Елімнің еркіндігі – тәуелсіздік тәрбие сағаты, 1 сынып

Сабақтың тақырыбы: Елімнің еркіндігі – Тәуелсіздік

Сабақтың мақсаты:

Оқушыларды Отанды сүйе білуге, елге деген сүйіспеншілік қабілеттерін дамыту

Көрнекіліктері: қанатты сөздер, шарлар, суреттер

Сабақтың барысы:

1-ж: Армысыздар құрметті ұстаздар және қадірменді кеш қонақтары!

2-ж: Кеш жарық өркениетті елдің асыл ұрпақтары!

1-ж: Бүгінгі Тәуелсіздігіміздің 27 жылдығына арналған « Елімнің еркіндігі – Тәуелсіздік » атты мерекелік кешімізге

(бірге) қош келдіңіздер!

2-жүргізуші:

Отан. Атамекен. Тарих. Бұл қай құлаққа да асқақ естілер асыл ұғымдар. Адам адам болып жаралғаннан бері ұлан-асыр даму көшінің өн бойында жер үшін сан қилы дүрбелеңдер көп болған. Ғасырлар қойнауының белестеріне үңілсек, өз жерін еш жауға бастырмаған, шыбын жанын шүберекке түйіп, садақ ұстап, қол күшіне сеніп, найзаның ұшына үкі таққан ұлдары мен қыздарының жауынгерлік үлгісі бізге аманат болып жеткен.1-ж: Өсер елдің қай сәтте де бірлік болмақ қалауы,

Лаула, лаула желтоқсанның мұзға жаққан алауы.

Өздеріңдей өр намысты жас өркені бар елдің

Ешқашанда еңкеюге тиісті емес жалауы! - деп Мухтар Шаханов жырлағандай 1991 жылдың 16-желтоқсаны Тәуелсіздік таңын тудырды. Содан бері міне Қазақстан Республикасының тәуелсіздігіне 27 жыл толып отыр.

2-ж: біздің есімізге Тәуелсіздік желтоқсан оқиғасы арқылы есте қалды. Халқыма ғасырлар бойы арман болған тәуелсіздік, егемендік ұстанымдарын биікке көтеретін бұл күн – біздің Отанымыздың әрбір азаматы үшін қастерлі күн. Бізді бұл күнге дейін жеткізген ұмытылмас оқиғалар – ел қорғау соғыстары, ұлт – азаттық көтерілістері, қандай ауыртпалықты да көтере білген , жасымайтын асқақ жігерлі рухы, қайтпайтын табандылығы - өшпес өнеге, өлмес мұра. Осылайша бұл тәуелсіздік күнінің оңайлықпен келмегенін білеміз. Ата – бабаларымыздың алдында тәуелсіздік үшін күресу мақсаты тұрган болса, біздің алдымызда оны нығайта түсу міндеті тұр.

1-ж: Ендеше алғашқы сөз кезегі Бастауыш класс бірлестігінің жетекшісі Г.Алданазарова

1-ж: Армандарды жақындатып тым алыс,

Біздің жаққа жеткен екен жылы ағыс.

Егемендік - ел бақыты, ертеңі,

О, халайық! Құтты болсын қуаныш!

2-ж: Азат өлкем күндей күлген шығыстан,

Асыл елім жан - жүректі ұғысқан.

Ата бабам аңсап өткен бақытым,

Айналайын, Қазақстан - Гүлстан!

1-ж: Тәуелсіздік – бабалар аңсауы, ұрпақтың қолы жеткен киелі кезең. Тәуелсіздік – таңбасы таста, қаны қара жердің тамырында жатқан құдіретті сөз.

2-ж: иә, арысы қазақ хандығынан бастап берісі егеменді елдің іргесіне дейінгі көшті жалғастырып келе жатқан, атадан тараған ұрпақтың парызы осы аманатты сақтау. Жәнібек пен Керейдің керген керегесін кілем үсті көтеріп, Отанды қастерлеп өту әрбір ұрпақтың міндеті.