Ерлер елдің ертеңі тақырыбындағы тәрбие сағаты

«№2 Қашар орта мектебі» КММ

«Ерлер - елдің қорғаны, елдің тұтқасы»

(Сынып сағат)

Сынып: 2 «Ә»

Мұғалім: Ганиева Г.Ж.

2016-2017 оқу жылы

Күні: 06.05.2017

Сынып:2 «Ә»

Пән: Сынып сағаты

Тақырып: «Ерлер - елдің қорғаны, елдің тұтқасы»

Сабақтың үлгісі: Жаңа сабақ

Сабақтың түрі:Аралас

Сабақтың әдісі: түсіндіру, сұрақ – жауап, көрнекілік, дәлелдеу

Сабақтың мақсаты: Оқушыларды отансүйгіштікке баулу

Көрнекі құралдар: бейнебаян, суреттер, қанатты сөздер

Сабақтың барысы

I.Ұйымдастыру кезеңі

Сабаққа кіріспе

ІІ.Жаңа сабақ

Бейнебаян

Ү. Қорытынды

Жүргізуші:

- Кеш жарық, ардақты азаматтар, қымбатты әріптестер! Көңілдеріңізге көктем шуағындай сезім мен нұр құйып,7 мамыр — Отан қорғаушылар мерекесі де келіп жетті. Осынау айтулы мерекенің қай кезде де орны бөлек.Олай болатыны, абзал азаматтарымызға деген ыстық сезім,алғыс пен құрмет ешқашан сөнбек емес.Олар-өмірдің мәні,көңілдің жыры,әр отбасының алтын қазығы. Ендеше бүгінгі мерекелік кешіміз өздеріңізге арналады.

Жүрекке адалдықтың ескен гүлін

Ғажайып келешектің төккен үнін

Ардақты ағаларға шын көңілден

Жолдаймыз алғыс пенен сәлем бүгін.

Құрметті азаматтар ,біздің сыныпа жігіттері! Сіздерді 7 мамыр — Отан қорғаушылар күні мерекесімен шын жүректен құттықтаймыз! Отанға адал, елге қайырымды, отбасына мейірімді болыңыздар. Жүректеріңіз оттай лаулап, жандарыңыз әрдайым жас болсын. Қайратты, мақсатты болыңыздар!

Мың бұралып билеген

Аруды кім сүймеген .

Күміс көмей аруларға

Кімдер басын имеген

Биші қыз А.Советова

Біздің тәуелсіздігіміз бен тұтастығымызды, тыныштығымыз бен бейбіт тірлігімізді қас қақпай күзетіп тұрған, халқымызға қорған болған ұлттық әскеріміздің айбыны арта берсін!

Мектеп – кеме, ес білімнің ескегін,

Әнге толсын, күйге толсын кештерің,

Шын жүректен бақыт тілеп сарқылмас,

Қол соғады барша әріптестерің

Н.Аймұрат «Қазақ жігіттері» әні.

Аға ұрпақ пен жас буынның Отанымызды қорғап, қызметте айтулы үлес қосқанын біз әрқашанда мақтан тұтамыз. Еліміздің өркендеуі жолында атқарып жатқан игі қызметтеріңізге табыс, отбасыларыңызға амандық, дендеріңізге саулық, мол бақыт және бейбіт ғұмыр тілейміз.

Мінезіңнің міні жоқ – майда қоңыр,

Бір жымисаң кетеді жайнап өңір.

Ризамыз пейіліңе дархан аға,

Күндеріңіз толсын гүлге, желекке,

Отбасында болсын ырыс-береке

Құттықтаймыз шын жүректен Сіздерді

Өмір думан, бақ әкелсін мереке.- деп Т.Айболова «Әкешім, анашым» әнін тарту етеді. Қабыл алыңыздар!

Оқушыларға Республикамыздың Қарулы Күштері жайлы бейнебаян ұсынылады.Ел-халқына шат-шадыман күлкі мен тыныш өмір сыйлауда әскеріміздің атқарып жатқан қызметтері ұшан-теңіз. Армиямыздың айбынын асқақтататын сардарлар мен сарбаздарымызға қандай құрмет көрсетсек те жарасады. Жігіттерімізге амандық, денсаулық тілейміз. Еңселеріңіз биік,

мерейлеріңіз үстем болсын.

Кешіміз өтіп жатыр салтанатты,

Төгілген күн нұрының шапағаты.

Ортада биші қыздар би билейді,

Халайық қол соғыңыз мархабатты. Алдарыңызда хор «Катюша».Қымбатты біздің ұстаз-азаматтар! Ғылым иесі ғалым да, ел қорғаған батыр да, тілінен бал тамған ақын да, тегеуріні темір балқытқан жұмысшы да, егін салған дихан да, мал бағып терін төккен шопан да, бәрі-бәрі ұстаздан білім, тәлім алған, сондықтан, ұлағатты ұстаздар, айбынды азаматтар, сіздерге бүкіл адам баласы құрметпен бас иеді.