Ертегілер еліне саяхат жаңа жылдық мерекелік сценарий

Тақырыбы: «Ертегілер еліне саяхат» атты жаңа жылдық ертегінің сценарийі

Қатысушылар:

Жүргізуші. Аяз – ата, Ақшақар, Жын, Алдар көсе,Жезтырнақ, Түйе, Барыс.

(Жаңа жылдық әуен ойналып тұрады сахна сыртында мыстан кемпірдің даусы естіледі.)

Мыстан кемпір: Ха-ха. Хи-хи. Қараймын, мына кішкентай ақымақ адамдарда мереке екен ғой. Шыршаны безендендіріп мәз мейрам боп жатыр ғой. Ха- ха. Ал мен жалғыз мерекесіз, шыршасыз. Қап бәлем, қоя тұрыңдар, көрсетемін сендерге. Болдыртпаймын мерекені. Аяз атаны күтіп отырған болар.Келтіртпеймін. Аяз аталарын ертегілер елінде атасып кетеді. Ха ха –ха

Жақсылыққа келтіртпеймін

Жаңа жылға жеткізбеймін

Мен тұрғанда адамға

Мереке жоқ жалғанда

Ха-ха –ха. Хи-хи-хи

(Фан - фар ойналады, жүргізуші шығады.)Жүргізуші: Саламатсыңдарма балалар. Келе жатқан жаңа жылдарың құтты болсын!

Жаңа жылда жаңа бақыт тыныштық

Жаса, жаса, достық, бірлік туыстық

Құттықтаймыз келер жылды алдағы

Ескі жылмен қоштасайық біз ыстық

Жылға шашу шашамыз

Тойлап көңіл ашамыз

Жаңа жылды қарсы алып

Би билеп ән саламыз

Қазақ биі

Жүр: Ақша қарға малынып

Аппақ тоңын жамылып

Сақалы мен мұртына

Күміс моншақ тағынып

Аяз ата келеді

Балаларды сағынып

Ал балалар Аяз атаны шықырайық қонақтарымызды ертегілер еліне алып барсын. Кәнекей бірге шақырайық: Аяз ата, Аяз ата, Аяз ата.

(Жәй баяу, мұңлы әуен ойналып Ақшақар шығады)

Жүргізуші: Ақшақар не болып қалды, неге жылайсың-? Бүгін мерекеғой.

Ақшақар: Сәлем достар. Қиын жағдай болды. Біз Аяз та екеуміз жаңа жыл қарсаңында сендерді қуантайын деп сыйлық әзірлеген едік. Кенет қатты, зілді боран соғып, бізді жан жақтағы ертегілер әлеміне алып кетті.Ал енді мен Аяз атаның қай жерде, қай ертегіде жүргенін білмеймін

Жүргізуші: Ақшақар қайғырма, мұңайма. Көз жасыңмен қайғыңды жеңе алмайсың. Қарашы міне біз көппіз. Аяз атаны құтқарамыз. Солай емеспе балалар. Ал балалар Аяз атаны құтқару үшін қиын белестерден, ормандардан, жаман күштерден өтуден қорықпаймыз ба-? Ендеше қол ұстасып, Аяз атаны табу үшін ертегілер еліне саяхатқа шығайық. Кәнекей кеттік.

( әуен ойналады, балалар кете бастағанда шыршаны айналып жезтырнақ жүгереді.)

Жезтырнақ:Тоқта, тоқта, қайда асығасыңдар! Қайда барасыңдар, Сендер менен рұқсат сұрамадыңдар ма-? Мен жүз мыңдап ертегілер елінде өмір сүрем, сендерді ол жерге кіргізбеймін. Естідіңдерме ............

( Жарық өшеді, жезтырнақ ғайып болады)Жүргізуші: Бұл не сұмдық! Сен бізді қорқыта алмайсың. Жезтырнақ . Біз бәрібір Аяз атаны табамыз.. Солай емеспе балалар! Бірақ шыршамыз жанбай қалды ғой, қараңғыда адасып кетуіміз мүмкін ғой. Енді қайттік.

