтын басын иілтіп,Талай дұшпан төрімізге төрледі.

Сол бір сәтте бұлт торлады аспанды,Алатаудың көзінен де жас тамды.Тәуелсіздік желтоқсанмен бітпейді.Тәуелсіздік күресі енді басталды.Мұғалім сөзі:1986жылы 16 - желтоқсанда таңертең, Алматыда жаппай толқу басталды. Жастар алаңға жинала бастады. Алаңда «Біз қазақ, ежелден еркіндік аңсаған», «Әрбір ұлтты өз көсемі басқарсын», «Тәуелсіздік керек»,- деген ұрандар айтылды. Алматы гарнизонын жауынгерлік дайындыққа келтіріп, көп күшпен алаңдағы жастарды қоршап алды. Алматыға әр аймақтардан әскердің арнайы бөлімдері жіберілді. Өз елінің тәуелсіздігін талап етіп, шеруге шыққан жастарға «Бұзақылар», «Ұлтшылдар», «Нашақорлар»,- деген кінә тағылды. Көптеген студент жастар түрмеге қамалды, оқу орнынан шығарылды. Тәуелсіздік жолында Қайрат Рысқұлбеков, Ләззат Асанова, Ербол Сыпатаев, Сәбира тағы басқалары сияқты қазақ жастары желтоқсан оқиғасы кезінде қайсарлықпен ерлік көрсетіп құрбан болды.2- оқушы: (Дәулет)Қатыгездік жұдырығы түйіліп,Қамшы үйірді жасқап, жекіп бұйырып,Желтоқсанда шықты үлкен алаңғаАта - баба аруағына сыйынып.Намыс үшін күрессең мазақтар кім?Құлға айналу азабы азаптардың.Қаны төгілді желтоқсан алаңында,Бодандыққа көнбеген қазақтардың

3- оқушы: (Алмас)

«Нашақор»- деп, «ұлтшыл»- деп,Қазаққа күйе жаққан күн,Базары кетіп, бір түндеҚайғыға халық батқан күн. Көрініс Қайрат пен тергеуші

Мұғалім сөзі: Қайрат Рысқұлбеков 1966 жылы Жамбыл облысының Мойынқұм ауданында дүниеге келген. Әкесі Ноғайбай бақташы, шешесі Дәметкен сауыншы болатын. Қайрат Шу қаласына таяу жердегі Новотащик селосындағы шопан балаларына арналған мектеп-интернатта оқыды. Қайрат мектепте бастауыш комсомол ұйымының хатшысы болды. Қабырға газеттерінің редакторы болып, мақала жазумен әуестенетін.Ортаға басын дәкемен ораған Қайрат шығады.Тергеуші: (Мұрагер)- Сен 13 - желтоқсан күні, сағат 10 - да қайда болдың?Қайрат (Мирас)- Жолдастарымен бірге Фурманов көшесіндеТергеуші (Мұрагер)- Жоқ сен Сәтпаев пен Мир көшесінің қиылысында Совецкийді соққыға жықтың. Соның нәтижесінде ол қайтыс болды. Сен оны өлтірген.Қайрат (Мирас)- Мен оны көргенім жоқТергеуші (Мұрагер)- Ақымақ, сен оны өлтірген! Әкетіңдер, атыңдар, көзін құртыңдар.

Қайрат (Мирас)Күнәдан таза басым бар,Жиырма бірде жасым бар.Қасқалдақтай қаным бар,Бозторғайдай жаным бар.Алам десең алыңдар,Қайрат деген затым бар.Қазақ деген атым бар.Еркек тоқты құрбандықАтам десең атыңдар… (сүйреп әкетеді).

Мұғалім сөзі: Пешенесіне жазылған аз ғана ғұмырдың соңғы сағатына дейін мынау алдамшы дүниеден рахым күтіп, күдерін үзбеген сұңғыла жігіттің көңілі кім үшін, не үшін мерт болуға тиіс екенін сезе бастаған тәрізді. Оған бағытталған оқ кәдімгі қылмыскерге емес, тығырыққа тірелген қоғамның бар шындығын басқаша түсінетіндерге, яғни саяси «теріс көзқарастағыларға» арналған оқ еді. Қайрат болмаған күнде де алаңда ұсталған жігіттің бірінші нөмірлі жігіттің «ұлтшыл» атанып, осы кепті киюі ғажап…