Етістіктің шақтары және 23–29-жаттығулар 4-сынып ашық сабағы

Тексерілді

Күні 11.02.2017 ж

Пәніқазақ тілі

Сабақтың тақырыбы Етістіктің шақтары 23-29 жаттығу

Сабақтың мақсаты Оқушылардың етістік туралы білімдерін кеңейту.Етістіктің өткен, осы және келер шақ түрлерімен таныстыру.

Етістіктің шақтарын ажырата білуге, жаттығудың тапсырмаларын дұрыс орындауға үйрету.

Оқушының ой - өрісін, сөздік қорын, белсенділігін, жеке тапсырмалар арқылы жеке тұлғаның шығармашылық

қабілетін дамыту.Сауаттылыққа, дұрыс мәдениетті сөйлей білуге, жылдамдыққа, еңбексүйгіштікке тәрбиелеу. Сабақтың типі аралас

Сабақтың түрі жаңа білімді меңгерту

Сабақтың әдіс –тәсілдері: шынжыр әдісі, мозайка, семантикалық карта, атом мен молекулалар әдісі, кластер әдісі.

Ресурстар Оқулық,стикер, А-3 форматы,маркер,плакат, тақырыптық суреттер,қима қағаздар

Күтілетін нәтиже: Етістіктің шақтары туралы біледі.

Өз бетінше жұмыс істеуге, алған білімдерін тиімді пайдаланады.

Іс-қимылды білдіретін сөздерге сұрақтар қоя алады.

Өз ойын еркін жеткізе алады.

Сабақтың барысы

Сабақ кезеңдері

Мұғалімнің іс-әрекеті

Оқушының іс-әрекеті

7 модульдің қамтылуы

Ұйымдастыру кезеңі (2 минут)

Психологиялық дайындық.

Сәттілік біздер тілейік

Мен саған,сен маған

Күндей күліп жүрейік

Күннің нұрын төгейік

Мен саған,сен маған.

Стикер түстері арқылы 3 ұжымға бөлу. Осы шақ, өткен шақ, келер шақ.

Психологиялық дайындық жасайды. Стикер таңдап топқа бөлінеді. Топ басшысын сайлайды.

Көшбасшылық

Үй тапсырмасы (6 минут)

18-жаттығу берілген.Дәптерлерін тексеріп шығамын.Оқушыларға оқытамын.

Мен көшірдім.Сен айт.Сіз көмектестіңіз.Біз қуандық.Ол ойнады.

Берілген етістіктерді сәйкестендіріп оқиды.

Сыни тұрғыдан ойлауға үйрету

Үй тапсырмасын бекіту (7 минут)

3 топқа іс-қимылға байланысты сурет беріледі.( биле, жүгір, секір) Оқушылар «шынжыр әдісі» бойынша үзбей сол суретке байланысты іс-қимылды білдіретін сөзді жекеше-көпше түрде жіктейді және сөйлем құрайды.

-Қазақ тілінде неше сөз табы бар?

- Етістіктің деген не?

-Етістіктің жіктелуі дегеніміз не?

-Етістікті жіктегенде неше жағы,неше түрі бар екен?

Топтық жұмыс

Оқыту мен оқудағы жаңа әдіс-тәсілдер,СТО

Жаңа сабаққа дайындық (5 минут)

«Бүгін, кеше, ертең » ойыны. Іс-қимылды білдіретін сөздер беріледі, оқушылар сол сөздерді бүгінгі ,кешегі, ертеңгі іс-әрекетті білдіретін сөйлем құрайды.Яғни балалар біздің құраған сөйлемдеріміз іс-әрекетіміздің орындалу мерзімін білдіріп тұр екен.

Ал ендеше бүгінгі сабағымызда «Етістіктің шақтарын» өтеміз.Етістіктің шақтарын өтпес бұрын балалар шақ деген сөздің мағынасы қандай? Мысал келтірейік,сөз тіркесін жасайық.Балалық шақ,жастық шақ, кәрілік шақ.

-Шақ деген сөзді қалай түсінесіңдер?

-Шақ дегеніміз-мезгіл,кезең.

-Бақытты балалық шақ.

- Шақ іс-әрекетті,қимылды білдіреді. -Өріктің сүйегін шақ. Қазақ тілінде етістік сөз табының шақтары бар екен.Енді тақтаға назар аударайық. Суреттерде не бейнеленген.Іс-әрекет сөйлеп тұрған сәтте болып жатқанын,сөйлеп тұрған сәттен бұрын болғанын,іс-әрекет болған жоқ,кейін болады.Міне,сөйлеп тұрған сәттегі қимыл іс-әрекет бір мезгілде өтпейді екен.Сондықтан сөйлеп тұрған сәтке байланысты қимылдың өту кезеңін білдіру қалай аталады екен?

-Етістіктің шағы

Етістік іс-әректтің жүзеге асу мезгілін (уақытын) білдіреді.Соған орай етістіктің үш шағы болады: осы шақ,өткен шақ, келер шақ.

Осы шақ етістіктер іс-әрекеттің қазір болып жатқанын білдіреді.Осы шақ етістіктер не істеп отырмын? не істеп отырсың? не істеп отыр? деген сұрақтарға жауап береді.Жұрнақтары - ып,-іп,-п, отыр ,тұр, жүр, жатыр көмекші сөздері арқылы жасалады.

Өткен шақ етістіктер іс-әрекеттің бұрын болғанын білдіреді.Өткен шақ етістіктер не істедім? не істедің? не істеді? деген сұрақтарға жауап береді. Жұрнақтары -ып,- іп,- п,- ды, -ді, -ты, -ті,- ған, -ген, -қан, -кен,-атын,-етін,еді,екен.

Келер шақ етістіктер іс-әрекеттің алдағы уақытта болатынын білдіреді.Келер шақ етістіктері не істеймін? не істейсің? не істейд?і деген сұрақтарға жауап береді…