Еңбек бәрін жеңбек тақырыбындағы ашық сабақ

«Еңбек – бәрін жеңбек»

Казтаева Ардакты Темиргалиевна

Қарағанды қаласы «М.Жұмабаев атындағы №39 гимназия»КММ

Мектеп: № 39 гимназия

Мерзiм

Құндылық: Сүйіспеншілік

Қасиеттер: Мейірімділік, татулық, бәрін жақсы көру.

Сынып: 2

Оқушылар саны:

Сабақ мақсаты:

Оқушыларға еңбек туралы түсінік беру сүйіспеншілік құндылықтарын дамыту

Міндеттері:

Білімдік: - еңбектің адам өміріндегі мәні туралы түсінік беру;

Дамытушылық: - еңбек етуге қызығушылықтарын дамыту;

Тәрбиелілік: - еңбексүйгіштікке тәрбиелеу;

Ресурстар:(құралдар, мәлiметтер)бейнефильмдер, слайдтар,

түрлі-түсті қағаздар, еңбек құралдары

Сабақ барысы:

1.Ұйымдастыру кезеңi.

Өлең жолдары арқылы ұйымдастыру

Әдепті де өнерлі,Еңбексүйгіш баламыз.Жаңа істің шебері,Жасаушысы баламыз.

2. Тыныштық сәтi. Нұрға бөлену.

Мұғалімнің сөзі: Баяу музыка ойнап тұрады.

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын.

Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен Нұрмын».

Осындай Нұр, Махаббат және Тыныштық күйінде отыра тұрыңыз...

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады.

Сұрақ:

а) қандай сезімде болдыңдар?

б) көңіл күйлерің көтерілді ме?

Түйін:

Әрқашан да бір-бірімізге сүйіспеншілікпен қарап жақсы тілек - тілеп жүрейік.

Үй тапсырмасын тексеру.

«Еңбек - бәрін жеңбек» тақырыбына байланысты 21 сабақтың 84 беттегі Б.Әділовтің «Еңбексіз өмір - сүреңсіз» мысал әңгімесін оқып келу.

Қара пышақ дүкеннен шығып, ас үйге келген соң тыным таппады. Нан турады, пияз аршыды, әйтеуір тамақ дайындалып, ас қамдалса, қолдан түспейтін болды. Ол жалқау еді. Бала кезіндегі «шалқайып жатсам» деген арманы есіне түсіп, жылап та алатын.

Бір күні Қара пышақ ауыр еңбектен құтылудың оңай жолын тапты. Иесінің көзін ала беріп, еденнің жырығына қойды да кетті. «Болды, - деді ол қуанып. – Енді еңбекті желкемнің шұқыры көрсін!...».

Ай өтті, жыл өтті. Қара пышақ орнынан қозғалған жоқ. Оның қайда жатқанын ешкім білмейтін еді.

Бір күні:

Әй, туысқан,- деген дауысқа елең етіп қараса, еденнің жарығынан жылтылдаға көз сығалап қарап тұр екен. Бірден таныды, баяғы өзімен бірге жасалған Сары пышақ . Өзі өте көңілді, жүзі жарық-жұрқ етеді. Сұлуланып кетіпті.

Төмен секір,- деді Қара пышақ, - бірге жатайық. Бізді ешкім білмейді.

Ол жерде не бар?

Жатамыз, ұйықтаймыз, демаламыз. Ой, қандай рақат!

Ал жұмысты кім істейді?

Жұмыс бізсіз де істеледі.

Рақмет! – деді Сары пышақ. – Еңбектен қашқанша, тер төгіп өлгенім артық. Еңбексіз өмір – сүреңсіз. Өзің - ақ жата бер, рақатыңа бата бер.

Қара пышақ орнынан тұрайын деп еді, тұра алмады. Өне бойын тот басқан. Барлық жері сынып бара жатқандай сезінді?

Сұрақ:

Мысал әңгімеде не туралы айтылған?