Ертегілер еліне саяхат тақырыбындағы оқу әрекеті жоспары

«Ертегілер еліне саяхат»

(Ортаңғы топқа арналған ұйымдастырылған оқу іс-әрекеті).

Білім беру саласы: «Таным», «Әлеуметтік орта», «Қатынас»

Бөлімдері:«Математика негіздері», «Көркем әдебиет», «Тіл дамыту».

Мақсаты: Балаларды заттарды саны бойынша салыстыруға (артық-кем, қанша, сонша, бірдей) үйрету, оларды 5 көлеміндегі сандарды санауға жаттықтыру, тікбұрышпен таныстыру, тікбұрыш пен шаршыны бір-бірінен ажыратуға үйрету. Заттарды кеңістікте орналасуына қарай (оң, сол, астында, оң жақта, сол жақта, жоғары, төмен т.б) анықтап, салыстыруға үйрету.

Дамытушылық мақсаты: Ойлау қабілетін, тілін, танымдық қызығушылығын, логикалық ойлау қабілетін дамыту.

Тәрбиелік мақсаты:Әр баланы өзінің жеке жұмысын жасап қана қоймай, өзге достарына да көмектесуге тәрбиелеу, достық сезімдерін ояту.

Қостілділік бөлімі: Один – бір, два – екі, три – үш, четыре – төрт, пять – бес, квадрат – шаршы, прямоугольник – тікбұрыш, треугольник – үшбұрыш, сказка – ертегі, заяц – қоян, лягушка – бақа, волк – қасқыр, лиса – түлкі, мышка – тышқан.

Көрнекілігі: Тақта, үйшік, тышқан, бақа, қоян, қасқыр, түлкі, 5 ағаш, көк-өніс бейнеленген карточка, 1-ден 5-ке дейінгі сандық карточкалар, 3 қуыршақ, 5 зымыран, 3 қызанақ, ғажайып қоржын, шеңбер, шаршы, үшбұрыш, тікбұрыш.

Үлестірмелі құралдар: Тікбұрыш, шаршы, ақ қағаз, 4 сәбіз, 3 қызыдша, 2 алма, құлпынай.

Ұйымдастырылған оқу іс-әрекеттің жүру барысы:

Мотивациялық қозғаушы бөлімі:

Тәрбиеші: Балалар, сіздер ертегілерді ұнатасыздар ғой.

Қане, «Үйшік» ертегісін есімізге түсіріп, ертегі кейіпкерлерін қонаққа шақырайық.

Тәрбиеші әңгімелейді:- Алаңда бір үйшік тұр.(суретті көрсетеді). Жертесер тышқан оны көріп қалып сұрайды.. (тышқанның карточкасы қойылады).

Неткен үйшік! Кімдікі бұл үйшік?

Үйшіктен ғажайып даыс жауап береді:Менің тапсырмаларымды орындағандардың бәріне үйшік өз есігін ашады.

Іздену-ұйымдастырушы бөлімі:

Тәрбиеші балаларға тапсырмаларды ұсынады:

Үйшіктің жанында неше ағаш бар? ( 5-ке дейін санау).

Бақшадағы көк-өністерді сана. (санау арқылы).

Дидактикалық ойын: «Сана да, салыстыр». (Сандық карточкалар заттардың жанына дұрыс қойылған ба, тексеру).

2-3 балаға өз іс-әрекеттерін баяндату.

Тәрбиеші:Тапсырмаларды дұрыс орындадыңдар, тышқанға үйшіктің есігі ашылды. Жарайсыңдар! Тышқан үйшікке кіріп сонда тұра бастайды.

Тәрбиеші: Үйшікке секіріп бақылдауық бақа келді:

-Неткен үйшік! Үйшікте кім тұрады?

-Үйшіктен ғажайып даыс жауап береді: Менің тапсырмаларымды орындағандардың бәріне үйшік өз есігін ашады.

Тәрбиеші балаларға тапсырмаларды ұсынады:

1Дидактикалық ойын: «Ғажайып қоржын» ( тікбұрыш, шаршы).

Балалар геометриялық пішіндерді атайды,

2.Балалар тікбұрышпен танысады.

Тәрбиеші: Менің тапсырмама жауап беріңдерші: -Бұл не? (Шаршы)

.- Ал мына пішінді кім атайды? –Бұл тікбұрыш.

Тәрбиеші: Бүгін біз тікбұрыш пен шаршыны салыстыра отырып, оларды бір-бірінен ажыратып үйренеміз. (Тақтаға ілу).

-Шаршыны алдарыңа алып, саусақпен жан-жағын жүргізіңдер, оның жан-жақтары бар, байқадыңдар ма? Шаршының неше жағы бар, неше бұрышы бар?

Ал енді тікбұрышты саусағымызбен жүргізіп көрейік. Тікбұрыштың неше жағы бар? Неше бұрышы бар? Енді мұқият қарап, тікбұрыштың шаршыдан айырмашылығы қандай, соны анықтайық.…