Ешкім де, ешнәрсе де ұмытылмайды мақаласы

Ешкім де, ешнәрсе де ұмытылмайды.

Халқымыздың мынадай даналық сөзі бекерге айтылмаған «Әкенің жүрегі таудан да үлкен» деп. Менің әкем Даулетбаев Қабдолда Ұлы Отан соғысының ардагері болған. Ол кісі бұл сұрапыл соғыстың басынан соңғы күніне дейін қатысқан. Ұлы Жеңіс күні 9- мамырды Берлинде қарсы алғандығын айтып отыратын. Сұм соғыстын қасіреті мен тауқыметін көзімен көріп басынан өткізгендігін, өзінің отан алдындағы борышын адал атқарғанын айтып бізді адалдыққа, шыншылдыққа тәрбиелеуші еді. Сол үшін біз әкемізді мақтан етіп, ұрпағымызға айтып отырамыз.

Әкеміздің соғыс кезінде көрсеткен ерлігі мен еңбегі бағаланып «Қызыл жұлдыз» орденімен бірнеше медальдармен және мақтау қағаздармен марапатталған. Бұл белгілерін әлі күнге дейін немере, шөберелеріне көрсетіп, аталары жайлы айтып жүреміз.

Сонымен қатар мен әкемнен естігенімді өз шәкірттеріме соғыстың сұрапыл күндері жайлы айтып отырамын.

«Сарғайсада тарихтың ақ парағы, ол күндер мәңгі есте сақталады» дей келе сыныбымдағы оқушыларымның Ұлы Жеңіс күніне арналған «Мен соғысты жек көрем» атты тақырыпқа жазған өлеңдер жинағын ұсынамын.

Мен жек көрем соғысты,

Соғыс деген болмасын .

Бұзылмасын ұйқысы,

Әр үйдегі сәбидің

Төлеген Ниет

3- сынып оқушысы.

9- шы мамырды,

Ұмытуға болама?

Жеңіс күн деп бұл күнді,

Тойлаймыз біз жыл сайын.

Рахижан Ермек

3- сынып оқушысы.

Бейбітшілік ұраны,

Соғыс сөзі болмасын.

Байтақ елде тыныштық,

Мәңгі бақи орнасын!

Серік Мақпал

3- сынып оқушысы.

Ұлы жеңіс, ұлы той,

9- шы мамыр ғой.

Құтты болсын ұлы күн,

Құтты болсын жеңіс күн!

Рахым Әли

3-сынып оқушысы.

Әлия, Мәншүк апамыз,

Жеңіс күнінсыйлаған.

Тыныш өмір заманда,

Біз бақытты балдырған.

Смағұл Қуаныш

3-сынып оқушысы.

Лепсі ауылы, К.Ушинский орта мектебі, мектепке дейінгі шағын орталығымен КММ- сінің бастауыш сынып мұғалімі: Даулетбаева Д.К