Елін сүйген, елі сүйген Елбасы 4 сынып тәрбие сағаты

«Елі сүйген-елін сүйген Елбасы » Мақсаты: І.Елбасы жайында кеңірек мағлұмат беру, Елтаңба, Ту, Әнұран туралы түсініктерін нығайту.Рәміздердің пайда болуы және тарихтағы маңызы жайлы түсініктерді дамыту. ІІ. Оқушының есте сақтауын дамыту, өз ойын дұрыс жеткізуге ынталандыру. ІІІ.Оқушыларды Отан сүйгіштікке, адамгершілікке, Отанына, халқына адал қызмет етуге, елінің Туын, Елтаңбасын, Әнұранын қастерлеп, құрметтеуге, халқының тегін, тарихын білуге тәрбиелеу. Сабақтың түрі: ашық тәрбие сағаты Көрнекілігі: Рәміздерге байланысты түрлі-түсті суреттер, буклеттер, карта, мақал-мәтелдер, Отан,жер туралы нақыл сөздер. Сабақ барысы:

Кіріспе бөлім:

Жүргізуші: Балалар бүгін біз сендер мен «Елі сүйген- елін сүйген Елбасы »- деген тақырыпта тәрбие сағатын өткіземіз. Біздің бұл тәрбие сағатымыздың мақсаты, тәуелсіз мемлекетіміздің Президенті, туымен, елтаңбамен танысып, олардың әрқайсысының өзіндік шығу тарихын және ұлттық ою- өрнектің қазақ халқының өмірінде алатын орнын айрықша түсініп, осы Туымызбен Елтаңбамызды құрметтеп, қадірлеп, отанымызды сүюге тәрбиелеу.

Жүргізуші:Біздер тәуелсіз қазақ елінің ең жас ұландарымыз. Сондықтан өз жерімізді, өз елімізді әкелер мен аталарымыз сияқты қадірлеуге,сүюге қорғауға тиіс екенімізді естен шығармайық.

Отан –жерім,Отан-суым, Отан қуат, нәр береді.. Отан-ұран, Отан-туым, Отан мәңгі гүлденеді-демекші, тәуелсіздігіміз тұғырлы болып, еліміздің символы –мемлекеттік рәміздерді қастерлеп, құрметтеу бәріміздің міндетті парызымыз болып саналады.

Жүргізуші:Мемлекеттік рәміздер- халқымыздың рухын, ұлттық салт-санасын, қаһармандығы мен даналығын, болашаққа үмітін, арман-тілегін жеткізетін ерекше құнды белгілер. Желбіреген аспан түстес байрағымыз халқымыздың арманын асқақтатып, қыран бүркіттей елімізді аспан әлемінде қалықтап тұр» деп атап көрсетті.

Әнұран орындалады.

Жүргізуші:Ал,енді Тұңғыш Президентіміз жайлы білетінімізді ортаға салайық Тұңғыш Президент. Мейірлан: 1991 жылы 16 желтоқсанда Қазақстан тәуелсіз республика болып жарияланды. 1991 жылы 1 желтоқсанда Қазақстанның елбасшысы- Президенттің сайлауы болды. Тұңғыш Президент болып Нұрсұлтан Әбішұлы Назарбаев сайланды. Марлен: Ата Заңымыз бойынша мемлекет басқарушысы – Президент. Латын тілінен аударғанда «президент» сөзі «алдында отырған» деген мағынаны білдіреді. 2005 жылы 4 желтоқсанда бүкіл халықтық сайлау қорытындысында Н.Ә. Назарбаев қайта Президент болып сайланды. Аягөз: Кең байтақ қой Қазақстан картасы, Астанамен айшықталған ортасы. Бүгін бізге таңдай қағар күллі әлем, Бұның бәрі Елбасының арқасы. Жансәуле: Шықты тарап ой-данадан, Бері қарап жұлдыз беті

Өзі қалап сайлап алған

Елімнің бар Президенті

Нұрсәуле Оянады көңілден қайдағы арман, Бақыт желі ескендей жайлап алған. Президентім бар менің елі түгел, Ақ киізге көтеріп сайлап алған.

Ән: Нұраға Еңселі Елтаңба. Жүргізуші:Ал,енді Елтаңба жайлы білетінімізді ортаға салайық. Мадияр: Мемлекеттік елтаңбаның авторлары танымал суретшілер Жандарбек Мәлібеков пен Шота Аман Уәлиханов.