Ертегілер елінде ашық оқу қызметі әдіс-тәсілдерімен

Тақырыбы: «Ертегілер елінде»Білім беру саласы: Қатынас.

Ұйымдастырылған оқу іс-әрекет түрі: Көркем әдебиет.Оқу іс-әрекетінің мақсаты:Ертегілер туралы білімдерін кеңейту.Сөйлеу мәдениетін, еркін сөйлеп, өз ойларын дұрыс жеткізе білуге,балалардың сөздік қорын дамыту.Балаларды қамқорлыққа, татулыққа,достыққа тәрбиелеу.Әдіс – тәсілдер: Жылулық шеңбері , ертегіні түсіндіру, «Шалқан» ертегісіндегі кейіпкерлердің рөлін сомдау, сергіту сәті,мақал, ойын, қорытынды.

Көрнекіліктер: Ертегі кейіпкерлерінің маскалары, АКТ, слайд,ертегідегі қажетті заттар (шалқан, шелек, күрек), ертегінің мультфильмі

Сөздік жұмыстар: шалқан, ата, апа, қыз, күшік, мысық, тышқан.

Билингвалдық компонент: шалқан –репка, ата- дедушка, апа - бабушка,

қыз- девочка, күшік- собака, мысық- кошка, тышқан-мышь

Оқу іс-әрекетінің барысы:

Ұйымдастыру кезеңі:

Тәрбиеші:Балалар, көңіл күйлерің қалай?

Балалар: жақсы.

Тәрбиеші: Тамаша, олай болса бүгінгі оқу іс- әрекетімізді бастайық.

Қане, қане тұрайық,

Жылулық шеңберін құрайық.

Жылулық шеңбері

Күлімдеп күн бүгін,

Қарады маған да,

Күлімдеп күн бүгін,

Қарады саған да,

Шуағын төгіп тұр,

Мейірімді күн ана!

Тәрбиеші:-Балалар сендер қандай ертегі білесіңдер?

Ойын «Қай ертегі?» слайд арқылы суреттермен жұмыс жүргізу.

Балалар: Бауырсақ ,Маша мен аю, Үйшік (өздеріне таныс ертегілерді суреттер бойынша атайды)Тәрбиеші: Өте жақсы балалар,сендер көптеген ертегілер біледі екенсіңдер.

Жұмбақ жасыру.

Атай шалқан егіпті, ол үлкен болып өсіпті.

Тәрбиеші: Бұл қай ертегі балалар?

Балалар: «Шалқан» ертегісі

Тәрбиеші:Дұрыс айтасыңдар, бүгін ертегіні оқып, түсініп, біліп қана қоймай ертегі кейіпкерлерінің рөлінде өзіміз ойнап көрсетеміз. Шалқан орысша – репка. Қане, бәріміз қайталайықшы. Шалқан-репка

Мультфильм желісі арқылы ертегіні дауысын ырғағына сала отырып, ертегінің мазмұнын айтып беру.

Тәрбиеші:Балалар ертегі сендерге ұнады ма?

Балалар: иә ұнады.

Сергіту сәті:Атай шалқан егіпті,

Шалқан үлкен болып өсіпті,

Көмекке бәрін шақырыпты,

Шалқанды ары тартып,

Бері тартып,

Шалқанды жерден жұлып алыпты,

Алақай!

( Балалар қимылмен орындайды.)

- Шалқан қайда өседі?

-Атай көмекке кімді шақырды?

Тәрбиеші: осы ертегідегі кейіпкерлерді атап жіберейікші.

Балалар жауабы: Атай, әжей, қыз, күшік, мысық, тышқан.

(балаларға айқызу) жеке-жеке, топпен

Тәрбиеші: Кәне, болай болса осы ертегіні рөлдерге бөліп ойнайық.

Балалар «Шалқан» ертегісін рөлдерге бөліп орындайды.