(Әуен ойналады, Айсұлу шығады.)Жүргізуші: Сәлеметсізбе сұлу қыз. Атыңыз кім болады.

Айсұлу: Сәлеметсіздерме балалар! мен ертегілер әлеміндегі ханшайым Айсұлумын. Неткен бәрің әдемісіңдер, сәнді киініпсіңдер . Бірақ неге мұнсызсыңдар.

Жүргізуші: Айсұлу ханшайым бізде қиын жағдай болып тұр. Жезтырнақ меркемізді бұзып, шыршамыздың жарығын сөндіріп, бізді ертегілер еліне кіргізбеймін деп қорқытты. Не істейтінімізді білмей тұрмыз. Аяз атаны табуымыз керек, әйтпесе жаңа жылымыз басталмайды.

Айсұлу: Достар мен сендерге ертегілер еліне тез жетуге көмектесемін.

(шапалақпен жарықты жандырады.)

Міне достарым біз енді ертегілер еліндеміз.

Жүргізуші: Айсұлу орманның іші қараңғы, көңілсіз адасып кетуіміз мүмкін ғой.

Айсұлу: Олай болса шыршадағы жарықты жандырып, жұлдызшалар сендерге жол көрсетсін. Ол үшін сиқырлы сөзді айтып үрлеуіміз керек.

Кәне шырша 1-2-3 жарығыңды жандыр(Бәрі бірге қайталайды. Айсұлу сиқырлы таяқпен үрлейді.)

Жүргізуші: Жасыл желек жамылған

Асыл моншақ тағылған

Міне сұлу шыршамыз

Көптен күтіп сағынған

Би

Жүргізуші: Балалар бәрі жақсы болды. бірақ уақыт тығыз. жаңа жылда келіп қалды. Әлі алда қаншама ертегілер елі бар. Қалай өтсек болды екен.

Айсұлу: Мен сендерге көмектесемін. Бұл қиын емес. Менде сиқырлы шам бар. Сіздерге қажет болып қалар. Бірақ есте болсын, шам тек жақсы адамның қолында болуы тиіс, әйтпесе қиын болуы мүмкін.. Ал енді менің уақытым болды. Кетуім керек. Сау болыңдар балалар.

(Әуен ойналады, Айсұлу кетеді)Жүргізуші және балалар : Сау бол Айсұлу.

Жүргізуші: Ой балалар, біз сиқырлы шамды қалай қолданатымызды сұрамадық қой. Енді не істейміз. Сендер білесіңдер ме-?. Қалай қолданамыз. Мына жерге бір нәрсе деп жазалып тұр ғой. Бірақ түсініксіз екен. (шамды сүртеді.)

(Сахнаға әуенмен сиқырлы шамның ішіндегі Жын келеді.)Жүргізуші: Сен кімсің ?

Жын: Мен Жынмын. Сиқырлы шамның құлымын.

Жүргізуші:Мүмкін сиқыршы шығарсың ?

Жын: Мен сиқыршыданда мықтымын. Әрі күштімін. Қалаған тілектеріңді орындаймын.

Жүргізуші: Құрметті Жын бізде жаңа жыл мерекесі келе жатыр, ал біз Аяз атамыздың қай ертегіде жүргенін білмейміз. Аяз- атасыз мерекеде басталмайды. Аяз- атаны табуға көмектесе аласыңба ?

Жын: Көмектесейін. Бірақ, бір өтінішім бар. Мен мың жылдап мына шамның ішінде отырып әбден ішім пысты. Бір көңілімді көтерсем деймін. Сендер менімен ойнайсыңдарма ?

(Ойын басталады.)Жын: Ой, көңілімді бір көтеріп тастадыңдар ғой. Рахмет сендерге. Енді алғысымды білдіретін уақыт келді. Кәнекей менімен бірге қайталаңдар.

Бірлесіп біз шапалақ қағамыз

Бірлесіп біз аяқпен ойнаймыз

Айналамыз, отырамыз.