Елін сүйген елбасы тәрбие сағаты 6 сыныпқа

«№ 6 ЖОББМ» КММ

«Елін сүйген Елбасы»

(тәрбие сағаты)

Өткізген : Карабалина .Ж

2018-2019 оқу жылы

Күні :29.11.18ж

Топ : 6-сынып

Тақырыбы: «Елін сүйген Елбасы» (тәрбие сағаты)Мақсаты: -қазақ халқының тұңғыш президенті Н.Ә.Назарбаевтың өмір жолы , туып -өскен, оқып білім алған, қызмет еткен жерлері туралы мағлұмат беру;-елбасының өмір жолын үлгі ала отырып Отанын, халқын сүюге, ержүректілікке, азаматтыққа, патриоттық сезімге тәрбиелеу;-шәкірт жүрегінде елбасына деген сүйіспеншілік сезімін ояту, құрметтеу.Көрнекілігі: Елбасы туралы слайдтар, суреттер, буклеттер, кітаптар.Барысы:

1.Кіріспе сөз.

2.Әнұран ( тұрып айту)

3.Елбасының өмір жолдары

4.Әдеби монтаж

5.Ұлттық би

6.Ән: «Елбасы елдің тұтқасы», «Көк тудың желбірегені».Слайд: 1- бет: Н.Назарбаевтың туып өскен ортасы. «Отбасым алтын діңгегім»2- бет. Елбасымыздың білім алған орындары.3 -бет «Металлургтен басталған еңбек жолы»4-бет «Халқының сайлап алған қалаулысы»5- бет. Елбасының өрлеу баспалдақтары.

Тәрбиеші:«Мен өз халқымның жолында басымды бәйгеге тіккен адаммын.Маған ары үшін жанын садаға ететін осындай текті халыққа,мені ұлым деп,перзентім деп төбесіне көтерген халыққа,арғы-бергідегі қазақ баласының бірде-бірінің пешенесіне бұйырмаған бақыты-толық-қанды,тәуелсіз мемлекет құрудың қасында болу бақытын бұйрытқан халыққа қызмет етуден артық ештеңенің керегі жоқ,осы жолда мен бойымдағы бар қайрат-қабілетімді,білім-білігімді аямай жұмсаймын,қандай да тәуекелге барамын....»Нұрсұлтан Назарбаев. Елбасы десек тәуелсіздік, тәуелсіздік десек Елбасы ойға оралып,нұрлы бейбіт,бақытты күндеріміз алтын сәулесін шашады.Олай болса «1-желтоқсан-тұңғыш Президент күні»баршаңызға құтты болсын.

Шығындап, қиыр шеттің танып бәрін,

Уа. Жұртым, шартарапқа шарықтадың.

Бұл әлем қашан тұтас біліп еді,

Қазақтай жер бетінде халық барын.

Әр сөздің астарына осы арада,

Ағайын ой жіберіп жете қара.

Тәуелсіз Қазақстан тарихында,

Тұлғасы Елбасының жеке дара!

Көк байрағы,Елтаңбасы,бірлігі,

Шалқи берсін Әнұраны қазақтың!

2. Әнұран ( тұрып айту)

3.Елбасының өмір жолдары (Слайд )1бет. « Н.Назарбаевтың туып өскен ортасы» «Отбасы алтын діңгегім»

Наргиз: Елбасымыз Н.Ә.Назарбаев 1940 жылдың 6-шілдесінде Алматы облысының Қаскелең (Қарасай)ауданындағы Шамалған ауылында туған.Мамандығы-инженер-металлург.Экономика ғылымының докторы,академик, «Ғасыр адамы»атанған қайраткер.Елбасының атасы Назарбай өз аумағында билік жүргізген,ел басқарған адам екен.Шамалған,Қаскелең,Үшқоңыр жайлауын мекендеген.Балалық шағы таршылық жағдайда өтті. Әкесі Әбіш ата, анасы Әлжан әже. Отбасында інілері Сатыпалды, Болат, қарындасы Әнипа болды. Үлкендердің мал бағуына, бау бақша өсіруіне көмек көрсету керек болды, шөпшек теріп, отын жарды. Өзі еске алғандай, өсірген аз маз малын өнімдерін сатып, үй ішіне қажетті заттар алу үшін есек жеккен арбамен жақын маңдағы темір жол стансасына бару дегенің керемет мереке саналған. Ата анасын қатты құрмет тұтты.2-бет. «Елбасымыздың білім алған орындары»

Аллаберген: Елбасы оқыған мектеп баяғыда бір бай көпестің үйі болған екен. Кәмпеске кезінде мемлекет қарауына өтіп, мектепке айналған. Осы мектепте Елбасы тоғыз жыл, бір тоқсан оқыған. 1974 жылы осы мектептің орнына үш қабатты мектепті салған. Такура Алғадайқызы. Нұрсұлтан Әбішұлының алғашқы ұстазы.

3 бет. «Елбасының өрлеу жолдары» «Металлургтен бастаған еңбек жолы»Нұрбек: 1958 жылы мектепті үздік бітіргеннен кейін Теміртау қаласында Қарағанды металлургия комбинатына жұмысқа тұрады.

1958-1960 жылдары Днепродзержинск техникалық училищесінде оқыған.1962-1965 жылдары Қарағанды политехникалық институтында оқыған.Тәрбиеші: Елбасы еңбек жолын 1960 жылы Теміртау қаласындағы Қарағанды металлургия комбинатында қатардағы жұмысшы болып бастайды.Әкесі мен шешесі мұндай ауыр жұмыс істеуіне қарсы болады.Әкесі барып балқыған темірдің маңындағы баласын көріп,еліне қайтармақ болады.Бірақ 20 жастағы жігіт табандылығының, еңбекқорлығының арқасында жұмысын жалғастырып домна пешінің аға газдаушылығына дейінгі жолдан өтті.Сол жылдары оның басшылық қасиеттері жақсы көрінді. Қалалық, облыстық және республикалық көлемде басшы органдарда жауапты қызмет атқарды. Металлургиялық комбинатта партком хатшысы, Теміртау халалық, Қарағанды облыстық және республикалық партия ұйымдарына экономикалық салаға жауап беретін хатшы болды.

Елбасымыз Қазақстан Үкіметін басқарғанда 44 жаста болды. Осылайша оның саяси өмірбаяны басталды.

4-бет Еңбек жолы «Халқының сайлап алған қалаулысы»

Әсем: 1991 жылы 1-желтоқсанда бүкілхалықтық сайлау қорытындысы бойынша Қазақстан Республикасы Президенті болып сайланды.

1995 жылы 23 сәуірде жалпыхалықтық референдум нәтижесінде өкілеттілігі 2000 жылға дейін ұзартылды.

Темірлан: 1999 жылы 10-қаңтарда жалпыхалықтық сайлаудың нәтижесінде Н.Ә.Назарбаев 79,75% дауыс алып Президент болып қайта сайланды.

2005 жылы 4-желтоқсанда сайлаушылардың 91.5% дауыс алып Президент болып қайта сайланды.2011 жылы 4-сәуірде 95,5% дауыс алып Президент болып қайта сайланды.1969-1971 жылдары Теміртау қалалық комсомол комитетінің…