Елімнің еркіндігі – тәуелсіздік туралы тәрбие сағаты

Бекі бастауыш мектебі

Тәрбие сағаты

Өткізген: К. Жолбергенова

Кештің тақырыбы: «Елімнің еркіндігі – Тәуелсіздік»

Мақсаты: 1986 ж. Желтоқсанда орталықтың әміршіл – әкімшіл солақай саясатына қарсы

алғаш рет бас көтеріп, демократия жолында құрбан болған ұл –

қыздарымыздың ерліктері жайында түсінік бере отырып, жастардың алаңға не

себепті, қандай мақсатпен шыққандығын жете түсіндіру.

Тәрбиелігі: Өз Отанына, туған жеріне деген сүйіспеншілігін арттыра отырып, өз ана тілін,

әдет – ғұрпын, салт – дәстүрін, сақтай білуге патриоттық сезімге тәрбиелеу.

Дамытушылығы: Әрбір жеке тұлғаның еркін сөйлеп, өз пікірін , ойын айта білу

қабілетін дамыту.

Кештің барысы: Әнұран орындау

Желтоқсан құрбандарын еске алу

1 - жүргізуші: Армысыздар, құрметті ұстаздар, оқушылар және қадірменді қонақтар! Бүгінгі Тәуелсіздігіміздің 25 жылдығына арналған «Елімнің еркіндігі - Тәуелсіздік» атты мерекелік кешімізге қош келдіңіздер! Тәуелсіздік - ең басты құндылығымыз. 25 жыл ішінде тәуелсіз Қазақ елін қалыптастырып, нарықтың қиын өткелектерінен аман өткізіп келеміз. Осы кезеңде Қазақстанды дүние дидарындағы ең мықты мемлекеттер танитындай, сыйлайтындай деңгейге жеткізген тұңғыш Нұрсұлтан Назарбаевтай көреген саясаткердің ерен еңбегін дәл бүгін және әрқашанда айтып өтеміз.

2 – жүргізуші: Тәуелсіздік күні еліміздің барлық азаматтары үшін орны ерекше мереке деп білеміз, себебі, осынау жүрекжарды қуанышқа толы күнді ата – бабаларымыз ғасырлар бойы армандап, күтумен өтті. Біз тәуелсіз елдің түлегі болғанымызға шексіз қуанамыз. Біздің отанымызды әлем таныды. Осы сәтте Отан туралы еріксіз ойға берілесің. Бұл ұғымның аясы кең. Отан – далаң, орман, тауың, ауылың мен астанаң. Отан әр жұмыр басты пенденің киелі мекені, жер басып жүрген әр тіршілік иесінің шексіз байлығы. Тәй – тәй басқан нәресте де, еңкейген қария да оның бір мүшесі.

1 - жүргізуші: Құттықтау сөз кезегі мектебіміздің директорына беріледі.

2 – жүргізуші: Біздің оқушылар отан туралы өлең айтып берсін.

1 - оқушы Жаншуақ

2 – оқушы Ақбота

1 – жүргізуші: Қазақ халқы еркіндікке жету үшін қаншама қиын – қыстау кезеңдерді бастан кешірді. Мыңдаған жылдық тарихы бар. Ал, 1986 – жылғы оқиға халықтың есінде мәңгі сақталады. 16 – желтоқсанда қазақ жастары орталық алаңға шығып, Қазақстан тәуелсіздігін талап етті. Бұл күн – Қазақстан тарихында тәуелсіз Қазақстан Республикасының туған күні деп алтын әріппен жазылды.

2 – жүргізуші: 1986 – жылғы 16 – желтоқсанда таңертеңгі сағат 10 – да бар – жоғы 18 минутқа созылған Қазақстан Компартиясының пленумында елімізді ширек ғасыр басқарған Дінмұхамед Ахметұлы Қонаев орнынан алынып, шеттен келген Геннадий Колбин сайланды. Бұл, әрине Қазақ халқының наразылығын туғызып, әйгілі Желтоқсан оқиғасын туғызды.

1 – жүргізуші: Қасқалдақ ұшып көлінен, Шүрегей келіп қонған күн. Қыранды қуып көгінен, Қарғалар билік алған күн. «Нашақор» деп, «ұлтшыл» деп, Қазаққа күйе жаққан күн, Қақаған күннің ызғары, Сүйектен өтіп кеткен күн, Қаракөз қазақ қыздарын, Омондар басқа тепкен күн, Озбырлық күшпен тұншығып, Үміттің оты өшкен күн. Жанына таппай бір дауа, Ер Қайрат қыршын кеткен күн!

