Етістік тақырыбына арналған 2-сынып ашық сабағы

Пәні: қазақ тілі

Сабақтың тақырыбы: Етістік (360 – 363 жаттығулар)

Сабақтың мақсаты: Оқушыларға етістікті меңгерту, сұрақты дұрыс қоя білуге үйрету.

Міндеттері:

1. Етістік туралы алған білімдерін дамыта отырып, есте сақтау қабілеттерін арттыру,сөздік қорларын, білім-білік дағдыларын жетілдіру;

2. Сауатты көркем жазуға, тазалыққа, шапшаң ойлай білуге баулу.

Сабақтың түрі: жаңа сабақ

Сабақтың әдісі: түсіндірмелі, сұрақ жауап, талдау, т.б.;

Көрнекілігі: интербелсенді тақта

Пәнаралық байланыс: дүние тану, бейнелеу, әдебиеттік оқу

Сабақтың барысы: 1. Ұйымдастыру кезеңі: Балаларды сабаққа дайындау

Психологиялық ахуал (видео арқылы)

Кел, балалар кәнекей,

Парақтайық әліпби

Талай қызық күтуде

Бәрімізді әлемде

Жалықпа сен, жалықпа

Оқы, тоқы, арманда

Бәрін білген балаға

Жақын болар алыста

Біз Аяжан мен Елдоспен «Ғажайыпстанға саяхатқа» шығамыз. Білімпаз атаға өзіміздің алған білімімізді көрсетеміз. Саяхатқа дайын болсақ, бастаймыз. Әрбір аялдамаға тоқтау үшін тапсырмаларды орындаймыз.

І аялдама Үй тапсырмасын тексеру: 359-жаттығу «Білім керек бәріне» тақырыбына жазып келген шығармаларын оқытып, етістікті тауып талдау жасату; Білім туралы мақал-мәтел, өлең жолдарын сұрау.

Тіліңмен жүгірме, біліммен жүгір.

Күш - білімде, білім - кітапта.

ІІ аялдама Шымкент қаласы

Өткенді пысықтау: «Досыма көмек» ойыны

Сөз таптарын ата? 9 сөз табы бар. Біз оның 4-еуіне тоқталған болатынбыз. (Зат есім, етістік, сын есім, сан есім)

Етістік дегеніміз не? Заттың қимылын, іс-әрекетін білдіретін сөздерді етістік дейміз.

Етістіктің сұрақтары? Етістіктерге не істеді? қайтті? не қылды? деген сұрақтар қойылады.

Етістіктерге мысал келтір Мысалы: өсті, ойнады, сайрады, оқыды, жүрді, келді,байқады, сүртті

ІІІ аялдама Тараз қаласы

Жаңа сабақ:

Суретпен жұмыс. Ненің суретін көріп тұрсыңдар? Мақтаның суреті. Бұл аялдаманың тапсырмасы 360-жаттығу екен. Олай болса осы жаттығудың маған тапсырмасын кім оқып береді? Мәтінді түсініп оқы.

Оқушыға оқыту

Сұрақтар арқылы талдату.

Мақта қандай өсімдік? Бағалы

Одан не алынады? Талшық

Мақта қандай жерді ұнатады? Құнарлы, ылғалды

Ол қандай жерде өсіріледі? Суармалы

Мақта Қазақстанның оңтүстігінде өсіріледі. Оның биіктігі 1,1.5 метр шамасында болады. Мақтадан тек маталар ған тоқылмайды, ол медицинаға өте қажет. Бізге пайдасы өте көп. Үстеріндегі киімдерді таза, ұқыпты киеміз.