Ерсұлтан байқауына арналған тәрбие сағаты

Ерсұлтан байқауы

Мақсаты:оқушыларды ана тілін сүюге тәрбиелеу,адамгершілік қасиеттерін қалыптастыру,білімге деген қызығушылығын арттыру.Шығармашылық қабілетерін жетілдіру.

Көрнекілігі: қанатты сөздер

Жүру барысы:

Мұғалім:

Құрметті қонақтар,ұстаздар,оқушылар! «Әке көрген оқ жонар», «Әкеге қарап ұл өсер» дегендей,халқымыз жас ұрпақ тәрбиесіне үлкен көңіл бөлген.Сол сияқты бүгінгі өткелі отырған «Ерсұлтан» байқауымызға қош келдіңіздер!

«Ата-балаға сыншы», «Адам болар ұлыңның арқа-басы кең болар» деп те айтады атам қазақ. Жас ұрпақ тәрбиесінде халқымыздың отбасындағы ерекше өнегесі әр баланың бойындағы жеке қабілет-қасиеттерін дамытып шыңдаған.

Мүмкін ақын боларсың кең пейілді

Мүмкін батыр боларсың өр тұлғалы.

Әлде ұшқыш боларсың көк шарлаған

Әлде ғалым боларсың мол білімді,-дей отырып бүгінгі ертеңгілігімізді бастауға рұқсат етіңіздер.

1-оқушы: Бүгін титтей баламын,

Әлі-ақ жігіт боламын.

Сонда,мүмкін ,мен ғалым,

Әлде шофер болармын.

2-оқушы:Әрбір іске жауапты,

Бала болам талапты.

Уәдесінде тұратын,

Адам болам салмақты.

3-оқушы;Жақсылықтан үйреніп,

Боламыз біз жақсы адам.

Жамандықтан жиреніп,

Үлгі аламыз жақсыдан.

4-оқушы:Көшелерден біз өткен,

Ата көрсем жақын кеп.

сәлем берем ізетпен,

Ассалаумағалейкүм!-деп.

5-оқушы:Алдан әже жолықса,

Бөгелем кеп әдейілеп.

Сәлем берем сол тұста,

Есенсіз бе,әжей?-деп.

6-оқушы:Отын жарып беремін,

Суды да алып келемін.

Аялаймын мамамды,

Тиеді ылғи көмегім.

7-оқушы: Ең елгезек баламын,

Үлкен тілін аламын.

Өссем деген ойым бар,

Таудай биік талабым.

8-оқушы:Қуанышқа бөленген әр күніміз,

Бақыттымыз,балалар,барлығымыз.

9-оқушы:Біз-Отанның балдырған ұлдарымыз,

Әдептілік,батылдық-ұранымыз.

Ән:Отанымыз

Балалар жайғасып отырыңдар.Қазір ортаға шақырамын.

Сайысымызды бастамас бұрын әділ бағасын беретін әділқазылар алқасын сайлап алайық.

Әділқазылар алқасын сайлап отырғызу.

Ұлдарды ортаға шақыру

Жеребе алу арқылы реттік нөмірлерін анықтайды.

Сайыс кезеңдері:

1.Сәлем-сөздің анасы /сәлемдесу,таныстыру/

2.Сөз қадірін тапқыр білер /мақал-мәтел/

3.Адамды адам еткен еңбек /үй тапсырмасы,қолдан жасалған бұйым т.б/

4.Өнерге әркімнің-ақ бар таласы /өнер көрсету/

5.Білімдіден шыққан сөз /сұраққа жауап/

Үмітпенен жоқ қуған

Талабы алда баламыз

Басқалар жоғын тапқанда,

Біздер қайтіп қаламыз.

Тәуекелге бел бусақ,

Көрдегіні аламыз.

Жеткізбей кетер жүйрік жоқ,

Қусақ бәрін аламыз-деп Сұлтанмахмұт Торайғыров жырлап кеткендей сайысымызды бастаймыз.

1-сайыс:Сәлем-сөздің анасы деп аталады.Бұл кезеңде әр бала өзін қысқаша таныстырып кетеді.

Шебер болсақ тіл байып,

Шешендіктер бір ғайып.

Мақал-мәтел үйреніп,