Көрініс.

Сахнаға 2 студент шығады. Бірі – қыз, бірі – ұл. Қолдарында конспект жазған дәптері бар.

1986 жылғы 16 – желтоқсан. Қ. Рысқұлбеков өз курстасы Жанармен кездеседі.

Жанар: Қайрат, сен естідің бе? Кеше Қонаев ағамыз орнынан алыныпты дейді.

Қайрат: Қойшы, рас айтасың ба?Кімнен естідің?

Жанар: Кеше куратор ағайдан естідім. Бүгін Брежнев алаңына көп адам жиналып жатыр дейді.

Қайрат: Неге? Неліктен?

Жанар: Қонаевтің орнына Ресейден бір орыс келіпті, халық наразылық білдіріп жатқан көрінеді дейді. Куратор ағай ол жаққа бармаңдар деп ескертті.

Қайрат: Қой, біздің мұнда тығылып қалғанымыз дұрыс болмас. Жүр, кеттік, тез барайық.

Ән: «Қара бауыр қасқалдақ»

4 – оқушы: Қуандық Тас еденде жатты қазақ баласы,Ауырса да, қыңқ етпеді жарасы,Жараланған жолбарыстай, ышқынып,Айтып жатты соңғы сөзін ол ащщы!!!......Қайрат атты атым бар,он сегізде жасым бар...Еркек тоқты құрбандық, атам десең атыңдар!....Сұранбады, жалынбады тік тұрды,Барлық жендет қорықты одан тіксінді,Тас қорғанда жалғыз өзі жатса да,Қанышерлер айналада көптін-ді....

Бір қазаққа әлі келмей жер болып, Мойындатпақ, бір өлікті тергеулік. Сенің ісің, сен өлтірдің дегенді, Артпақшы олар өрен жасқа көлдей ғып.

5 – оқушы: Назым Қайраттай қайсар ұлдардың, Жанымен келген еркіндік. Жазира мен Ләззаттың, Арымен келген еркіндік.

Қасірет пен қайғының, Бәрімен келген еркіндік. 16 – желтоқсан, Ел мерейі тасыған, Қазақ деген қалың жұрт, Бәрін кешті басынан

Көрініс

Сахнада Қайрат пен жеңгесі дастархан басында отырады. Үйге милиционер жігіт келеді.

Милиция: Біз органнан келдік. Қ. Рысқұлбеков деген азаматты тұтқындауға келдік.

Жеңгесі: Қайрат, бері кел!

Милиция: Тез жинал, бізбен бірге кетесің!

Жеңгесі: Ойбай – ау, бұларың не? Жұдырықтай баланың не жазығы бар еді? Әке – шешесіне не бетімізді айтамыз?

Милиция: Жеңеше, сабыр етіңіз! Бұл жігіт төбелеске қатысыпты. Анық – қанығын тексерген соң қайтарып жібереміз.

2 – жүргізуші: Желтоқсан – заман толғағы байтақ даланың, Шарпыған сәті үміт пен күдік қаланың Желтоқсан – Қайрат, Ләззат, Сабира Құрбаны болған жаланың Ал қоғамның адамнан бар ма асылы, Кеткенде жоқ құлақтан зар басылып, Бұғаудағы боздақтары кете бардыБірі атылып, ал бірі дарға асылып.

6 – оқушы: Адайбек 16 – желтоқсан, Тәуелсіздік алған күн Ерекше боп мәңгілік, Ел жадында қалған күн.

Әр қазақтың есінде сақталады, Желтоқсандық өрендер ақталады. Ел намысын қорғаған сарбаздарым, Ерліктерің мәңгілік сақталады.

Ән: «Желтоқсан желі»

Көрініс

Прокурор: Орындарыңыздан тұрыңыздар, сот келе жатыр!

Прокурор: Қылмыскер Қ. Рысқұлбеков, сен желтоқсанның 17 – 18 – і күні алаңға бардың ба?

Қайрат: Иә, бардым, 17 – желтоқсан күні.

Прокурор: Не мақсатпен?

Қайрат: Ол жерге барған себебім! Біріншіден, ел айтқан, естіген сөздерді өз көзіммен көру үшін бардым. Екіншіден, алаңда қазақтың жас қыздарын ұрып – соғып жатыр деген соң ол жерде қаракөз қарындастарыма қолымнан келгенше бар көмегімді бергенім рас. Ол үшін өкінбеймін, қайта…