Елімнің еркіндігі – тәуелсіздік тәрбие материалы

ЕЛІМНІҢ ЕРКІНДІГІ – ТӘУЕЛСІЗДІК!

Мақсаты: Елбасы туралы толық мағлұмат беру. Балалардың өз еліне, туған жеріне деген сүйіспеншілік сезімдерін арттыру.отанын сүюге тәрбиелеу, еліміздің тарихы туралы түсінік беру.

Көнекілігі: Елбасы Нұрсылтан Назарбаевтың суреті, рәміздер, интерактивті тақта, суреттер.

Әдіс-тәсілдер: Түсіндіру сұрақ-жауап.

Барысы: Ұйымдастыру.

Шаттық шеңбер:

Көк аспанда күн күлсін,

Бірге күлсін бүлдіршін.

Ұл қолында ту жүрсін,

Қыз қолында гүл жүрсін!

Бірге күлсін бүлдіршін.

Сұрақ-жауап:

-Біз қай елде тұрамыз?

-Қазақстан Республикасында тұрамыз.

-Қазақстанның Елордасы қай қала?

-Елордамыз – Астана.

-Елбасымыз кім?

-Елбасымыз Нұрсұлтан Әбішұлы Назарбаев.

-Біз Қазақстан Республикасының рәміздерін білеміз бе?

-Әнұран, Ту, Елтаңба.

Нұрсұлтан Назарбаев 1940 жылы 6 шілдеде Алматы облысының Қарасай ауданына қарасты Шамалған ауылында Әбіш пен Әлжанның отбасында дүниеге келген. Еңбек жолын 1960 жылы Теміртау қаласындағы Қарағанды металлургия комбинатында қатардағы жұмысшы болып бастып, домна пешінің аға газдаушылығына дейінгі жолдан өтті.

Қазақстан Республикасының Елбасына дейін көтерілген Нұрсұлтан Әбішұлы Назарбаев осындай тамаша жетістіктер деңгейіне бірден қолы жеткен жоқ. Кішкентай кезінен бастап, түрлі қиындықтарды бастан кешірген. Соның бірі бала кезінде бірнеше шақырым жердегі мектепке қыстың қарлы бораны мен күздің қара суығына қарамастан, таңның атуын күтпестен мектепке қатынаған сәтін айтсақ та болады. Алдына қойған мақсаты айқын адамдар не нәрсе болса да жеңіп, сол мақсатына жететін біз осы атамыздың жасап жатқан айшықты да айқын жұмыстарынан аңғара аламыз.

Тақпақтар.

Каусар:

Әнді алысқа жеткіземіз,

Көкке елдің туы ілінді.

Жылда той қып өткіземіз,

Тәуелсіздік ұлы күнді.

Заңғар:

Маған қымбат ұлы елімнің,

Шешек атқан әр гүлі.

Аялайды бәрімізді,

Азаттықтың таң нұры.

Ұлағат:

Сарыарқаның даласында,

Күн шуағын төккен күн.

Елім менің, жерім менің,

Баққа қолы жеткен күн.

Мадияр:

Тәуелсіздік ұлы күнім,

Тұрсын жайнап төбемде.

Сен, жасай бер мәңгі бақи,

Қуанышқа бөлен де.

Мадина:

Тәуелсіздік –

Бақ туын.

Қолға ұстаған сәт бүгін,

Болсын дәйім шат бүгін.

Азиз:

Балабақша серпін нық,

Көкке атады бөкін жұрт.

Тәуелсіздік – ынтымақ,

Тәуелсіздік еркіндік.

Надир:

Тәуелсіздік – ел болу,

Ынтымақпен өрге озу.

Еркін және өзге елмен,