Елін сүйген Елбасы туралы ашық сабақ жоспары

Тақырыбы: «Елі сүйген –Елбасы»

Мақсаты: Елбасының туып-өскен жері, өмірі жолы, қызмет еткен кезеңі туралы мағұлмат беру. Әнұран орындалуы. Рәміздермен таныстыру. Елбасының ұстанымымен, өмір жолын үлгі етіп, балаларды Отанын, халқын, жерін сүюге, батылдыққа, азаматтыққа, патриоттыққа тәрбиелеу.

Көрнекіліктер: Елбасының портреті, рәміздер, бейнеролик, слайд.

Әдіс-тәсілі: Сұрақ-жауап, әңгімелеу,слайд көрсету.

Оқу қызметінің барысы: Сәлеметсіздер ме, балалар! Армысыздар, құрметті апайлар! Сіздерді бүгінгі «Елі сүйген –Елбасы» атты танымдық оқу қызметін көруге қуаныштымыз!

Ер болдық, ер алдық астаналы, Енді кімнен, қазағым жасқанады? Тәуелсіз мемлекеттің шежіресі, Нұрсұлтанның атымен басталады! - деп танымдық оқу қызметімізді бастаймыз! Әнұран орындалады. Тәрбиеші: Балалар, мынау кімнің суретін көріп тұрмыз? Бұл кісі – бізге кім болады? Біздің елордамыз- қай қала? Дұрыс айтасыңдар, балалар, бұл біздің елбасымыз - Н.Ә.Назарбаев. Кәне, балалар, осы елбасымыз туралы кім тақпақ айтады?

Шықты тарап ой данадан, И.Әнуар: Бері қарады жұлдыз беті. Өзі қалап сайлап алған, Елімнің бар президенті.

Қазақ елі – Қазақстан, Ұлпан: Болашаққа үн қосқан. Жақсы күнге жетелеп, Елбасым менің – Нұрсұлтан.

Ер болдық, ерік алдық астаналы, Айханым: Енді кімнен қазағым жасқанады. Тәуелсіз мемлекеттің шежіресі, Нұрсұлтанның атымен басталады.

Қараңғы қазақ көгіне, Манура: Өрмелеп шығып күн болам. Қараңғылықтың көгіне, Күн болмағанда кім болам? Мұздаған елдің жүрегін, Жылытуға ұмтылам.

Тірлігіңе шырай берген кім десең? Абылайхан: Ол Нұрсұлтан бақжұлдызың. Сол азамат болмағанда ағайын, Бүгіндей сен қуанбас ең, күлмес ең.

Мақсатына жету үшін алдағы, Дархан: Әу бастан-ақ, дұрыс жолды таңдады. Сол азамат- Нұрсұлтаның емес пе, Орындаған балалардың арманын.

Тәрбиеші: Елбасымыз Н.Н. Әбішұлы өмір жолы қиын да қайталанбас көп қырлы болған. Елбасымыз 1940 жылы 6 шілдеде Алматы облысы, Қаскелең ауданындағы Шамалған ауылында, Үшқоңыр жайлауында дүниеге келген. Балалық шағы таршылық жағдайда өтті. Мектепті жақсы оқыды. Ата-анасын құрмет тұтты. Ұшқыш болуды армандады. Слайдтан балалалық шағын, өмірін, отбасын көрсету.

Тәрбиеші: Қ.Р тәуелсіздік алғалы, міне, 27 жыл болады. Мемлекетіміздің тәуелсіздік ел болғанымыз осы елбасымыздың арқасы екенін ұмытпайық.

Ән: «Нұр аға»

Тәрбиеші: Енді, балалар, өзіміздің рәміздерімізге тоқталып өтейік. Рәміздерге елтаңба, ту, әнұран жатады.Мынау –біздің елтаңбамыз. Елтаңбамызда шаңырақ, пырақ бейнеленген. Мынау- біздің туымыз. Туымызда күн,…