Елін сүйген Елбасы туралы тәрбие сағаты балабақшаға

1-желтоқсан Қазақстан Республикасы тұңғыш Президентті күніне арналған «Таңшолпан» тобының «Елін сүйген -Елбасы» атты мерекелік ертеңгілік бағдарламасы.

Тақырыбы: «Елін сүйген –Елбасы»

Мақсаты:

Балаларға Қазақстан Республикасының Президенті Нұрсұлтан Назарбаев өмірі мен шығармашылыққа толы атқарылған істері туралы мәліметтер беру, президенттің ел үшін жасаған істерін үлгі-өнеге ету,балаларды өз Отанын , халқын сүйетін азамат болып өсуге, елжандылыққа, патриоттық сезімге тәрбиелеу.

Көрнекілі: Н.Ә.Назарбаевтың түрлі жанрларда түскен суреттері, слайдтар.

Жүргізуші:

Ер болдық, ерік алдық астаналы,

Енді кімнен қазағым жасқанады?

Тәуелсіз мемлекеттің шежіресі,

Нұрсұлтанның атыменен басталады!

Абылай.Р.

Әнұраным-жанұраным

Айтар әнім, сөйлер сөзім

Мәңгі бақи шырқалады

Республикам-Әнұраным

Әнұран орындалады.

Жүргізуші: 1940 жылы 6-шілдеде Іле Алатауының баурайындағы Үшқоңыр жайлауында Әбіш Назарбаев шаңырағында көптен күткен ұл өмірге келді Оның балалық шағы қиын қыстау Ұлы Отан соғысы жылдарында өтті. Соғыстан кейін Нұрсұлтан мектепке барып, мектепті үздік оқып, алтын медальмен бітіріп шығады. Мектептен соң Теміртаудағы металлургия комбинатының құрлысына комсомолдар жинап жатқанын білген соң, Нұрсұлтан металлург болуға бел буды.Теміртауға келген соң ол болашақ металлург ретінде Украинаның Днепродзержинск қаласындағы кәсіптік –техникалық училищеге оқуға жіберіледі.

Тарихқа көз жіберсек:

1991 жылы 16- желтоқсанда Қазақстан тәуелсіз республика болып жарияланды.

1991 жылы 1-желтоқсанда Қазақстанның ел басшысы-Президенттік сайлауы болды.

Тұңғыш президент болып Н.Ә.Назарбаев сайланды.

Ата заңымыз бойынша мемлекет басқарушысы –Президент латын тілінен аударғанда «президент» сөзі, «алдында отырған» деген мағынаны білдіреді.

Көрініс:

1.Жаршы: Сүйінші, сүйінші, Назарбай бидің шаңырағында ат ұстар ұл келді.

2.Жаршы: Уа ,жарандар: Сүйінші, сүйінші торсық шеке ұл келді.

Есік алдына Әбіш нәрестені алып шығады.

Әбіш:Жарық дүниеге келген құлыным,Алатаудай асқарлы бол, күндей күркіреп, жаңбырдай сіркіреп, даладай дастанды бол!

Жаршы:Уа ,Әбіш, баланың атын кім деп қоймақсың?

Әбіш: Анам Мырзабала сол кісіден сұрайық

-Мырзабала әже:

Өмірі нұрлы болсын, өз еліне сұлтан болсын деп немеремнің есімін Нұрсұлтан деп қойғанды жөн санадым.

Қабыл болсын!

-Әбіш :қабыл болсын!

Атына заты сай болсын!

-Мырзабала әже: -Уа Әбіш төменгі шамалғандағы Әбубәкір молданы шақыр, құлағына азан айттып немеремнің есімін берсін.

Әбіш молданы алып келеді.

-Мырзабала әже: молдеке немеремнің атын Нұрсұлтан деп қойып едім, құлағына азан шақырып атын қойып беріңіз.

-Молда: сенің атын Әбішұлы Нұрсұлтан,

-сенің атын Әбішұлы Нұрсұлтан,

-сенің атын Әбішұлы Нұрсұлтан.

Жүргізуші: Рахмет ,балалар, біздің елбасымыз

Фатима:

Нұрсұлтан Әбішұлы-тәуелсіз қазақ елін дүние жүзіне таныстырған, табыстырған тұлға.

Абылай:

Нұрсұлтан Назарбаев- тәуелсіз қазақ елінің абыройын асқақтатқан саясаткер.

Мирас:

Біздің елбасымыз ұлттық тіліміздің берік қорғаны.

Нұрзере:

Менің елбасым дініміздің берік қорғаны.

Әли:

Нұрсұлтан Назарбаев тәуелсіз қазақ елінің жарқын болашағы жастардың білім алып, еңбек етуіне бағыт-бағдар беріп отырған жанашыр қамқоршы.

Нұрали:

Менің елбасым тәуелсіз қазақ елінің тілі басқа, тілегі бір тұрғындарын, бір тудың астына топтастырған, бірлік пен татулықтың тірегі.