Елімнің бақытын тербеткен тәуелсіздік 9 сынып кеші

Тақырыбы: «Елімнің бақытын тербеткен Тәуелсіздік»

1.«Атамекен» әні

2. Сынып оқушылары «Мәңгілік ел » өлеңін оқиды

3.Жүргізушілер шығады

1-жүргізуші

Армысыздар, құрметті ұстаздар, оқушылар және қадірменді қонақтар! Бүгінгі Тәуелсіздігіміздің 28 жылдығына арналған «Елімнің бақытын тербеткен Тәуелсіздік» атты мерекелік кешімізге қош келдіңіздер! Армандарды жақындатып тым алыс, Біздің жаққа жеткен екен жылы ағыс. Егемендік - ел бақыты, ертеңі, О, халайық! Құтты болсын қуаныш!

2 - жүргізуші:

16 желтоқсан – тәуелсіздік алған күн,

Ерекше боп ел жадында қалған күн.

Жасай берсін ұлы күн үміті боп елімнің,

Желбіресін көк туы- нағыз көркі жерімнің!

Мәңгі болсын, баянды болсын

28 жыл ғұмырың!

Құтты болсын, мықты болсын

Тәуелсіздік тұғырың!

Гимн орындалады

4. «Мен қазақпын» өлеңі Алтай

5.ӘН «Елім менің» Жанель

1-жүргізуші Қазақ дейтін менің бір елім, Жатыр алып жарты дүние әлемін. Бұл даланы анам жаспен суарған, Бұл далаға жылап келіп қуанған, - деп Қасым Аманжолов ағамыз жырлағандай, кең байтақ жерімізде қазақ халқының басынан не өтпеді десеңізші. Талай қиындықты бастан кешірсе де, ешқашан мойымай, күресе білді. Азаттық таңы туатынына кәміл сеніп, үміттерін үзбеді . Бүгінгі кешімізді «Өткен шақ», «Осы шақ» және «Болашақ» атты бөлімдермен байланыстырмақшымыз.

2-жүргізуші Еліміздің Тәуелсіздік күні мерекесі халқымыздың сан ғасырлар бойғы азаттық жолындағы күресінің, сол жолдағы көрген азаптары мен қиындықтарының жадымызда жаңғырып, 28 жылда жеткен жетістіктеріміздің айшықты көрінетін мейрамы. Сондықтан да бұл күні Тәуелсіздік жолындағы арпалыстың азапкерлері мен қаһармандары ойға оралатыны сөзсіз.1-ші бөлім «Өткен шақпен» байланыс.

Сол өткен шақта Қазақстан ғасырларға теңесетін ғажайып жолды жүріп өтті. Бұл жолда бәрі де болды.Соның бірі- желтоқсан

Желтоқсан – ұлт мерейін тасытқан күн,

Желтоқсан – жат пиғылын жасытқан күн.

Желтоқсан – жас жүрекке қайрат беріп,

Желтоқсан – ел болуға асыққан күн.

6.Видео көрсетіледі «Болмыс »

7.«Желтоқсан» туралы өлеңдер оқылады. «Желтоқсан желі ызғарлы» видео

8.« Желтоқсан » өлеңі Альмира

9. ӘН. «Желтоқсан желі» Ә.Тінәлиев

10. Видео. Монолог . Еркежан

11. Бір минут үнсіздік . Слайд