Эмоцияны жасырудың салдары туралы 11-сынып мақаласы

Эмоцияны жасыру – өзіңмен күрес

Ең алдымен, эмоцияның, яғни ішкі сезімдеріміздің не екеніне тоқталсақ.«Қарапайым тілмен айтқанда,біздің эмоцияларымыз адамдарға, орындарға, заттарға немесе жағдайларға қалай қарайтынымызды білдіреді»,- деп түсіндіреді доктор Чайлдс.Ол өсе келе қалыптасатын процесс.Ал,эмоция жайлы сөз етуім,қазіргі уақытта ауқымды мәселе төңірегінде жүрген осы "эмоцияны жасыру" түйінін көтеру.Әдетте адамдар өздерінің сезімдерін болып жатқан жағдайға байланысты, қорғаныс немесе күресу мақсатында жасыра алады.Әсіресе жастарда бұл процес өрбіп келеді.Қазіргі жастар шынайы эмоцияны ашық көрсетуге қорқады."Мықты бол!","ішіңдегіні ешкімге айтпа" деген ұрандар өмірлік қағидаға айналып барады.Әлеуметтік желілерде бәрі бақытты,бәрі табысты,ал ішкі жан дүниесі күйзеліс пен жалғыздыққа толы жастар көбейіп келеді.Біз эмоцияны жасыруды мықтылықпен шатастырып жүрген жоқпыз ба? Әлде эмоцияны жасыру-жаңа заманның сәніне айналған тренд пе? Осы мақалада жастар арасындағы үнсіздік қағидасына үңіліп, шынайылық пен жасандылықтың ара-жігін ажыратуға тырысамыз.

Адамдардың эмоцияларын жасыру себептері қандай? Олар өз сезімдерін саналы түрде жасыруы мүмкін,соның ішінде төмендегі себептерді қарастыра аламыз.

1.Әлсіздікті көрсетпеу үшін.Адамдар басқаларға әлсіздігін немесе осалдығын танытпау үшін сезімдерін жасыруы мүмкін. Кейбір адамдар жағымсыз эмоцияларды көрсету, басқалардың оларды "әлсіз" деп санауына әкелуі мүмкін деп сенеді.

2.Ішкі сезімдері жараланбас үшін.Адамдар тұлғааралық қақтығыстарды немесе қарым-қатынаста жүрген серіктестермен мүдделік қақтығыстарды болдырмау үшін сезімдерін жасыруы мүмкін.Және олардың ойынша: «Эмоцияны білдірмеу, тұрақты қарым-қатынасты сақтауға көмектеседі»,- деген сенімге келіп тіреледі.

3.Өз-өзіне сенімсіздігі үшін.Адамдар өз пікірлері мен сезімдерін білдіруде өзін қауіпсіз сезінбесе,сезімдерін жасыруы мүмкін.Әрине бұл жағдай өзіне деген сенімсіздіктен туындайды.

Ал қазіргі сәтте эмоцияны жасыруға алып келетін ең маңызды фактор-Әлеуметтік желідегі фейк(яғни, жасанды өмір)бақыт.Әлеуметтік желілер жастардың ажырамас бөлігі.Инстаграмдағы мәнсіз өмір, Тик токтағы тоқтаусыз күлкі,стористегі саяхаттар мен табыстар-барлығы сырт көзге керемет.Бірақ ол фейк бақыт.Осыны көрген жастар "виртуалды" өмірге сіңісіп,барынша жақсы көрінуге тырысады. Яғни шынайы эмоцияларды көрсету-әлсіздік деп қабылдана бастайды.Өздерін басқалармен салыстыруы тоқтамайды: "олар бәріне үлгеріп жатыр,ал мен ше?" деген ой ішкі сенімсіздікке алып келеді.Бұл - фейк бақыттың шынайы зияны.

Эмоцияның жасырудың жастар өміріне тигізетін кері әсері қандай?

1.Психологиялық зияны: Стендфорд университетінің профессоры және эмоцияларды реттеу саласындағы жетекші зерттеушілердің бірі,әйгілі психолог Джеймс Гросс эмоция туралы зерттеу жүргізді.Зерттеу кезінде екі қатысушыға эмоцияналды бейнелер (мысалы,қайғылы немесе тітіркендіргіш бейнелер) көрсетілді.Қатысушылардан бейнені бақылау сәтінде, екі түрлі жағдайда қабылдауын сұрады.Бірінші - эмоцияны білдірмеу,екінші - басқа көзқараспен қарау.Зерттеу тұсында қатысушылардан дене көрсеткіштері(жүрек соғысы,қан қысымы,бет - әлпет реакциялары) және психологиялық күйі өлшенді.Нәтижесінде, эмоцияны жасыру - стресс деңгейін арттырады,жүрек соғысы жиілейді,қан қысымы көтеріледі.Эмоцияны басу - физикалық және психологиялық денсаулыққа кері әсер етеді.

2. Әлеуметтік зияны: Сезімді жасыру - әлеуметтік байланыстарды әлсіретеді.Шынайы сезімдер мен ішкі толғаныстардың орнына, жасанды әңгімелер мен бетперде киген қарым-қатынастар пайда болады. Эмоциясын жасыратын адамдар айналасымен ашық сөйлесе алмайды,бұл олардың қарым-